မတ်ပဲ၊ ပဲစဥ်းငုံ စျေးတန်းအေးပြီး ပဲတီစိမ်းနဲ့ ကြက်သွန်နီဈေး အတက်ပြလာ...

မတ်ပဲ

မတ်ပဲကတော့ မတ်လရဲ့နောက်ဆုံးပတ်မှာ တစ်တန်ကို စျေးအနည်းငယ် အတက်အကျရှိခဲ့ပါတယ်။ တစ်တန်ကို အများဆုံး ၉၅၀၀ ကျပ်လောက်သာ အကျရှိခဲ့တာဖြစ်ပါတယ်။ မတ်ပဲကို အိန္ဒိယအစိုးရက အခွန်ကင်းလွတ်ခွင့်နဲ့ တင်ပို့ခွင့်ပြုလိုက်ပေမယ့်လည်း စျေးကွက်က တက်မလာဘဲ သိန်း ၃၀ တပတ်လည်ဝန်းကျင်မှာသာအတက်အကျဖြစ်ပေါ်နေတာတွေ့ရပါတယ်။

ရန်ကုန်ဘုရင့်နောင်ဈေးကွက်မှာ တနင်္လာနေက မတ်ပဲ (FAQ )တစ်တန်ကို ၂၉၉၉၀၀၀ ကျပ်၊ အင်္ဂါနေ့မှာ ၂၉၉၂၀၀၀၊ ဗုဒ္ဓဟူးနေ့မှာ ၂၉၉၅၀၀၀ ကျပ်နဲ့ သောကြာနေ့မှာ ၃၀၀၈၀၀၀ ကျပ်ရှိပါတယ်။

ပဲစဉ်းငုံ

ပဲစဥ်းငုံကလည်း မတ်လ နောက်ဆုံးပတ်မှာ ရုံးဖွင့်တဲ့ပထမ သုံးရက်က စျေးတန်းကျရိပ်ပြပြီး နောက်ဆုံးရက်မှာတော့ စျေးတန်းအနည်းငယ်ပြန်တက်လာတာတွေ့ရပါတယ်။ စျေးတန်းက ပြန်တက်လာတယ်ဆိုပေမယ့်လည်း သိန်း ၃၀ စျေးတန်း အထိမြင့်တက်လာခြင်းမရှိသေးပါဘူ

ရန်ကုန်ဘုရင့်နောင်ကုန်စည်ဒိုင်မှာ တနင်္လာနေ့က ၂၉၇၀၀၀၀ နဲ့ အင်္ဂါနေ့က ပဲစဉ်းငုံနီ တစ်တန်ကို ၂၉၆၀၀၀၀ကျပ်၊ ဗုဒ္ဓဟူးနေ့မှာ ၂၉၆၃၀၀၀ သောကြာအထိ မှာ ၂၉၉၅၀၀၀ ကျပ်ရှိပါတယ်။

ပဲတီစိမ်း

ပဲတီစိမ်းစျေးကွက်မှာ စျေးတန်းမြင့်တက်လာပြီး ဝါးခယ်မ ပဲတီစိမ်းကတော့ စျေးတန်းအမြင့်ဆုံးမှာရှိနေပါတယ်။ အရင်နှစ်တုန်းက ပဲတီစိမ်းခရမ်းရွှေဝါက အမြင့်ဆုံးစျေးရှိပေမယ့် ခုနှစ်မှာ ဝါးခယ်မက စျေးကွက်အမြင့်ဆုံးဖြစ်နေတာပါ။ ပဲတီစိမ်းကို တရုတ်ကဝယ်လိုအားရှိတာကြောင့် ဈေးကွက်ကောင်းပြီး ရောင်းလိုအားများနေတာဖြစ် ပါတယ်။

ရန်ကုန်ဘုရင့်နောင်ဈေးကွက်မှာ ပဲတီစိမ်းခရမ်းရွှေဝါနဲ့ ပဲတီစိမ်း ပဲခူးရွှေဝါက တစ်ပိဿာကို ၅၆၆၅ ကျပ်နဲ့ဈေးငြိမ်နေပြီး ပဲတီစိမ်း အညာက ၅၃၃၀ ကျပ်မှ ၅၃၅၀ ကျပ်၊ ပဲတီစိမ်း ဝါးခယ်မက ၅၄၁၅ မှ ၅၄၃၅ ကျပ်ရှိပါတယ်။ ပဲတီစိမ်းမျိုးစုံ စျေးတက်လာတာဖြစ်ပြီး တစ်ပိဿာကို ၁၆၅ ကျပ်မြင့်လာတာဖြစ်ပါတယ်။

နယ်စျေးကွက်မှာက ပဲတီစိမ်းဝါးခယ်မ ပိဿာ ၂၀ တစ်တင်းကို ၁၅၀၀၀၀ ကျပ်အထိရှိနေပါတယ်။

ကြက်သွန်နီ

ကြက်သွန်နီက နွေကြက်သွန်အသစ်တွေ စျေးကွက်ထဲဝင်ရောက်နေပေမယ့် သင်္ကြန်ကာလ နီးလာပြီဖြစ်လို့ ရန်ကုန်ဘုရင့်နောင်ကုန်စည်ဒိုင်မှာ ကားအဝင်များနေပေမယ့် ဈေးတက်ရိပ်ပြလာပါတယ်။

အခါကြီးရက်ကြီးနားနီးတာကြောင့် အရောင်းအဝယ်လည်းသွက်နေပါတယ်။ လှောင်လက်သမားတွေလည်းအဝယ်ရှိနေပါတယ်။

ရန်ကုန်ဘုရင့်နောင်မှာ ဆိပ်ဖြူနဲ့တောင်တွင်း ကြက်သွန်နှစ်မျိုးသာစျေးတန်းဖွင့်ထားပါတယ်။ ဆိပ်ဖြူကြက်သွန်က ၁၂၀၀ မှ ၂၀၀၀ ကျပ်ရှိပြီး တောင်တွင်း ကြက်သွန်က ၁၁၅၀ မှ ၁၈၀၀ ကျပ်ရှိတယ်လို့သိရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...