ကြောင်လျှာသီးအစေ့၊ အခေါက်ဈေးကွက် အတက်ဘက်သို့ဦးတည်နေ

07/09/2020 13:30 PM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား

    နယ်စပ်ကုန်သည်များမှတဆင့် တင်ပို့ရောင်းချနေသည့် ကြောင်လျှာသီးအစေ့၊ ကြောင်လျှာသီးအခေါက်ဈေးကွက်မှာ အတက်ဘက်သို့ ဦးတည်နေကြောင်း ကုန်သည်များထံမှ သိရသည်။

အခုအချိန်က ပစ္စည်းကမရှိ၊ ပစ္စည်းတဖြည်းဖြည်းကို ရှားလာတော့ ဈေးက ပိုပြီးတက်လာတယ်။ မိုးရာသီဆိုတော့ ကြောင်လျှာသီးအခေါက်က မရနိုင်၊ အစေ့လည်းမရနိုင်တော့ ဈေးက ပိုတက်သွားတာပေါ့။ ဟု မြဝတီမှ နယ်စပ်ကုန်သည် ဦးတင်မျိုးနိုင်က ပြောသည်။

    ၂၀၂၀ခုနှစ် မတ်လ၊ ဧပြီလ ကာလများက ကြောင်လျှာသီးအစေ့ တစ်ပိဿာလျှင် (၁,၅၀၀) ကျပ် ဈေးနှုန်းဖြင့် အရောင်းအဝယ်ပြုလုပ်ခဲ့သော်လည်း ယခုအခါ ဈေးနှုန်းများမှာ (၃) ဆခန့် မြင့်တက်နေကြောင်း သိရသည်။

တစ်ပိဿာကို ငါးထောင်၊ ခြောက်ထောင် (၅,၀၀၀/၆,၀၀၀) ကျပ် အထိကို လက်ရှိ ပေါက်ဈေးရှိနေပါတယ်။ ဆေးဘက်ဝင်လို့ ဝယ်ယူနေကြတာပါ။ ကြောင်လျှာသီးကလည်း တရုတ်ဝယ်လက်တွေကပဲ ဝယ်နေတာပါ။ ကြောင်လျှာသီးကို ခွဲလိုက်ရင် အလယ်ခေါင်အထဲမှာရှိတဲ့ ဖြူဖြူလေးကို ဝယ်တာပါ။ ပြည်တွင်းမှာတော့ ကြောင်လျှာသီးကိုလည်း စီးပွားဖြစ်စိုက်သူ မရှိကြသေးပါဘူး။ ကြောင်လျှာပင်ကလည်း စိုက်ပြီးချက်ချင်းကြီး သီးတာမဟုတ်ဘူးလေ။ စိုက်ပြီး နှစ်အတန်ကြာမှ သီးတာကိုး။ အခုကတော့ တောထဲမှာ လိုက်ကောက်ထားတဲ့ အသီး(အစေ့၊ အခေါက်) တွေကို ပြန်ဝယ်ယူရတာပါ။

ဟု ဦးတင်မျိုးနိုင်က ဆက်လက်ပြောသည်။

    အဆိုပါ ကြောင်လျှာသီး အစေ့အခေါက်များကို ဆေးဝါးဖော်စပ်ရာတွင် အသုံးပြုပြီး၊ ကြောင်လျှာတောင့် (ကြောင်လျှာသီး) ကို နေလှမ်း၍ အသီးတောင့်အတွင်းရှိ အစေ့၊ အစေ့ခွံတို့ကို ရောင်းဝယ်ကြခြင်းဖြစ်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်