ယခုတစ်ပတ်အတွင်း အပြောင်းအလဲဖြစ်ပေါ်ခဲ့သော သီးနှံစျေးနှုန်းများ

ဆန်၊စပါး

ဒီတစ်ပတ်မှာတော့ ဧရာဝတီတိုင်းဈေးကွက်မှာ ဆန်နဲ့စပါးဈေးနှုန်းတွေက ငြိမ်နေပါတယ်။ ပုသိမ်ပေါ်ဆန်းစပါးကတင်း၁၀၀ကို ၉၆၇၀၀၀ ကျပ်၊ ဒေးဒရဲပေါ်ဆန်းစပါးကတော့ တင်း၁၀၀ကို ၈၉၃၀၀၀ကျပ်၊ ဒေးဒရဲပေါ်ဆန်းဆန်က တစ်အိတ်ကို ၄၁၀၀၀ ကျပ်၊ ပုသိမ်ဧည့်မထ (စပါး)က တင်း၁၀၀ကို ၅၉၈၀၀၀၊ ပုသိမ် ဧည့်မထဆန်က တစ်အိတ်ကို ၂၄၅၀၀ကျပ်၊ မြောင်းမြပေါ်ဆန်းဆန်က တစ်အိတ်ကို ၄၄၀၀၀ ကျပ် ၊ မြောင်းမြဧည့်မထဆန်ကတစ်အိတ် ကို ၂၄၀၀၀ ကျပ်နဲ့ ဈေးငြိမ်နေပါတယ်။ မြောင်းမြပေါ်ဆန်းစပါးကတော့ တင်း၁၀၀ကို ၉၇၄၀၀၀ ကျပ်နဲ့ ၂၁၀၀၀ ကျပ်ဈေးကျဆင်းခဲ့ပြီး၊ မြောင်းမြဧည့်မထ စပါးက တင်း၁၀၀ကို ၆၂၅၀၀၀ ကျပ်နဲ့ ၉၀၀ကျပ် ဈေးတက်လာပါတယ်။

ရန်ကုန်ဝါးတန်းကုန်စည်ဒိုင်မှာတော့ ပေါ်ဆန်းဈေးနှုန်းတွေက အနည်းငယ် မြင့်တက်နေပါတယ်။ ပေါ်ဆန်းရှယ်က တစ်အိတ် ကို ၃၈၀၀၀ ကနေ ၄၀၀၀၀ ပေါက်ဈေးရှိပြီး၊ ဒီတစ်ပတ်မှာ ၂၀၀၀ ကျပ် ဈေးတက်လာခဲ့ပါတယ်။ ရက်၉၀ဆန်ကတော့ တစ်အိတ်ကို ၂၀၅၀၀ကနေ ၂၁၅၀၀ ကျပ် နဲ့ဒီတစ်ပတ်မှာ ဈေးငြိမ်နေပါတယ်။ ဆန်ကြမ်းဖြစ်တဲ့ နွေသီးထပ်ကတော့ ၂၀၀၀၀နေ ၂၀၃၀၀ ပေါက်ဈေးရှိပြီ ၁၇၀၀ကျပ် ဈေးကျဆင်းခဲ့ပါတယ်။

မတ်ပဲ (FAQ/RC)

ရန်ကုန်ဈေးကွက်မှာ မတ်ပဲဈေးနှုန်းက ထပ်မံကျဆင်းခဲ့ပါတယ်။ မတ်ပဲ (FAQ/ RC)က တစ်တန်ကို လက်ရှိ ၇၅၂၀၀၀ ဈေးရှိပြီး၊ တစ်ပတ်အတွင်း တစ်တန်ကို ၁၀၀၀၀ ကျော် ထပ်မံကျဆင်းခဲ့တာပဲဖြစ်ပါတယ်။ အိန္ဒိယနိုင်ငံမှာ မတ်ပဲဈေးအနည်းငယ်ကျဆင်းခဲ့လို့ အိန္ဒိယပဲကုန်သည်တွေက ထိန်းဝယ်ယူနေတာကြောင့် ဈေးပြန်ကျဆင်းခဲ့တာဖြစ်တယ်လို့ ကုန်သည်အချို့ကပြောဆိုထားသည်။ ဒါ့အပြင် မကြာမီလပိုင်းအတွင်းမှာလဲ အိန္ဒိယနိုင်ငံမှာ ပဲအသစ်ပေါ်လာတော့မှာဖြစ်လို့ အိန္ဒိယပဲကုန်သည်တွေက ဝယ်ယူမှုအနည်းငယ် ပြန်အေးသွားတယ်လို့ သိရပါတယ်။ သြဂုတ်လမှာ အိန္ဒိယကိုတင်သွင်းရမှာ ဖြစ်တဲ့အတွက်ကြောင့် ပြည်တွင်းတောင်သူတွေအနေနဲ့ကလဲ ဈေးစောင့်ပြီး အရောင်းအဝယ်လုပ်မှု နည်းနေတယ် တယ်လို့သိရပါတယ်။ မုံရွာဈေးကွက်မှာလည်း မတ်ပဲက ၂၀ပိသာတစ်တင်းဈေးနှုန်းကို ၂၄၀၀၀ ကျပ်ပေါက်ဈေးရှိပြီး၊ ၂၅၀ကျပ်ဈေး ကျဆင်းခဲ့ပါတယ်။

ပဲစင်းငုံ(နီ)

ပဲစင်းငုံနီကလည်း ဒီတစ်ပတ်မှာ ဈေးထပ်မံကျဆင်းသွားခဲ့ပါတယ်။ ရန်ကုန်ဈေးကွက်မှာ တစ်တန်ကို ၉၀၂၀၀၀ ဈေးရှိခဲ့ပြီး၊၈၀၀၀ ကျပ်ဝန်းကျင် ဈေးထပ်မံကျဆင်းခဲ့ပါတယ်။ တောင်သူတွေက ဈေးအတက်ကိုစောင့်ပြီး၊ အရောင်းအဝယ်မလုပ်တဲ့အတွက် ဈေးကွက်မှာ ပဲစင်းငုံအရောင်းမရှိဘဲ ဈေးကျဆင်းသွားတာ ဖြစ်တယ်လို့ သိရပါတယ်။

အိန္ဒိယက ပဲစင်းငုံတန်ချိန် လေးသိန်းထိ ပြည်ပကနေဝယ်ယူတင်သွင်းမှာ ဖြစ်ပြီး၊ ပြည်တွင်းမှာ လက်ကျန်က နည်းနေတာကြောင့် ဈေးက ယခုထက်ထပ်မံကျဆင်းနိုင်ခြေမရှိဘူးလို့ ကုန်သည်တွေက ခန့်မှန်းထားကြပါ တယ်။

မုံရွာ ဈေးကွက်မှာလည်း ၂၀ပိသာ တစ်တင်းကို ၃၁၀၀၀ ကျပ်ဈေးရှိပြီး၊ ၈၀၀ကျပ် ဈေးကျဆင်းခဲ့ပါတယ်။ ပခုက္ကူ ဈေးကွက်မှာတော့ ပဲစဉ်းငုံ( အနီ)ကတစ်ပိသာကို ၁၅၇၅ ကျပ်ဈေးရှိပြီး၊ ၆၀ကျပ်ဈေးကျဆင်းခဲ့ပါတယ်။

စားသုံးဆီ

ဒီတစ်ပတ်မှာ စားအုန်းဆီနဲ့ မြေပဲဆီက ဈေးတက်နေပြီး၊ နှမ်းဆီကတော့ ဈေးငြိမ်နေပါတယ်။ မုံရွာကုန်စည်ဒိုင်မှာလည်း စားအုန်းဆီက တစ်ပိသာကို ၁၅၇၀ ဈေးပေါက်ပြီး ၂၀ကျပ် ၊မြေပဲဆီကတစ်ပိသာ ကို ၇၂၀၀ ကျပ်နဲ့ ၅၀၀ကျပ် အသီးသီးဈေးတက်လာပါတယ်။

ပခုက္ကူဈေးကွက်မှာတော့ စားအုန်းဆီ (ရိုးရိုး) ကတစ်ပိသာကို ၁၅၂၀ ကျပ်ဈေးရှိပြီး၊ ၂၀ကျပ်၊ မြင်းခြံကုည်စည်ဒိုင်မှာ စားအုန်းဆီက တစ်ပိသာ ကို ၁၆၀၅ ကျပ်ဈေးရှိပြီး၊ ၈၀ကျပ်အသီးသီးဈေးတက်နေပါတယ်။

ရန်ကုန်ဈေးကွက်မှာလည်း စားအုန်းဆီကမှုရင်း လက်ကားဈေး တစ်ပိသာကို ၁၄၈၀ ပေါက်ဈေးရှိပြီး တစ်ပိသာကို ၁၀ကျပ်ဈေးထပ် တက်လာခဲ့တာပါ။ မြေပဲဆီက တစ်ပိသာကို ကျပ် ၆၃၀၀၊ နှမ်းဆီက တစ်ပိသာကို ကျပ် ၇၅၀၀ နဲ့ ဈေးငြိမ်နေပါတယ်။

ကုလားပဲ

ကုလားပဲကတော့ ဒီတစ်ပတ်မှာ ဈေးထပ်မံကျဆင်းခဲ့တာကို တွေ့ရပါတယ်။ ကုလားပဲက တရုတ်ကနေ တရားမဝင် တစ်ရက်ကို အစီး၅၀ ဝန်းကျင်ဝင်ရောက်မှုတွေ ရှိနေတာကြောင့် ဈေးကျဆင်းခဲ့တာဖြစ်တယ်လို့ သိရပါတယ်။

မုံရွာဈေးကွက်မှာ ကုလားပဲလုံးဝါသေး က ၁၉ပိသာ တစ်တင်းကို ကျပ် ၂၆၈၀၀ ကျပ် ပေါက်ဈေးရှိပြီး ၂၀၀ကျပ်၊ ကုလားပဲလုံးဖြူကြီးက တစ်တင်းကို ၂၆၆၀၀ ကျပ်ဈေးရှိပြီး၊ ၃၀၀ကျပ် ဈေးထပ်မံကျဆင်းခဲ့ပါတယ်။

ပခုက္ကူကုန်စည်ဒိုင်မှာလည်း ကုလားပဲ (လုံးဝါကြီး) က တစ်ပိသာကို ၁၃၉၅ကျပ်ဈေးရှိပြီး ၃၁ကျပ်၊ ကုလားပဲ (လုံးဖြူကြီး)က တစ်ပိသာကို ကျပ် ၁၃၉၅ကျပ်ဈေးရှိပြီး၊ ၂၆ကျပ် ဈေးကျဆင်းနေပါတယ်။

မြင်းခြံကုည်စည်ဒိုင်မှာ ကုလားပဲလုံးဝါ (ကြီး)က တစ်ပိသာကို ကျပ် ၁၄၂၅ ကျပ်ဈေးပေါက်ပြီး၊ ၁၅ကျပ်၊ ကုလားပဲလုံးဖြူ (ကြီး)က တစ်ပိသာကို ကျပ် ၁၃၇၅ ကျပ်ဈေးရှိပြီး၊ ၄၀ကျပ်ဈေးအသီးသီးကျဆင်းနေပါတယ်။

စိုးချစ်ချစ်ပိုင်(AMIA)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...