ယခုတစ်ပတ်အတွင်း စျေးနှုန်းအပြောင်းအလဲဖြစ်ပေါ်ခဲ့သည့်သီးနှံများ

မတ်ပဲ (FAQ/RC)

မတ်ပဲကတော့ လက်ရှိအချိန်ထိ ဈေးကတည်ငြိမ်မှုမရှိသေးတာကိုလည်းတွေ့ရပါတယ်။ အတက်အကျ အပြောင်းအလဲကလည်း များပါတယ်။ ဒါပေမယ့်ပြီးခဲ့တဲ့ ၂၀၁၈ ဒီဇင်ဘာနဲ့ယှဉ်လိုက်ရင်တော့ ဈေးကအတော်hကို ကျဆင်းသွားခဲ့ပါတယ်။

လက်ရှိမှာ အိန္ဒိယရဲ့ ဝယ်လိုအားအခြေအနေကို ကြည့်ပြီး မတ်ပဲက ဈေးထက်ပြီး တက်နိုင်တယ်လို့ ကုန်သည်အများစုက သုံးသပ်ပေမယ့် ဈေးကွက်ထဲမှာ မတ်ပဲလက်ကျန်တွေက အများအပြားကျန်ရှိနေတာ ဖြစ်တဲ့အတွက် အဟောင်းလက်ကျန်တွေကိုသာ ဈေးဖြတ်ရောင်းချနေခဲ့ရပါတယ်။ လက်ရှိရောင်းချမှုတွေက အိန္ဒိယတစ်ခုထဲ မဟုတ်ပဲ အခြား နိုင်ငံတွေကိုသာ ရောင်းချနေရတာဖြစ်ပါတယ်။

လက်ရှိအခြေအနေမှာတော့ ကုန်သည်အများစုကလည်း မတ်ပဲအခြေအနေက ၂၀၁၉ ခုနှစ်မှာ ကောင်းနိုင်မှာလား ဆိုးမှာလားဆိုတာ ခန့်မှန်းဖို့အတွက် တွေဝေနေပါတယ်။ အိန္ဒိယအခြေအနေကလည်း လက်ရှိအချိန်ထိ တိကျမှုမရှိသေးတဲ့အတွက်ကြောင့်လည်း ဖြစ်ပါတယ်။

ဒီတစ်ပတ်မှာတော့ မတ်ပဲက ၇ သိန်း နဲ့ ဈေးရှိနေပြီး တင်ပို့မှုများတဲ့နေ့ဆိုရင်တော့ ၇ သိန်းအောက်ဈေးက ရောက်သွားတာတွေ့ရပါတယ်။ နယ်ကုန်စည်ဒိုင်တွေဖြစ်တဲ့ မုံရွာကုန်စည်ဒိုင်မှာလည်း မတ်ပဲက တစ်တင်းကို ၂၃၀၀၀ နဲ့ ၁၀၀၀ ကျပ်ဈေးကျဆင်းသွားခဲ့ပါတယ်။ ပြည်ကုန်စည်ဒိုင်မှာတော့ တစ်တင်းကို ၂၃၀၀၀ နဲ့ ၅၀၀ ကျပ်ဈေးကျဆင်းသွားပြီး နေပြည်တော်ကုန်စည်ဒိုင်မှာတော့ တစ်တင်းကို ၂၃၃၀၀ နဲ့ဈေးငြိမ်နေပါတယ်။

ပဲစင်းငုံနီ

ပဲစင်းငုံနီကလည်း ဈေးကကျဆင်းနေတယ်ဆိုပေမယ့် လက်ရှိမှာ မတ်ပဲထက် ဈေးများနေတာကိုတွေ့ရပါတယ်။ လက်ရှိရန်ကုန်ဈေးကွက်ကနေ ပဲအဟောင်းကိုတွေကို ဆက်တိုက်တင်ပို့နေတာတွေ့ရပြီး တင်ပို့မှုကတော့ နည်းတာလည်း တွေ့ရပါတယ်။ တင်ပို့မှုနည်းတာ ဖြစ်တဲ့အတွက်ကြောင့် ဈေးက မြင့်နေတယ်လို့လည်း ဆိုနိုင်ပါတယ်။

ပဲအသစ်တွေကလည်းဆက်တိုက်ဝင်ရောက်နေပြီး ဈေးကလည်း မတ်ပဲ နဲ့ ဈေးအတူတူ ဖြစ်နေပါတယ်။ အိန္ဒိယက ပဲစင်းငုံနီလိုအပ်ချက်က မတ်ပဲထက် များနေတာကိုလည်းတွေ့ရပါတယ်။ ပဲစင်းငုံနီကတော့ ၂၀၁၉ မှာ မျှော်လင့်ချက်ရှိနိုင်တဲ့ ပဲလည်းဖြစ်နေပါတယ်။ တောင်သူတွေက အထက်ပါအချက်ကို စောင့်ပြီး ထုတ်ရောင်းမှုနည်းနေတာကိုလည်းတွေ့ရပါတယ်။

ပဲစင်းငုံနီကတော့ ဒီတစ်ပတ်မှာ ၇ သိန်းကျော်အထိ ပေါက်ဈေးရှိခဲ့ပါတယ်။ နယ်ကုန်စည်ဒိုင်ဖြစ်တဲ့ မုံရွာမှာတော့ တစ်တင်းကို ၂၅၈၀၀ ကျပ်ရှိပါတယ်။ ပြည်ကုန်စည်ဒိုင်မှာတ့ တစ်တင်းကို ၂၅၀၀၀ နဲ့ ၁၀၀၀ ကျပ်ဈေးကျဆင်းသွားပါတယ်။

ပြီးခဲ့တဲ့ရက် ပဲပေါ်ခါနီး အချိန်အခါမဟုတ် မိုးရွာသွန်းတဲ့အတွက်ကြောင့် ပဲအရည်အသွေး ထိခိုက်နိုင်ပြီး ဈေးကလည်း ကျဆင်းနိုင်ခြေရှိပါတယ်။ ထွက်ရှိပြီးသားပဲတွေကတော့ အရည်အသွေးကောင်းတဲ့အတွက် ဈေးကောင်းရနိုင်ခြေရှိပါတယ်။

ပဲတီစိမ်း

ပဲတီစိမ်းကလည်း ဈေးအတက်အကတည်ငြိမ်မှုမရှိပါဘူး။ လက်ရှိမှာက ပဲအဝင်လှိုင်နေချိန်ဖြစ်တဲ့အတွက်ကြောင့် ဈေးက ကျဆင်းနေပါတယ်။

မုံရွာဈေးကွက်မှာ ပဲတီစိမ်း (အကြီး၊သေး)က တစ်တင်းကို ၂၉၅၀၀ ကနေ ၃၀၇၅၀ ရှိပြီး ၅၀၀ ကျပ်ဈေးကျဆင်း သွားပါတယ်။မြင်းခြံကုန်စည်ဒိုင်မှာတော့ အသေးက တစ်တင်းကို ၂၄၂၀၀ ရှိပြီး ၁၄၅၀ ကျပ်ဈေးကျဆင်းသွားခဲ့ပါတယ်။ပခုက္ကူမှာလညး တစ်တင်းကို ၂၉၇၀၀ ရှိပြီး ၂၀၀ ကျပ်ဈေးကျဆင်းသွားပါတယ်။

ကြက်သွန်နီ

ပြီးခဲ့တဲ့ အပတ်က အဝင်နည်းပြီး ဈေးတက်ခဲ့တဲ့ ကြက်သွန်နီက ဒီတစ်ပတ်မှာတာ့ ဈေးက အတော်ကို ကျဆင်းသွားခဲ့ပါတယ်။ ဒီတစ်ပတ်မှာတော့ ကြက်သွန်တွေ အဝင်များပြီးဈေးက ကျဆင်းသွားခဲ့သလို အချိန်အခါမဟုတ်မိုးရွာတဲ့အတွက်ကြောင့် ကြက်သွန်တွေ ပျက်စီးမှုရှိခဲ့ပြီးဈေးက ကျဆင်းသွားခဲ့ပါတယ်။

လက်ရှိမှာ ဈေးတွေ ကျဆင်းနေတဲ့ ကြက်သွန်နီကို နယ်စပ်ကုန်သွယ်ရေးလမ်းကြောင်းကနေတဆင့် တင်ပို့နိုင်ဖို့အတွက် စီးပွားရေးနဲ့ကူးသန်းရောင်းဝယ်ရေးဝန်ကြီးဌာနတို့ ဆွေးနွေးမှုတွေ ပြုလုပ်နေပါတယ်။ လက်ရှိအခြေအနေက တင်ပို့မှုတွေရှိနေပေမယ့် တရုတ်ကြက်သွန်တွေထက်ဈေးများနေခြင်း၊ ပြည်တွင်းစားသုံးမှုများနေခြင်း၊ ပုပ်သိုးလွယ်နေခြင်းတို့ကြောင့် ပြည်ပတင်ပို့မှုက နည်းနေတာလည်းဖြစ်ပါတယ်။

ကြက်သွန်အဓိကထွက်တဲ့ ပခုက္ကူမှာတော့ ကြက်သွန်နီကတစ်ပိဿာကို ၁၀၀ ကနေ ၇၅၀ ပေါက်ဈေးရှိပြီး တစ်ပိဿာကို ၂၅၀ ကျပ်လောက်ဈေးကျဆင်းသွားခဲ့ပါတယ်။ မြင်းခြံကုန်စည်ဒိုင်မှာလည်း ကြက်သွန်နီက တစ်ပိဿာကို ၂၀၀ ကနေ ၈၀၀ ရှိပြီး ၁၀၀ ကျော်ဈေးကျဆင်းသွားပါတယ်။ နယ်ပေါင်းစုံက ဝင်တဲ့ ရန်ကုန်ဘုရင့်နောင်ကုန်စည်ဒိုင်မှာတော့ တစ်ပိဿာကို ၃၀၀ ကနေ ၁၂၀၀ ရှိပြီး ၂၅၀ လောက်ဈေးကျဆင်းသွားခဲ့ပါတယ်။

ဝတ်ရည်မွန် (AMIA)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်