သီးနှံပေါက်ဈေးကိုဆုံးဖြတ်ပေးနိုင်တဲ့ ရောင်းလိုအား

ဝယ်လိုအားနည်းတူ ရောင်းလိုအားပေါ်မှာလည်း အချက်များစွာက လွှမ်းမိုးနေပါတယ်။ တောင်သူတွေအနေနဲ့ သီးနှံတစ်မျိုး ရောင်းလိုအား ဘာကြောင့် များနေရသလဲဆိုတာ နားလည်ဖို့အရေးကြီးပါတယ်။ ဒါမှသာ သီးနှံတစ်မျိုးအတွက် စုစုပေါင်းရောင်းလိုအားပမာဏ ဘယ်လောက်ရှိနိုင်မယ်ဆိုတာ ချင့်ချိန်ပြီး သီးနှံဈေးနှုန်းအလားအလာကို သုံးသပ်နိုင်မှာဖြစ်ပါတယ်။

လူအား၊ မြေအားနဲ့ ငွေအား

သီးနှံစိုက်ပျိုးရေးအတွက် စိုက်ပျိုးမည့်သူ လူအား လိုအပ်တယ်။ အလားတူ စိုက်ပျိုးစရာမြေဖြစ်တဲ့ မြေအားလည်း လိုအပ်ပါတယ်။ နောက်ပြီး မျိုးစေ့၊ ဓာတ်မြေသြဇာ စတာတွေ ဝယ်ယူသုံးစွဲနိုင်ဖို့ ငွေအားလည်း လိုအပ်တယ်။ အဲဒီ လူအား၊ မြေအား၊ ငွေအားတို့ကိုလိုက်ပြီး တောင်သူရဲ့ သီးနှံထုတ်လုပ်နိုင်မှု အပြောင်းအလဲ ဖြစ်ပေါ်ပါတယ်။ တနည်း ဒီအချက်တွေက သီးနှံထုတ်လုပ်နိုင်စွမ်းကို ပြောင်းလဲစေခြင်းအားဖြင့် သီးနှံရောင်းလိုအားအပေါ် လွှမ်းမိုးနေတာဖြစ်ပါတယ်။

ရာသီချိန်ခါ

တောင်သူတွေဟာမှာ ရာသီအပေါ် မှီခိုလုပ်ကိုင်ကြရပါတယ်။ ဒါကြောင့် သူတို့ရဲ့ သီးနှံထုတ်လုပ်မှုအားဟာ ရာသီအလိုက် ပြောင်းလဲနေပါတယ်။ သီးနှံပေါ်ချိန်မှာ အဲဒီသီးနှံရဲ့ ရောင်းလိုအား မြင့်နေပြီး ကျန်ကာလတွေမှာတာ့ ရောင်းလိုအား နိမ့်ကျနေတတ်ပါမယ်။ သီးနှံ လှိုင်လှိုင်ပေါများနေချိန်မှာ သီးနှံဈေး ကျလာမှာဖြစ်ပြီး ကျန်ကာလတွေမှာတော့ ဈေး ပြန်မြင့်တက်လာမှာ ဖြစ်ပါတယ်။ တောင်သူတွေအနေနဲ့ သီးနှံရှားပါးချိန်ရောက်မှ ထုတ်ရောင်းနိုင်အောင် စီမံနိုင်မယ်ဆိုရင် ဈေးကောင်းရပြီး ဝင်ငွေ တိုးလာကြပါလိမ့်မယ်။

မိုးလေဝသ

သီးနှံထုတ်လုပ်မှုဟာ မိုးလေဝသအပေါ်လည်း မူတည်နေပြန်ပါတယ်။ မိုးလေဝသ ကောင်းရင် သီးနှံအထွက်ကောင်းပြီး ရောင်းလိုအား မြင့်တက်လာပါလိမ့်မယ်။ တစ်ခါ ရာသီဥတု ဖောက်ပြန်ခဲ့ရင်တော့ သီးနှံအထွက် ညံ့ဖျင်းပြီး ရောင်းလိုအား လိုက်ပါကျဆင်းလာပါလိမ့်မယ်။ သီးနှံတစ်မျိုး အထွက်ကောင်းနေရင် ဈေးအကျဘက် ဦးတည်နိုင်ကာ အထွက်နည်းရင်တော့ ဈေးနှုန်း အတက်ဘက်ဆီ ဦးတည်သွားမှာဖြစ်ပါတယ်။

စိုက်ပျိုးသူဦးရေ

သီးနှံတစ်မျိုး ရောင်းလိုအားပေါ် အဲဒီသီးနှံ စိုက်ပျိုးသူဦးရေနဲ့ ထုတ်လုပ်မှုပမာဏတို့ကလည်း လွှမ်းမိုးပါတယ်။ တောင်သူအများစုမှာ ဈေးကောင်းရနေတဲ့ သီးနှံကို လိုက်ပြီးစိုက်လေ့ရှိကြတယ်။ သီးနှံတစ်မျိုး ဈေးကောင်းနေရင် နောက်တစ်နှစ်မှာ တောင်သူအများစု စိုက်လာတာကြောင့် အဲဒီသီးနှံရောင်းအား မြင့်တက်သွားတတ်တယ်။ ရောင်းလိုအားဟာ လိုတာထက် ပိုများသွားတဲ့အခါ အဲဒီသီးနှံဈေး ကျသွားရပြန်တယ်။ ဈေးဆက်တိုက်ကျနေပြန်တော့လည်း တောင်သူတွေက ငွေပိုရမယ့် အခြားသီးနှံဘက် လှည့်သွားတတ်ကြပြီး ကနဦးဖော်ပြပါသီးနှံရဲ့ ရောင်းလိုအားပါ လိုက်ပါကျဆင်းသွာတတ်ပါတယ်။ ဒီလိုနဲ့ သီးနှံတစ်မျိုးရဲ့ ဈေးနှုန်းဟာ စိုက်သူနည်းလိုက် တက်လာလိုက်၊ စုပြုံစိုက်လိုက် ပြန်ကျသွားလိုက် သံသရာလည်နေတတ်တယ်။

သွင်းကုန်

ဈေးကွက်အတွင်း သီးနှံတစ်မျိုးရဲ့ ရောင်းလိုအားအပေါ် ပြည်တွင်းထုတ်လုပ်မှုကသာ လွှမ်းမိုးတာမဟုတ်ပါဘူး။ အနီးအနားနိုင်ငံတွေရဲ့ ထုတ်လုပ်မှုကလည်း လွှမ်းမိုးနိုင်ပါတယ်။ အထူးသဖြင့် ပြည်တွင်းမှာ သီးနှံတစ်မျိုး ဈေး မြင့်နေတဲ့အခါ ကုန်သည်တွေက ပြည်ပကနေ သွင်းပြီး ပြည်တွင်းဈေးကွက်မှာ ရောင်းချတတ်ကြပါတယ်။ ဒီလိုနည်းနဲ့ ပြည်တွင်းဈေးကွက်ရဲ့ ရောင်းလိုအားအပေါ် လွှမ်းမိုးခြင်းဖြစ်ပါတယ်။

ဈေးနှုန်း

သီးနှံရောင်းလိုအားအပေါ် အဲဒီသီးနှံရဲ့ ဈေးနှုန်းကလည်း လွှမ်းမိုးပြန်ပါတယ်။ ပုံမှန်အားဖြင့် တောင်သူအများစုက ဈေးကောင်းရနေတဲ့သီးနှံကို စိုက်ပျိုးဖို့ အားထုတ်ကြတာ များပါတယ်။ ဒီနည်းနဲ့ သီးနှံရဲ့ရောင်းလိုအား များလာခြင်းဖြစ်ပါတယ်။ သီးနှံဈေး ကျနေရင်တော့ တောင်သူတွေ အစိုက်နည်းလာပြီး အဲဒီသီးနှံ ရောင်းလိုအားလည်း လိုက်ပါကျဆင်းသွားမှာဖြစ်ပါတယ်။

အခု ဆွေးနွေးခဲ့တာတွေဟာ ဈေးကွက်အတွင်းက သီးနှံတစ်မျိုးရဲ့ ပေါက်ဈေးအပေါ် ရောင်းလိုအား၊ ဝယ်လိုအားတို့က လွှမ်းမိုးတတ်ပုံအကြောင်း ဖြစ်ပါတယ်။ သီးနှံကို အချိန်အခါကိုက် ရောင်းချနိုင်ရေး ကြိုးပမ်းရာမှာ ဒီအချက်တွေ သိထားဖို့ အရေးကြီးပါတယ်။ လယ်ယာကုန်စည်အမျိုးမျိုးရဲ့ ဈေးကွက်လမ်းကြောင်း၊ ရောင်းလိုအား၊ ဝယ်လိုအားတွေကို စောင့်ကြည့်လေ့လာခြင်းအားဖြင့် တောင်သူတွေဟာ မိမိတို့စိုက်ပျိုးရာသီးနှံကို ဈေးကောင်းကောင်းနဲ့ ဈေးကွက်တင်ရောင်းချနိုင်မှာ ဖြစ်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...