ပေါင်းပင်များကို နှိမ်နင်းနိုင်သည့်နည်းလမ်းများ

ပေါင်းပင်များသည် သီးနှံပင်နှင့် ရေ၊ အာဟာရဓာတ်၊ နေရောင်ခြည်တို့ကို ရယူယှဥ်ပြိုင်ကြသဖြ င့် သီးနှံပင်များ၏ အထွက်နှုန်းကို များစွာထိခိုက်စေပါသည်။ သီးနှံအရည်အသွေးကိုလည်း ကျဆင်းစေပါသည်။ ပေါင်းပင်များရှိနေခြင်းသည် ရောဂါပိုးမွှားတို့၏ ခိုအောင်းရာ နေရာသဖွယ် ဖြစ်စေပါသည်။ ပေါင်းပင်များမှ ဓာတုပစ္စည်းများထုတ်လုပ်ခြင်းဖြင့်လည်း သီးနှံပင်များကို ဒုက္ခဖြစ်စေပါသည်။

ထို့ကြောင့် ပေါင်းပင်များကို နှိမ်နင်းရာတွင်

(က) ထွန်ထယ်များဖြင့် မြေပြင်ခြ င်း

မိုးဦးကျသည်နှင့်တစ်ပြိုင်နက် ထွန်၊ ထယ်များဖြ င့် မြေကိုထိုးဆွပေးလျှင် ပေါင်းမျိုးစေ့များ ပေါက်လာစေပါသည်။ ထိုပေါက်လာသောပေါင်းပင်များကို ထပ်မံထွန်မွှေပေးခြင်းဖြင့်ဖျက်ဆီးပစ်ရပါမည်။ သီးနှံရိတ်သိမ်းပြီးလျှင်ပြီးခြင်း ထယ်ကို အခါအားလျော်စွာ ကြိမ်ဖန် များစွာ ထိုးပေးခြင်းဖြင့် ပေါင်းကိုနှိမ်နင်းနိုင်ပါသည်။

(ခ) လက်ဖြင့်နှုတ်ယူခြင်း

လက်ပေါင်းလိုက်ခြင်းသည် လက်သုံးကိရိယာငယ်တစ်ခုခုကို အသုံးပြုပြီး ပေါင်းနှိမ်နင်းခြင်း ဖြစ်သည်။ လက်ပေါင်းလိုက်ခြင်းဖြ င့် ပေါင်းပင်ငယ်များနှင့် အလွယ်တကူဆွဲနှုတ်နိုင်သည်။ တစ်နှစ်ခံပင်များအတွက် ထိရောက်မှုရှိသော်လည်း နှစ်ရှည်ခံပေါင်းပင်များကိုမူ ထိရောက်မှုမရှိပါ။

(ဂ) စိုက်ခင်းကို ကြားလိုက်ခြ င်း

အတန်းလိုက်စိုက်ထားသော သီးနှံခင်းများတွင် ကြားလိုက်ကိရိယာများကို အသုံးပြုခြင်းဖြင့် အတန်းကြားတွင် ပေါက်သောပေါင်းပင်များကို နှိမ်နင်းနိုင်ပါသည်။ လက်တွန်းဘီးတပ်ပေါင်းလိုက်ကိရိယာများ၊ တိရစ္ဆာန်ဆွဲပေါင်းလိုက်ကိရိယာများနှင့် လယ်ထွန်စက်တပ်ပေါင်းလိုက်ကိရိယာများကို အသုံးပြုပါက ထိရောက်မှုရှိပြီး မြန်မြန်ဆန်ဆန် လုပ်ငန်းပြီးမြောက်ပါသည်။ အချိန်မီ ပေါင်းရှင်းနိုင်သဖြင့် သီးနှံအထွက်နှုန်း တိုးတက်စေပါသည်။

(ဃ) ရေဖြင့်လွှမ်း၍ကာကွယ်နှိမ်နင်းခြင်း

စိုက်ခင်းကို ရေလွှမ်းထားခြင်းအားဖြ င့် အချို့သောပါင်းပင်များ၏ ကြီးထွားမှုကိုလျော့နည်းကစပြီး တဖြည်းဖြည်း အပင်များဝါလာကာ သေကျေပျက်ဆီးစေပါသည်။ ထို့အပြင် လယ်စပါးတွင် ရေလွှမ်းပေးခြင်းဖြင့် ပေါင်းစေ့များမပေါက်အောင် ဆောင်ရွက်နိုင်ပါသည်။သို့သော် ဤနည်းသည် ရေကြိုက်သော ပေါင်းပင်များအတွက် ထိရောက်မှုမရှိပါ။

(င) မီးရှို့၍နှိမ်နင်းခြင်း

ပေါင်းသတ်လောင်မီး (Flame Gun) ကိုအသုံးပြုပြီး သီးနှံစိုက်ခင်းများတွင် နုနယ်သော ပေါင်းပင်များကို သတ်ကြသည်။ အပင်များ ချက်ချင်းပင် နွမ်းပြီးလောင်ကျွမ်းသွားသဖြင့် အလွန်ထိရောက်သောနည်းဖြစ်သည်။ သီးနှံမစိုက်ပျိုးမီအချိန်၌လည်း စိုက်ခင်းအတွင်းရှိ ပေါင်းမြက်များ၊ အပင်အကြွင်းအကျန်များနှင့် အမှိုက်သရိုက်များကို မီးရှို့၍ထိရောက်စွာနှိမ်နင်းနိုင်ပါသည်။

(စ) သီးနှံအလှည့်ကျစိုက်ပျိုးခြင်း

သီးနှံတစ်ခုတည်း ဆက်တိုက်စိုက်ပျိုးပါက ပေါက်ရောက်သော ပေါင်းမျိုးစိတ်များသည် သီးလှည့်စနစ်ဖြင့် စိုက်ပျိုးသောအခါ ပြောင်းလဲသွားပါသည်။ ထို့ကြောင့် သီးနှံအလိုက် ဒွန်တွဲပေါက်ရောက်တတ်သော ဆိုးရွားသည့်ပေါင်းပင်များ ပေါက်ရောက်မှုကို သီးလှည့်စိုက်စနစ်ဖြင့် ဟန့်တားနှိမ်နင်းနိုင်ပါသည်။

(ဆ) ဇီဝနည်းဖြင့်နှိမ်နင်းခြ င်း

ဇီဝနည်းဖြင့်ပေါင်းနှိမ်နင်းခြင်းဆိုသည်မှာ အင်းဆက်ပိုးများ၊ ပင့်ကူနီများ၊ မှိုများ၊ တီပိုး၊ ဘက်တီးရီးယားများ၊ ငါး၊ နို့တိုက်သတ္တဝါ၊ ငှက်နှင့် ဘဲများ စသည့်သက်ရှိများကို အသုံးပြု၍ ပေါင်းကိုနှိမ်နင်းခြင်းဖြစ်သည်။

(ဇ) ပေါင်းသတ်ဆေးဖြင့်နှိမ်နင်းခြင်း

ဓာတုပေါင်းသတ်ဆေးများကို အသုံးပြု၍ ပေါင်းကို ကာကွယ်နှိမ်နင်းနိုင်ပါသည်။ သို့သော် ပေါင်းသတ်ဆေးသည် အပင်ကိုသတ်သော ဆေးဖြစ်သဖြ င့် သုံးစွဲသူအနေဖြင့် ပေါင်းသတ်ကဆးနှင့် ပတ်သက်သော အခြေခံဗဟုသုတရှိရန် လိုပါသည်။ သို့မှသာ သီးနှံပင်ကို မထိခိုက်စေဘဲ ပေါင်းကိုထိရောက်စွာ ကာကွယ်နှိမ်နင်းနိုင်မည်ဖြစ်ပါသည်။ အချို့ပေါင်းသတ်ဆေးများသည် အပင်များကိုရွေးချယ်သတ်နိုင်ပြီး အချို့မှာ အပင်အားလုံးကို သေစေနိုင်ပါသည်။ အချို့မှာ လူနှင့်ကျွဲ၊ နွားများကိုပါ အဆိပ်ဖြစ်စေသဖြင့် အသုံးပြုရာတွင် လေ့လာပြီးမှဆင်ခြင်၍ အသုံးပြုသင့်ပါသည်။ ပေါင်းသတ်ဆေးအသုံးပြုရာတွင် ဆေးအမျိုးအစား၊ ဆေးနှုန်းထား၊ ဆေးပက်ဖျန်းပုံ၊ ပတ်ဝန်းကျင်အခြေအနေ၊ ပေါင်းပင်နှင့် သီးနှံပင်တို့၏ အပင်ကြီးထွားမှုအဆင့်၊ ပေါင်းပင်အမျိုးအစား စသည်တို့ မှန်ကန်ရပါမည်။

 ပေါင်းသတ်ဆေးအမျိုးအစားများ

ပေါင်းသတ်ဆေးကို အမျိုးအစားခွဲခြားရာ၌ အပင်ပေါ်အကျိုးသက်ရောက်မှုကိုကြည့်၍လည်းကောင်း၊ ဓာတုဖွဲ့စည်းပုံကို ကြည့်၍လည်းကောင်း ခွဲခြားပါသည်။

စိုက်ပျိုးရေးပညာရှင်များက ပထမအချက်ကိုကြည့်၍ အောက်ပါအတိုင်းခွဲခြားပါသည်။

• က။ အညွန့် သို့မဟုတ် မြေပေါ်အစိတ်အပိုင်းများကို ပက်ဖျန်းသည့် ပေါင်းသတ်ဆေး (Foliar Applied Herbicide)
• ခ။ မြေတွင်းထည့်သွင်း၍ အသုံးပြုရသော ပေါင်းသတ်ဆေး (Soil Applied Herbicide)
• ဂ။ ရွေးချယ်အာနိသင်ရှိသော ပေါင်းသတ်ဆေး(Selective Herbicide)
• ဃ။ ရွေးချယ်အာနိသင်မရှိသော ပေါင်းသတ်ဆေး (Non Selective Herbicide)
• င။ အပင်မစိုက်မီ စိုက်ခင်းအတွင်းရှိသော ပေါင်းပင်များကို ပက်ဖျန်းရသော ပေါင်းသတ်ဆေး (Pre-plant Herbicide)
• စ။ မျိုးစေ့ချပြီး အပင်မပေါက်မီ မြေပေါ်ပက်ဖျန်းရသော ပေါင်းသတ်ဆေး (Pre-emergence Herbicide)
• ဆ။ သီးနှံပင်နှင့် ပေါင်းပင်များပေါက်ရောက်ပြီးမှ ပက်ဖျန်းရသော ပေါင်းသတ်ဆေး (Post-emergence Herbicide)
• ဇ။ ဆေးနှင့်ထိတွေ့သော အပင်အစိတ်အပိုင်းများကိုသာ သေစေနိုင်သော ပေါင်းသတ်ဆေး(ထိတွေ့သောပေါင်းသတ်ဆေး- Contact Herbicide)
• စျ။ ဆေးနှင့်ထိတွေ့သော အပင်အစိတ်အပိုင်းများမှတစ်ဆင့် တစ်ပင်လုံးပျံ့နှံ့သော ပေါင်းသတ်ဆေး (ပင်လုံးပြန့်ပေါင်းသတ်ဆေး- Systemic Herbicide)

Crd#ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်