အစိမ်းရောင်လမ်းပိုးသတ်ဆေးများအား ရောစပ်ပက်ဖျန်းခြင်းနှင့်ပတ်သက်၍ ပထမဦးစွာ ‘ပိုးသတ်ဆေး’ ကို တောင်သူများနားလည်ဖို့ ရှင်းပြရန်လိုအပ်မည်ဟု ယူဆပါသည်။ အင်းဆက်သတ်ဆေး၊ ရောဂါ သတ်ဆေး (မှိုသတ်ဆေး၊ ဘက်တီးရီးယားဆေး၊ နီမတုတ်သတ်ဆေး)၊ ပေါင်းသတ်ဆေး စသည် တို့ကို “ပိုးသတ်ဆေး” ဟု ခေါ်ပါသည်။
တောင်သူများ၊ သီးနှံစိုက်ပျိုးသူများအနေဖြင့် သီးနှံများအား ဖျက်ပိုးအန္တရာယ်မှ ကာကွယ်ရန်၊ နှိမ်နင်းရန်အတွက် ပိုးသတ်ဆေးများ (အင်းဆက်သတ်ဆေးများ၊ မှို/ဘက်တီးရီးယား ရောဂါသတ်ဆေး၊ ပေါင်းသတ်ဆေးများ) များအား အသုံးပြု ပက်ဖျန်းရာတွင် လုပ်သားရှားပါးခြင်းကိုဖြေရှင်းရန်၊ အချိန်ကုန်သက်သာစေရန်၊ လုပ်သားကုန်ကျစရိတ် သက်သာစေရန်၊ တစ်မျိုးထက်ပိုသော ပိုးမွှားရောဂါနှင့် ပေါင်းပင်များကိုနှိမ်နင်းရန်၊ အချိန်နှင့်တစ်ပြေးညီ ကာကွယ်နှိမ်နင်းရန်၊ တစ်ချိန်ထဲတွင် ဖျက်ပိုးတစ်မျိုးထက်ပို၍ ကာကွယ်နှိမ်နင်းရန် စသောအကြောင်းအမျိုးမျိုး၊ ရည်ရွယ်ချက်အမျိုးမျိုးဖြင့် ပိုးသတ်ဆေးများအား နှစ်မျိုးသို့မဟုတ် နှစ်မျိုးထက်ပို၍ ရောစပ်ပက်ဖျန်းခြင်း သို့မဟုတ် ပိုးသတ်ဆေးများအား ရွက်ဖျန်းမြေဩဇာများနှင့် ရောစပ်ပက်ဖျန်းခြင်းတို့အား မိမိတို့စိတ်ကြိုက်၊ မိမိတို့သဘောဆန္ဒအလျောက်လည်းကောင်း သို့မဟုတ် တစ်စုံတစ်ဦး၏ အကြံပေးချက်အရလည်းကောင်း ပြုလုပ် ဆောင်ရွက်လျှက်ရှိပါသည်။ ဖြစ်နိုင်ပါကမိမိ အသုံးပြုလိုသော ပိုးသတ်ဆေးများ၊ ရွက်ဖျန်းမြေဩဇာများအား သပ်သပ်စီ၊ တစ်ရက်စီ သီးခြားဖျန်းသင့်ပါသည်။
သို့သော် တောင်သူများ၏ လက်တွေ့ ကြုံတွေ့နေရသော လယ်ယာလုပ်သားရှားပါးမှု၊ လုပ်သား ကုန်ကျစရိတ်များပြားမှု စသည့်အချက်များကြောင့် ပိုးသတ်ဆေးရောစပ်သုံးစွဲခြင်းများအား မည်သို့သောစမ်းသပ်မှုများ ပြုလုပ်မှုမရှိဘဲ စိတ်ကြိုက်ရောစပ်သုံးစွဲနေပါက ကောင်းကျိုးထက် ဆိုးကျိုးကိုသာပို၍ ဖြစ်စေနိုင်သဖြင့် တောင်သူများအား နိုင်ငံတကာတွင် အသုံးပြုနေသည့် ပိုးသတ်ဆေးများ ရောစပ်သုံးစွဲခြင်းမပြုမီ ကြိုတင်စမ်းသပ်သော၊ ( Jar Test/ Compatibility Test ) ကို သိရှိစေရန်နှင့် စမ်းသပ်ပြီးမှသာ ရောစပ်သုံးစွဲသင့်ပါသည်။
ဒေါက်တာဝင်းသန်း (DOA, PPD)
ရောစပ်သုံးစွဲခြင်းမပြုမီ ကြိုတင်စမ်းသပ်တဲ့နည်းကို နောက်ဆောင်းပါးမှာ ဆက်လက်ဖော်ပြသွားပါ့မယ်ရှင်။
Farm Link Co.,Ltd ကြော်ငြာ
.jpg)
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}