မိုးရာသီနှင့် ရော်ဘာသီးပုပ်ရွက်ကြွေရောဂါ

    ရော်ဘာပင်ကို ကမ္ဘာ့နိုင်ငံတော်တော်များများတွင် စိုက်ပျိုးကာ ကမ္ဘာကြီးတွင် ဟက်တာပေါင်း ခြောက်သန်းကျော်ထိ ရော်ဘာစိုက်ကြပါသည်။ ယခုအခါ မိုးရာသီသို့ ရောက်လာပြီဖြစ်သောကြောင့် ရော်ဘာစိုက်ခင်းများတွင် ရော်ဘာသီးပုပ်ရွက်ကြွေရောဂါသည် ကျရောက်လာတတ်ပါသည်။

    ရော်ဘာသီးပုပ်ရွက်ကြွေရောဂါဆိုသည်မှာ မိုးရာသီတွင် မိုးလေးရက်ဆက်တိုက်ရွာသွန်းသော အခြေအနေတွင် ဖြစ်ပွားသော မှိုရောဂါဖြစ်ပါသည်။ Phytophthora မှိုမျိုးကြောင့်ဖြစ်ပွားကာ မြေဆောင်မှိုရောဂါဖြစ်ပါသည်။ အစိုဓာတ်များကာ ရေဝပ်လျှင် ရောဂါအခြေအနေ ပိုမိုပြင်းထန်သည့်အတွက် မိုးရာသီ၌ ရော်ဘာပင်များအား ရေမဝပ်ရန်သတိပြုရပါမည်။ ရောဂါကျသောအပင်ရှိ အရွက်ရိုးတံများမှာ ရေစိုနာကဲ့သို့ဖြစ်ကာ အညိုရောင်ပြောင်း၍ အလယ်တွင် အဖြူရောင်အစေးခဲထွက်နေကာ ​မကြာမီကြွေပါသည်။ ရော်ဘာသီးမှာမူ အညိုရောင်ပြောင်း၍ပုပ်ကာ မှိုမျှင်များကအုပ်ထားပြီး မကြွေဘဲ အပင်ပေါ်တွင်ကျန်ရှိပါသည်။ အရွယ်ရောက်အပင်များတွင် ပြင်းထန်စွာအရွက်ကြွေလျှင် အပင်ကိုအားနည်းစေပြီး အသီးများ ကိုင်းဖျားများနှင့် အညွန့်များထိ ကူးစက်နိုင်ကာ ရော်ဘာအစေးထွက်မှုကို ဆိုးရွားစွာထိခိုက်ပါသည်။ ပျိုးခင်းရှိ အပင်ငယ်များတွင်မူ အရွက်ကြွေခြင်း အညွန့်ပုပ်ခြင်းမှ ကိုင်းဖျားခြောက်ပြီးသေကာ ပျိုးခင်းတစ်ခင်းလုံး သေနိုင်ပါသည်။

     မှိုရောဂါဖြစ်၍ ကော့ပါးပါသော မန်ကိုဇက်,  ဘီနိုမိုင်း ကဲ့သို့သော မှိုသတ်ဆေးများကို မိုးရာသီမ​တိုင်မီဖျန်းခြင်း၊ ၁ % ဘော်ဒိုဆေးရည် (Bordeaux mixture) အား ကြိုဖျန်းခြင်း ၊ မျိုးစေ့အား မစိုက်မီ မှိုသတ်​ဆေးလူးနယ်ပေးခြင်းတို့အပြင် ခံနိုင်ရည်ရှိသောမျိုးအားရွေးချယ်စိုက်ခြင်းဖြင့် ရောဂါကျရောက်မှု လျော့ပါးစေပါသည်။ GT 1 ကဲ့သို့သောမျိုးသည် သီးပုပ်ရွက်ကြွေရောဂါကိုခံနိုင်ကာ RRIM 600 သည် ခံနိုင်ရည်နည်းပါသည်။ 

    မိုးရာသီရောက်လျှင် သီးပုပ်ရွက်ကြွေရောဂါသည် အနည်းနှင့်အများဆိုသလို ကျရောက်မည်ဖြစ်သော်လည်း စီးပွားရေးထိခိုက်စည်းမရောက်စေရန် အထက်ပါနည်းလမ်းများဖြင့် ရောဂါကို ထိန်းချုပ်နိုင်ပါကြောင်းရေးသားတင်ပြအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more