ဖောငမြောင်တောင်အပေါ် မေးလေ့ရှိသောမေးခွန်းများ(၂)

မေး − ၈။ ဖောငမြောင်တောင်ကို ကာကွယ်နှိမ်နင်းဖို့ ဘယ်ပိုးသတ်ဆေးတွေကို အသုံးပြုနိုင်သလဲ။ ၄င်းတို့ကို ဘယ်အချိန်မှာ ဘယ်လိုသုံးရမလဲ။ 

ဖြေ − ၈။ ကမ္ဘာ့စားနပ်ရိက္ခာအဖွဲ့အစည်းဟာ ကမ္ဘာအနှံ့က အဖွဲ့ဝင်နိုင်ငံများနဲ့အတူ ထိရောက်တဲ့ ပိုးသတ်ဆေးဖြစ်ပြီး လူနဲ့ပတ်ဝန်းကျင်ကို ထိခိုက်မှုနည်းတဲ့ ပိုးသတ်ဆေးအပါအဝင် တောင်သူတွေရဲ့ လုပ်ဆောင်သင့်သည့် ညွှန်ကြားချက်များကို ပြုလုပ်နေပါတယ်။ အဲဒီညွှန်ကြားချက်တွေကို နိုင်ငံချင်းအလိုက်လုပ်ပါတယ်။

မေး − ၉။ ဖောငမြောင်တောင်ကို အမြစ်ပြတ်နှိမ်နင်းနိုင်ပါသလား။ 

ဖြေ − ၉။ မဖြစ်နိုင်ပါ။ အရွယ်ရောက် ဖောငမြောင်တောင်ဖလံအမဟာ သန်စွမ်းတဲ့ပျံသန်းနိုင်တဲ့ ဖလံဖြစ်ကာ ပြောင်းဖူးတွေကို လျင်မြန်စွာ ဖျက်ဆီးနေပါတယ်။ ၄င်းဟာ လက်ခံပင်များစွာရှိပြီး လျင်မြန်စွာပျံ့နှံ့နိုင်တာမို့ အမြစ်ပြတ်နှိမ်နင်းဖို့မဖြစ်နိုင်ပါ။

မေး − ၁၀။ ဖောငမြောင်တောင်ဟာ အမေရိကတိုက်ရဲ့ဒေသမျိုးဖြစ်တယ်ဆိုရင် မြန်မာနိုင်ငံမှာ အသုံးချနိုင်တဲ့ သူတို့ရဲ့ အတွေ့အကြုံတွေနဲ့ အလေ့အထတွေမရှိဘူးလား။ 

ဖြေ − ၁၀။ သေချာပေါက်ရှိတာပေါ့။ မြန်မာနိုင်ငံကို မျှဝေနိုင်တဲ့ အမေရိကတိုက်ရဲ့ အတွေ့အကြုံနဲ့ သုတေသနေတွေ ကောင်းကောင်းရှိပါတယ်။ ကမ္ဘာ့စားနပ်ရိက္ခာအဖွဲ့အစည်းဟာ ဒီအတွေ့အကြုံတွေကို အဖွဲ့ဝင်နိုင်ငံအချင်းချင်း မျှဝေနိုင်ဖို့ လုပ်ဆောင်နေပါတယ်။ 

မေး − ၁၁။ ဖောငမြောင်တောင်ကို ကာကွယ်နှိမ်နင်းဖို့ ဘယ်ပိုးသတ်ဆေးတွေကို အသုံးပြုသင့်သလဲ။

ဖြေ − ၁၁။ ဖောငမြောင်တောင်ကို ဒေသအလိုက်ကာကွယ်နှိမ်နင်းနိုင်ဖို့ ပိုးသတ်ဆေးတွေ လိုကောင်းလိုနိုင်ပါတယ်။ ခေတ်မီစက်ကိရိယာများမရှိတဲ့ လုပ်ကွက်ငယ်တောင်သူများအလွယ်တကူ ဝယ်ယူသုံးစွဲနိုင်တဲ့ အထိရောက်ဆုံး၊ အန္တရာယ်အနည်းဆုံး၊ တွက်ချေအကိုက်ဆုံး ပိုးသတ်ဆေးကို နိုင်ငံတစ်နိုင်ငံချင်းစီနဲ့ တိုက်ကြီးများအလိုက် ဆုံးဖြတ်ဖို့လိုပါတယ်။ သုတေသနမှာ အထိရောက်ဆုံး ပိုးသတ်ဆေးဖြစ်ရုံသာမက လုပ်ကွက်ငယ်တောင်သူတွေအတွက် သီးသန့်ညွှန်ကြားချက်တွေ၊ (အဆိပ်ရှိပစ္စည်း၊ ဖော်စပ်ပုံ၊ အမျိုးအစား၊ အသုံးပြုရမည့်အချိန်) နဲ့ ကုန်ကျစရိတ်နဲ့ အကျိုးအမြတ်တို့ကို ဆုံးဖြတ်ရမှာဖြစ်ပါတယ်။ 

မေး − ၁၂။ ဖောငမြောင်တောင်ကို ကာကွယ်နှိမ်နင်းဖို့ ပိုးသတ်ဆေးကို ဘယ်အချိန်စဖျန်းရမလဲ။

ဖြေ − ၁၂။ ချင့်ချိန်ပြီး ပက်ဖျန်းရမှာပါ။ ပြောင်းဖူးပင် ကြီးထွားမှုအဆင့်တစ်ဆင့်မှာ ဖျက်ဆီးမှုနိမ့်ရင် အထွက်နှုန်းဆုံးရှုံးမှု အများကြီးမရှိပါဘူး။ ပြောင်းဖူးပင်ကြီးထွားမှုအဆင့်တစ်ခုချင်းစီအတွက်နဲ့ ပိုးသတ်ဆေးပုံစံတစ်ခုချင်းစီနဲ့ အသုံးပြုပုံနည်းလမ်းတွေအတွက် စီးပွားရေးအရထိခိုက်နိုင်မှုအဆင့်ကို သတ်မှတ်ပြီး ညွှန်ကြားရမှာဖြစ်ပါတယ်။ ကုန်ကျစရိတ်ကတော့ အံ့သြတုန်လှုပ်ဖွယ် ကွာခြားနိုင်ပါတယ်။ ၄င်းတို့ကို အသုံးပြုပုံကို စီးပွားရေးတွက်ချေကိုက်မှု ရှိမရှိ ချင့်ချိန်ဖို့အတွက် ပိုးသတ်ဆေးအတွက် ကုန်ကျစရိတ်ဟာ ပိုးသတ်ဆေးဖျန်းလိုက်တဲ့အတွက် တောင်သူက နောက်ထပ်ရရှိအထွက်နဲ့ ညီမျှ သို့မဟုတ် လျော့နည်းရပါမယ်။ ခူးဆွတ်လို့ရရှိမယ့် တောင်သူတွေရဲ့ ပြောင်းဖူးစျေးနှုန်းဟာလည်း မှန်မှန်ကန်ကန်တန်ဖိုးဖြတ်ရပါမယ်။ 

မေး − ၁၃။ ဖောငမြောင်တောင်အတွက် လေထဲကနေ ပိုးသတ်ဆေးဖျန်းတာကို ထောက်ခံပါသလား။ 

ဖြေ − ၁၃။ မထောက်ခံပါ။ ငမြောင်တောင်ရဲ့ ဖျက်ဆီးနိုင်တဲ့အဆင့်ဖြစ်တဲ့ လောက်ကောင်အဆင့်ဟာ ပြောင်းဖူးရဲ့ ကတော့ရွက်ထဲမှာ အမြဲလိုလိုရှိနေတာကြောင့် လေထဲက ဆေးဖျန်းတာဟာ ထိရောက်မှုနည်းပြီး ရည်ရွယ်မထားတဲ့ နေရာတွေကို ပိုးသတ်ဆေးပျံ့နှံ့စေပါတယ်။ 

မေး − ၁၄။ မြန်မာနိုင်ငံမှာ ဖောငမြောင်တောင်အတွက် ဇီဝကာကွယ်နှိမ်နင်းမှုကို အသုံးပြုဖို့  ဖြစ်နိုင်ပါသလား။ 

ဖြေ − ၁၄။ ဖောငမြောင်တောင်ကို ကာကွယ်နှိမ်နင်းနိုင်တဲ့ ဇီဝသက်ရှိတွေ အများကြီးရှိပါတယ်။ အချို့ကို မြန်မာနိုင်ငံမှာ သဘာဝအတိုင်းတွေ့ရနိုင်ပြီး အချို့ကိုတော့ တင်သွင်းဖို့လိုပါတယ်။ အပင်ထွက်ပစ္စည်းတွေကိုလည်း အသုံးပြုနိုင်ပါတယ်။ 

မေး − ၁၅။ ဖောငမြောင်တောင်ပြဿနာကို ဖြေရှင်းဖို့ ဗီဇပြုပြင်ထားတဲ့ပြောင်းဖူးမျိုးဟာ အဖြေဖြစ်နိုင်သလား။

ဖြေ − ၁၅။ ဗီဇပြုပြင်ထားတဲ့ ပြောင်းဖူးမျိုးတွေကို အချို့နိုင်ငံတွေမှာ အသုံးပြုနေကြပါပြီ။ ၄င်းတို့ဟာ မြေဧရိယာ အများကြီးပိုင်ဆိုင်တဲ့ အရင်းအနှီးရှိတဲ့တောင်သူတွေဖြစ်ကြပြီးတည်ငြိမ်တဲ့ ပြောင်းဖူးစျေးကွက်ကို ပိုင်ဆိုင်ထားမှသာ စိုက်ပျိုးနိုင်ပါတယ်။ မြန်မာနိုင်ငံက တောင်သူအများစုဟာ တစ်ဦးကို မြေယာပိုင်ဆိုင်မှုက (၂) ဧက အောက်ပဲရှိပါတယ်။ မျိုးရိုးဗီဇပြုပြင်ထားတဲ့ ပြောင်းဖူးမျိုးစေ့တန်ဖိုး ကြီးမြင့်မှု၊ လုံလောက်တဲ့ ထောက်ပံ့ရေးလမ်းကြောင်းများ ကင်းမဲ့မှုနဲ့ လုပ်ကွယ်ငယ်တောင်သူများအတွက် စီးပွားရေးမက်လုံးကင်းမဲ့မှုတို့ဟာ ပြောင်းဖူးစိုက်ချင်စိတ်အလားအလာကို လျော့ပါးစေပါတယ်။  

မေး − ၁၆။ မြန်မာနိုင်ငံမှာ ဖောငမြောင်တောင် ကာကွယ်နှိမ်နင်းရေးလုပ်ငန်းအတွက် နောက်ထပ်အဆင့်တွေက ဘာတွေလဲ။ 

ကမ္ဘာ့စားနပ်ရိက္ခာအဖွဲ့အစည်းဟာ လုပ်ကွက်ငယ် ပြောင်းဖူးစိုက်ပျိုးသူတွေအတွက် ရေရှည်တည်မြဲတဲ့ ဖျက်ပိုးကာကွယ်နှိမ်နင်းရေး အစီအစဉ်ဒီဇိုင်းနဲ့ စမ်းသပ်ခြင်းတို့ကို လောလောဆယ် ပံ့ပိုးပေးနေပါတယ်။ ပထမဆုံးအဆင့်ကတော့ အမေရိကတိုက်က တောင်သူတွေနဲ့ သုတေသီတို့ရဲ့ အတွေ့အကြုံတွေကို ကြည့်ပါတယ်။ နောက်တော့ အကောင်းဆုံး အလေ့အထများကို ကြိုးစားလုပ်ကြည့်ပြီး တောင်သူသင်တန်းကျောင်းတွေကတစ်ဆင့် စိုက်ခင်းထဲမှာ လက်ခံကျင့်သုံးပါတယ်။ နောက်ဆုံးမှာ အကောင်းဆုံး ထောက်ခံချက်များကို ဆက်သွယ်ညှိနှိုင်းဆောင်ရွက်ပြီး တောင်သူတွေ၊ တောင်သူအဖွဲ့အစည်းတွေ၊ အစိုးရအဖွဲ့အစည်းတွေနဲ့ နည်းပညာမျှဝေကြပါတယ်။

ဒေါက်တာကိုကို

ဒေါက်တာကိုကို၏စိုက်ပျိုးရေးဆောင်းပါးများလေ့လာရန်

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်