နယ်စပ်တိုက်ပွဲများနှင့်ပတ်သက်၍ ကုန်သွယ်ရေးလမ်းကြောင်းများ ဖွင့်ပေးနိုင်ရန်ညှိနှိုင်းနေ

ရန်ကုန်၊ သြဂုတ် ၂၄ ရက်။

ရှမ်းပြည်နယ်မြောက်ပိုင်းတွင် ဖြစ်ပွားနေသည့် တိုက်ပွဲများနှင့် ပတ်သက်၍ အစိုးရအဖွဲ့များနှင့် သက်ဆိုင်ရာ အဖွဲ့အစည်းတို့ ညှိနှိုင်းနေမှု အဆင်ပြေခြင်း၊ မပြေခြင်းကို မပြောနိုင်သေးကြောင်း နိုင်ငံတော်ဒုသမ္မတ ၁ ဦးမြင့်ဆွေက ပြောသည်။

ရန်ကုန်မြို့ရှိ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်တွင် သြဂုတ်လ ၂၄ ရက်က ကျင်းပပြုလုပ်သည့် ၂၉ ကြိမ်မြောက် နိုင်ငံတော်ဒုတိယသမ္မတ (၁) ဦးဆောင်သော ပုဂ္ဂလိကကဏ္ဍ ဖွံ့ဖြိုးတိုးတက်ရေးကော်မတီနှင့် မြန်မာစီးပွားရေးလုပ်ငန်းရှင်များ ပုံမှန်တွေ့ဆုံဆွေးနွေးပွဲတွင် ယင်းကဲ့သို့ ပြောကြားခဲ့ခြင်းဖြစ် သည်။ 

" စီးပွားကူးသန်းဝန်ကြီးဌာန၊ စီမံ/ဘဏ္ဍာဝန်ကြီးဌာန၊ သက်ဆိုင်ရာပြည်နယ် အစိုးရအဖွဲ့တွေနဲ့ ပေါင်းစပ်ညှိနှိုင်းသလို တစ်ဖက်က မနှောင့်ယှက်အောင် ညှိနှိုင်းပြောဆိုပြီးမှ လမ်းကြောင်းတွေ ဖွင့်အောင် တတ်နိုင်သလောက် ကြိုးစားရမှာဖြစ်ပါတယ်။ နိုင်ငံတော်ပိုင်းက တတ်နိုင်သမျှ ဝိုင်းဝန်းဖြေရှင်းပေးနိုင်တာတွေကို ကြိုးစားပေးသွား မှာဖြစ်ပါတယ်။ တချို့ကိစ္စရပ်တွေကို မပြောနိုင်တာက ညှိနှိုင်းတဲ့ကာလမှာ အဆင်ပြေတာ၊ မပြေတာ မပြောနိုင်သေးပါဘူး။ ကျွန်တော်တို့ဘက် က အတတ်နိုင်ဆုံး အဆင်ပြေအောင် ညှိနှိုင်းနေပါတယ်။" ဟု ဒုသမ္မ္မတ ၁ ဦးမြင့်ဆွေက ပြောသည်။ 

ရှမ်းပြည်နယ်မြောက်ပိုင်းတွင် သြဂုတ်လ ၁၅ ရက်နေ့မှစတင်၍ ယနေ့အချိန်အထိ AA၊ TNLA၊ MNDAA မြောက်ပိုင်းမဟာမိတ် လက်နက်ကိုင်သုံးဖွဲ့နှင့် တပ်မတော်တို့အကြား တိုက်ပွဲများ မကြာခဏဖြစ်ပွားလျက်ရှိကြောင်း သိရသည်။

အဆိုပါတိုက်ပွဲများကြောင့် မူဆယ် ၁၀၅ မိုင် နယ်စပ်ကုန်သွယ်ရေးစခန်းနှင့် ချင်းရွှေဟော်နယ်စပ်ကုန်သွယ်ရေးစခန်းတို့တွင် ကုန်သွယ်မှုပြတ်တောက်ခဲ့ခြင်းဖြစ်ပြီး ချင်းရွှေဟော်နယ်စပ်ကုန်သွယ်ရေး လုပ်ငန်းများမှာ သြဂုတ်လ ၁၇ ရက်မှစ၍ ယနေ့အချိန်အထိ ရပ်ဆိုင်းလျက်ရှိကြောင်း သိရသည်။ 

"ရှမ်းပြည်နယ် မြောက်ပိုင်းမှာ ဖြစ်ပေါ်နေတဲ့ ဆက်သွယ်ရေးလမ်းကြောင်း ပြတ်တောက်မှုဟာဆိုရင် နယ်ခြားဒေသဂိတ် တွေထဲမှာ မူဆယ်ဟာ အကြီးဆုံးဖြစ်ပါတယ်။ အဲ့ဒီဒေသရဲ့ ထိခိုက်နစ်နာမှုဟာဆိုရင် ပို့ကုန်၊ သွင်းကုန်တန်ဖိုးတင်မကပါဘူး။ အခြေခံအဆောက်အအုံပိုင်းဖြစ်တဲ့ လမ်းတံတားတွေ ပျက်စီးမှု၊ လူတွေ ထိခိုက်နစ်နာမှုရှိသလို တစ်ဖက်ကလည်း ကုန်သွယ်မှုနဲ့ ဆက်စပ်နေတဲ့ သယ်ယူပို့ဆောင်ရေးအပိုင်း၊ အထူးသဖြင့် ကုန်ကားသမားတွေ ကားပိုင်ရှင်တွေ ဒါနဲ့ပတ် သက်ပြီး ကုန်တင်ကုန်ချ လုပ်ကိုင်နေတဲ့ လုပ်ငန်းတွေ ရပ်တန့်သွားတဲ့အတွက် အားလုံးထိခိုက်နစ်နာမှုတွေ ရှိပါတယ်" ဟု စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဒေါက်တာသန်းမြင့်က ပြောသည်။ 

ယင်းကဲ့သို့ တိုက်ပွဲမဖြစ်ပွားမီ ကာလအတွင်းက မူဆယ် ၁၀၅ မိုင် ကုန်သွယ်ရေးဇုန်၏ ကုန်သွယ်မှုပမာဏမှာ တစ်နေ့လျှင် ပျှမ်းမျှအားဖြင့် အမေရိကန်ဒေါ်လာ ၆ သန်းရှိခဲ့ရာမှ တိုက်ပွဲစတင်ဖြစ်ပွားသည့် သြဂုတ်လ ၁၅ ရက်နောက်ပိုင်းမှစတင်၍ လက်ရှိအချိန်ထိ ကုန်သွယ်မှုပမာဏမှာ တစ်နေ့လျှင် ပျှမ်းမျှအားဖြင့် အမေရိကန်ဒေါ်လာ ၇ သိန်းဝန်းကျင်လောက်သာ ကုန်သွယ်မှုပြုလုပ်နိုင်ခဲ့ကြောင်း သိရသည်။ 

အလားတူ ချင်းရွှေဟော်ကုန်သွယ်ရေးဇုန်တွင်လည်း တိုက်ပွဲမဖြစ်ပွားမီကာလအတွင်း တစ်နေ့လျှင် ပျှမ်းမျှအားဖြင့် ကုန်သွယ်မှုပမာဏ အမေရိဒေါ်လာ ၁ ဒဿမ ၃ သန်းဝန်းကျင်ရှိရာ တိုက်ပွဲစတင်ဖြစ်ပွားသည့်နေ့မှစ၍ ပျှမ်းမျှအားဖြင့် အမေရိကန်ဒေါ်လာ ၅ သိန်းဝန်းကျင်မှ သြဂုတ် လ ၁၆ ရက်နေ့တွင် အမေရိကန်ဒေါ်လာ ၃ သိန်းဝန်းကျင် ကုန်သွယ်မှုပြုလုပ်နိုင်ခဲ့ကြောင်း သိရသည်။ 

ယင်းကဲ့သို့ ကုန်သွယ်မှုပြတ်တောက်ခြင်းကြောင့် CMP အထည်ချုပ်လုပ်ငန်းများအတွက် အထည်လိပ်ကုန်ကြမ်း ပြတ်တောက်ခြင်း၊ လူမှုရေးကိစ္စရပ်များ ပြတ်တောက်ခြင်းတို့ကို ဖြစ်ပေါ်လျက်ရှိကြောင်း သိရသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်