ဒေါ်နန်းထက်ထက်ချစ်ရန်ကုန်တိုင်းအတွင်းရှိ စားသုံးသူပြည်သူများအတွက် ဈေးနှုန်းသက်သာစွာဖြင့် ဆန်ရောင်းချမှုအစီအစဉ်ကို ၂၀၂၁ခုနှစ်၊ စက်တင်ဘာလ (၁၄)ရက်နေ့မှ စတင်ပြီး ဆောင်ရွက်ပေးလျက်ရှိကြောင်း မြန်မာနိုင်ငံဆန်စပါးအသင်းချုပ်မှ သိရသည်။
မြန်မာနိုင်ငံဆန်စပါးအသင်းချုပ်၊ မြန်မာနိုင်ငံဆန်စပါးကုန်သည်များအသင်း Myanmar Rice နှင့် ဆန်စပါးကုန်စည်ဒိုင် (ဝါးတန်း) တို့၏ ပူးပေါင်းညှိနှိုင်းစီစဉ်မှုအရ ယခုကဲ့သို့ ဆောင်ရွက်ခြင်းဖြစ်ကြောင်း တာဝန်ရှိသူများထံမှ သိရသည်။
ဆန်ဝယ်ယူသူများအနေဖြင့် မိမိတို့ကြိုက်နှစ်သက်သည့် ဆန်အိတ် (၁)အိတ်မှ (၃) အိတ်အထိ ဝယ်ယူရရှိနိုင်ပြီး ဆန်အမျိုးအစားအလိုက် ဈေးနှုန်းများမှာ (၁၀၈)ပေါင် ဆန်တစ်အိတ်လျှင် ရွှေဘိုပေါ်ဆန်း - ၅၂၀၀ဝိ/- ကျပ်၊ ဧရာဝတီ ပေါ်ဆန်း - ၄၂၀၀ဝိ/- ကျပ်၊ ဧရာမင်း ၅% - ၄၂၀၀ဝိ/- ကျပ်၊ ရက် (၉၀) - ၂၇၅၀ဝိ/- ကျပ်၊ ဧည့်မထ - ၂၄၀၀ဝိ/- ကျပ် စသည်ဖြင့် ဈေးနှုန်းသက်သာစွာ ရောင်းချပေးလျက်ရှိသည်။
အဆိုပါအစီအစဉ်အရ ဆန်များကို နေ့စဉ် နံနက် (၉:၀၀) နာရီမှ ညနေ(၃:၀၀) နာရီအတွင်း ဝါးတန်းကုန်စည်ဒိုင်တွင် လာရောက်ဝယ်ယူနိုင်ပါကြောင်း မြန်မာနိုင်ငံဆန်စပါးအသင်းချုပ်မှ သိရသည်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
Farm Link Co.,Ltd ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}