အင်း၊ ချောင်းထဲက…..ငါးအိုက်ငါး

    ငါးအိုက်ငါးမှာ ဆောင်းရာသီတွင်တွေ့ရများတဲ့ ငါးတစ်မျိုးဖြစ်ပြီး ကရင်ပြည်နယ်ရှိ အင်း​ချောင်းများတွင် ယခုလို အချိန်ရာသီတွင် ပေါပေါများများ ရမိနေကြပါပြီ။ ငါးအိုက်ငါးမှာ အရသာချိုပြီး ဆူဖြိုးသောသဘာဝရှိ၏။ မြန်မာ့ဆေးကျမ်းအလိုအရ ငါးအိုက်ငါးမှာ အစာကို ကြေညက်စေသည်။ အိပ်မပျော်သူတွေလည်း စားပေးနိုင်သည်ဟု သိရပါသည်။

    ငါးအိုက်ငါးမှာ အကြေးခွံမပါရှိဘဲ အကျိအချွဲများသော ငါးဖြစ်သောကြောင့် ချက်ပြုတ်ရာတွင် မန်ကျည်းသီးနှင့် အရင်နယ်ပြီး ပွတ်ဆေးပါ။ သို့မှသာ အချွဲတွေစင်ပြီး ညှီနံ့ပျောက်ပါမည်။ ငါးနှုတ်ခမ်းမွှေးမှာလည်း ရှည်လျားကြပြီး ကျောဘက်တွင် ဆူးချွန်ပါရှိသဖြင့် သတိထားပြီး ကိုင်တွယ်ချက်​ပြုတ်သင့်ပါသည်။

    ဒေသခံများမှာ ငါးအိုက်ငါးကို ခရမ်းချဉ်သီး အနှစ်များများနှင့် ဆီပြန်ခြောက်ခြောက်လေး ချက်ကာ နံနံပင်နှင့် ငရုတ်စိမ်းတောင့်အုပ်ပြီး ချက်စားကြပါသည်။

    ထို့ပြင် ငါးအိုက်ငါးကို အရိုးထွင်းပြီး ရေနွေးပွက်ပွက်ဆူထဲကို ငါးအသား၊ ကြက်သွန်ဖြူ၊ ငရုတ်သီးစိမ်းဓားပြားရိုက်ထည့်၊ အရသာမှုန့်၊ ငရုတ်ကောင်းမှုန့်လေးဖြူးပြီး နံနံပင်လေး ခပ်ကာ ဟင်းရည်လုပ်သောက်ကြပါသေးသည်။

    စျေးလည်းချိုသလို အရသာလည်းချိုတဲ့ အဆီဆူဆူထူထူ ငါးအိုက်ငါးကို မီးမြှိုက်၍လည်း ချက်စားကြသဖြင့် အရသာတမူထူးခြားလှတဲ့ ငါးအိုက်မီးမြှိုက်ချက်နည်းလေးကို ပြောပြပေးပါမယ်။

ငါးအိုက်မီးမြှိုက်ချက်ဖို့-

ငါးအိုက်(အရွယ်တော်) - ၆ ကောင်

ကြက်သွန်ဖြူ- ၂၀ မွှာ(ဆီသတ်ဖို့နဲ့ ဟင်းအခတ်ထည့်ဖို့)

ကြက်သွန်နီ -၄ ဥ

ငရုတ်သီးအစိမ်းမှုန့် -၂ ဇွန်း

ဆီ- ၁၀ ကျပ်သား

ဆား၊ နနွင်း၊ အရသာမှုန့် - အနည်းငယ်

ကင်းမွန်ငံပြာရည်- အနည်းငယ်

မန်ကျည်းသီး (သို့) သံပုရာသီး နှင့်

နံနံပင် (သို့) ရှမ်းနံနံ တို့ လိုအပ်ပါသည်။ 

ချက်နည်းမှာ -

၁။ ငါးအိုက်ငါးကို အကျိအချွဲတွေစင်အောင် မန်ကျည်းသီး (သို့) သံပုရာသီးဖြင့်နယ်ပြီး သေချာပွတ်ဆေးပါ။

၂။ ရေဆေးပြီးပါက ငါးကို ဓားဖြင့် ၃ ချက်လောက်မွှန်းပြီး မီးသွေးမီးဖိုတွင် ကင်ပါ။

၃။ ငါးအရေခွံ တွန့်လာပြီး အနံ့မွှေးကာ မီးသင်းကွက်လေးတွေပေါ်လာပြီဆို ငါးအိုက်မီးကင် ရပါပြီ။

၄။ မီးကင်ထားသောငါးအိုက်ငါးကို ဆား၊ နနွင်း၊ အရသာမှုန့် ဝင်အောင်နယ်ပြီး နှပ်ထားပါ။

၅။ အားလုံးပြီးစီးပါက မီးဖိုပေါ် ဆီအိုးတင်ပြီး ကြက်သွန်ဖြူ/နီ၊ ငရုတ်သီးအစိမ်းမှုန့် အရောထောင်းထားတာကို ထည့်ပြီးဆီသတ်ပါ။

၆။ ရွှေဝါရောင်သန်းလာပါက နယ်နှပ်ထားသော ငါးကို ထည့်ပါ။ ကင်းမွန်ငံပြာရည် အနည်းငယ်နှင့် ရေထည့်ပါ။

၇။ ဟင်းရည်ဆူကာ ငါးနူးလာပြီး အရည်တစ်ဝက်လောက်ကျသည်အထိ ပျစ်လာအောင်တည်ပါ။

၈။ အရသာ အနေတော်ဖြစ်လျှင် ထောင်းထားသော ကြက်သွန်ဖြူ ၁၀ မွှာကိုထည့်ပြီး နံနံပင် (သို့) ရှမ်းနံနံလေး အုပ်ပြီးပါက သုံးဆောင်လို့ရပါပြီ။

    ရာသီအေးအေးလေးမှာ အဆီဆူဆူ ငါးအိုက်မီးကင်နံ့မွှေးမွှေး၊ ကြက်သွန်ဖြူရနံ့ သင်းသင်းလေး နှင့် ပူပူနွေးနွေးငါးအိုက်မီးမြှိုက်ချက်က အရသာတမူထူးခြားလှတဲ့ ဟင်းတမည် ဖြစ်လို့နေပါတယ်။

ပင်လယ်ပြာ(ငါးဦးစီး)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်