မိုးအေးအေးမှာ မွန်ရိုးရာ ငါးနှပ်သောက်ဆမ်းချက်ရအောင်

ငါးနှပ်ငါးကို အများအားဖြင့် အခြောက်ပြုလုပ်စားကြပြီး အာပြဲခြောက်ဟု ရန်ကုန်အခေါ် ခေါ်ကြပါသည်။ မြန်မာပြည်အောက်ပိုင်းနှင့် မွန်ပြည်နယ်တွင်မူ ငါးနှပ်ငါးကို ဟင်းရည်ချက်သောက်ကြပါသည်။ ပူပူစပ်စပ်နှင့် ငါးနှပ်ဟင်းရည်သည် မိုးရာသီနှင့်လွန်စွာလိုက်ဖက်သော မွန်ရိုးရာသောက်ဆမ်းဟင်းရည်ဖြစ်၍ လူအများနှစ်သက်ကြပါသည်။

ငါးနှပ်ဟင်းရည်ချက်ရန်အတွက်

ငါးနှပ်

ဆီ (မထည့်လည်းရပါသည်)

စပါးလင်

ငါးပိစိမ်းစား ခေါ် ပုစွန်ငါးပိ

ကြက်သွန်ဖြူ

မရမ်းပြားနှင့်

ရှမ်းနံနံတို့ လိုပါသည်။ မွန်ဟင်းလျာများတွင် မရမ်းပြား၊ စပါးလင်နှင့် ရှမ်းနံနံသည် မပါမဖြစ်ပင်ဖြစ်ပါသည်။

ပထမဦးစွာ လတ်ဆတ်သောငါးနှပ်များကို ရေဆေး ခေါင်းဖြုတ် အမြီးဖြုတ်သန့်စင်ပြီးနောက် နှစ်ပိုင်းစီပိုင်းထားပါ။ ထို့နောက်ကြက်သွန်ဖြူ ၊ စပါးလင်တို့ကို ထောင်းထားပါ။ ငါးနှပ်၊ ထောင်းထားသောအရာများ၊ ငါးပိ၊ မရမ်းပြား၊ နနွင်းမှုန့်အနည်းငယ်၊ ဆီတစ်စက် နှစ်စက်တို့ကိုရောထည့်ကာ ဆုံဆေးထားသောရေ အနည်းငယ်ထည့်၍ မီးဖိုပေါ်တင်ပါ။ ငါးနှပ်မှရေထွက်လာသောအခါမှ ရေကို မိမိလိုသလောက်ချိန်ဆထည့်၍ အပေါ့အငန်မြည်းကာ ဆားလိုသလောက် ထည့်နိုင်ပါသည်။ ငါးများသည် နူးညံ့၍ ကြေလွယ်သောကြောင့် အိုးကို ဇွန်းနှင့်မမွှေရပဲ လှုပ်ပေးရန်လိုပါသည်။ အစပ်ကြိုက်သူများက ငရုတ်သီးစိမ်းတောင့်များ လိုသလိုထောင်းထည့်ကြပါသည်။ ဟင်းရည်ဆူသည်နှင့် ရှမ်းနံနံအုပ်ကာ အိုးကိုချရန်လိုပါသည်။ ဆီနည်းသောဟင်းဖြစ်ကာ ကျန်းမာရေးနှင့်ညီညွတ်ပြီး ငါး၏လတ်ဆတ်မှုကြောင့် ဟင်းချိုမှုန့်သုံးစရာမလိုပါ။

ပူပူစပ်စပ်နှင့် ငါးနှပ်သောက်ဆမ်းချဥ်စပ်ကို ယခုကဲ့သို့ မိုးရာသီတွင် အရသာရှိရှိချက်ပြုတ်စားလိုက်ပါလျှင် အလွန်ပင် ခံတွင်းမြိန်စေမှာ မလွဲပင်ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...