နိုက်ထရပ်အောက်ဆိုဒ်နှင့် မီသိန်းဓာတ်ငွေ့ကို လျှော့ချပေးနိုင်သည့် စိုက်ပျိုးနည်းစနစ်များ

ဒေသတွင်းရှိရင်းစွဲနည်းပညာများ၊ စီမံခန့်ခွဲမှုများဖြင့် စိုက်ပျိုးမွေးမြူရေးမှ ဖန်လုံအိမ်ဓာတ်ငွေ့ လျှော့ချနိုင်သော နည်းလမ်းများတွင် မြေကြီးထဲတွင် ကာဗွန်ကို ပို၍ စုပ်ယူထားခြင်းနှင့် မီသိန်းနှင့် နိုက်ထရပ်အောက်ဆိုဒ် ဓာတ်ငွေ့ထုတ်လွှတ်မှုကို လျော့နည်းအောင်ပြုလုပ်ခြင်းတို့ ပါဝင်သည်။ သဘာဝဝန်းကျင်မပျက်စိုက်ပျိုးရေးနည်းလမ်းများတွင် သစ်ရွက်နှင့် သီးနှံအကြွင်းအကျန်များကို မြေကြီးထဲထည့်သွင်းရန်၊ မြေကြီးကို နက်နက်ထွန်ယက်ခြင်းဖြင့် မြေသားတည်ဆောက်ပုံကို ဖျက်ဆီးစေသော ထွန်ယက်စိုက်ပျိုးနည်းစနစ်များကို ရှောင်ရှားရန်၊ မြေကြီးကာဗွန်ထိန်းသိမ်းမှုကို တိုးမြင့်စေသော နည်းလမ်းများသည် စိုက်ပျိုးမွေးမြူရေးမှ ဖန်လုံအိမ်ဓာတ်ငွေ့လျှော့ချပေးသောနည်းလမ်းများဖြစ်သည်။

ထို့အပြင် သီးနှံ သစ်တောရောနှောစိုက်ပျိုးခြင်းသည် မြေကြီးထဲတွင် ကာဗွန်သိုလှောင်မှုကို များပြားစေသည်။ စိုက်ပျိုးမွေးမြူရေးမှ ဖန်လုံအိမ်ဓာတ်ငွေ့ လျှော့ချသောနည်းလမ်းများထဲတွင် ဗီဇပြောင်းလဲမှုများ၊ ရေသွင်းရေထုတ်စနစ်စီမံခန့်ခွဲမှုများ၊ အပင်လိုအပ်ချက်ပေါ်မူတည်ပြီး ဓာတ်မြေဩဇာထည့်သွင်းခြင်းတို့သည် စိုက်ပျိုးမြေများမှ နိုက်ထရပ်အောက်ဆိုဒ်နှင့် မီသိန်းဓာတ်ငွေ့ကို လျှော့ချပေးသည်။

မီသိန်းထုတ်လွှတ်မှုကို လျှော့ချခြင်း - မြေကြီးသည် မီသိန်းဓာတ်ငွေ့ထုတ်လွှတ်မှုအတွက်သာမက မီသိန်းဓာတ်ငွေ့ထိန်းသိမ်းမှုအတွက်ပါ လုပ်ဆောင်ပေးသည်။ မြေကြီး၏ မီသိန်းဓာတ်ငွေ့ထုတ်လွှတ်မှု သို့မဟုတ် ထိန်းသိမ်းမှုအလေ့အထကို မြေကြီး၏ အစိုဓာတ်ပါဝင်မှု၊ နိုက်ထရိုဂျင်ပမာဏ၊ ဂေဟစနစ်ပုံစံက လွှမ်းမိုးသည်။

မြေကြီးထဲတွင် မီသိန်းကို စားသုံးသော ဘက်တီးရီးယားနှင့် မီသိန်းကို ထုတ်လုပ်သော ဘက်တီးရီးယားဟူ၍ ရှိသည်။ မီသိန်းကို ထုတ်လုပ်သော ဘက်တီးရီးယားသည် လေမဲ့အခြေအနေတွင် ရှင်သန်ပေါက်ဖွားသောကြောင့် စပါးခင်းရေလွှမ်းထားသော အနေအထားတွင် မြေကြီးမှ မီသိန်းဓာတ်ငွေ့ကို ထုတ်လွှတ်ခြင်းဖြစ်သည်။ စပါးပင်ကြီးထွားမှုအတွင်း မြေကြီးကို ရက်တိုရေထုတ်ပေးခြင်းဖြင့် အောက်ဆီဂျင်ရရှိပြီး မီသိန်းဓာတ်တိုးမှု (မီသိန်းစားသုံးမှု) ဖြစ်ပေါ်ကာ မီသိန်းထုတ်လွှတ်မှုကို လျှော့ချပေးပါသည်။

တိရစ္ဆာန်ချေး စီမံခန့်ခွဲမှု၊ အမိုနီယမ်ဆာဖိတ်ကဲ့သို့သော ဓာတ်မြေဩဇာအသုံးပြုမှုများသည် မီသိန်းထုတ်လုပ်မှု ကို လျော့နည်းစေသည်။ ထို့အပြင် မျိုးရွေးချယ်ခြင်း၊ သီးနှံပင်အကြွင်းအကျန်စီမံခန့်ခွဲခြင်းတို့သည်လည်း စပါးမှ မီသိန်းဓာတ်ငွေ့ထုတ်လွှတ်မှုကို လျော့နည်းစေသော နည်းလမ်းများဖြစ်ကြပါသည်။ စပါးစိုက်ခင်းတွင် မီသိန်းဓာတ်ငွေ့ထုတ်လွှတ်မှုလျော့နည်းစေရန် အောက်ပါနည်းလမ်းများကို လိုက်နာဆောင်ရွက်သင့်သည်။

၁။ စပါးခင်းကို လေဝင်လေထွက်ကောင်းအောင် စိုတလှည့်ခြောက်တလှည့်ရေသွင်းရေထုတ်စနစ်ကို ကျင့်သုံးပေးခြင်း။
၂။ ကောင်းစွာဆွေးမြည့်သော သဘာဝမြေဩဇာများကို အသုံးပြုခြင်း။
၃။ အသီးမတင်သော ပင်ပွားထုတ်လုပ်မှုနည်းသော မျိုးများကို ရွေးချယ်စိုက်ပျိုးခြင်း။
၄။ အမြစ်ဓာတ်တိုးမှုစနစ်ကောင်းမွန်သောမျိုးများကို စိုက်ပျိုးခြင်း။
၅။ ကာဗွန်နိုက်ထရိုဂျင်အချိုးကျဉ်းသော သဘာဝမြေဩဇာများကို အသုံးပြုခြင်း။
၆။ မျိုးစေ့ကိုတိုက်ရိုက်အစေ့ချ စိုက်ပျိုးခြင်း။
၇။ အမိုနီယမ်ဆာဖိတ်ကဲ့သို့သော ဆာဖာပါဝင်သော ဓာတ်မြေဩဇာများကို အသုံးပြုခြင်း။

နိုက်ထရပ်အောက်ဆိုဒ်ထုတ်လွှတ်မှုလျှော့ချခြင်း - နိုက်ထရိုဂျင်ဓာတ်မြေဩဇာထိရောက်စွာ အသုံးချစီမံခန့်ခွဲမှုတို့သည် နိုက်ထရပ်အောက်ဆိုဒ်ထုတ်လွှတ်မှုကို လျှော့ချပေးသော နည်းလမ်းဖြစ်သည်။ နိုက်ထရိုဂျင် ဓာတ်မြေဩဇာထိရောက်စွာအသုံးချမှုတွင် စိုက်ပျိုးသည့်မြေနေရာအလိုက် အာဟာရဓာတ်စီမံခန့်ခွဲခြင်း ပါဝင်ပြီး ၎င်းတွင် သီးနှံလိုအပ်ချက်၊ မြေကြီးထဲမှာရှိသော နိုက်ထရိုဂျင်ပမာဏ၊ ဓာတ်မြေဩဇာ ထိထိရောက် ရောက် အသုံးချနိုင်မှုတို့ပါဝင်သည်။

နိုက်ထရိုဂျင်ဓာတ်တိုးဆန့်ကျင်ပစ္စည်းများသည် နိုက်ထရိုဂျင်ထိရောက်စွာ အသုံးချမှုကို တိုးမြင့်စေသည်။ နီထရာပိုင်ရင်း (Nitrapyrin)၊ ဒိုင်စိုက်ယမ်ဒီရာမိုက် (dicyandiamide-DCD) နှင့် ၂-အမိုင်နို-၄-ကလိုရို-၆-မီသိုင်း-ပိုင်ရီမီဒီး (2-amino-4-chloro-6-methyl-pyrimidine, AM) တို့သည် နိုက်ထရပ်အောက်ဆိုဒ်ထုတ်လွှတ်မှုကို လျှော့ချပေးသော နိုက်ထရိုဂျင်ဓာတ်တိုးဆန့်ကျင်ပစ္စည်းများဖြစ်ကြသည်။ ဓာတုနည်းအားဖြင့်ထုတ်လုပ်ထားသော ဓာတ်တိုးဆန့်ကျင်ပစ္စည်းများသာမက အပင်မှရရှိသော ဓာတ်တိုးဆန့်ကျင်ပစ္စည်းများလည်း ရှိသည်။ ၎င်းတို့မှာ တမာဆီ၊ တမာကြိတ်ဖတ်တို့ဖြစ်သည်။

စပါးစိုက်ခင်းတွင် ဒစ်ယမ်ဒိုင်ယာမိုက် (dicyandiamide- DCD) နှင့် ဟိုက်ဒရိုကွိနုံး (hydroquinone) ကို ပေါင်းစပ်အသုံး ပြုခြင်းဖြင့် နိုက်ထရပ်အောက်ဆိုဒ်နှင့် မီသိန်းနှစ်မျိုးစလုံးကို လျော့နည်းစေကြောင်း တွေ့ရှိရသည်။ နိုက်ထရိုဂျင်ကို အရွက်အရောင်တိုင်းတာစစ်ဆေးသည့် ကတ်ပြားအသုံးပြု၍ အပင်လိုအပ်ချက်ကို လိုက်ပြီး ထည့်သွင်းပေးခြင်းအားဖြင့် နိုက်ထရပ်အောက်ဆိုဒ်ထုတ်လွှတ်မှု လျော့နည်းကြောင်း လေ့လာသိရှိရသည်။

မြေကြီးကို သိပ်သည်းကျစ်လစ်အောင် ထွန်ယက်စိုက်ပျိုးခြင်းကလည်း နိုက်ထရပ်အောက်ဆိုဒ်ထွက်ပေါ်မှုကို ဖြစ်ပေါ်စေသည်။ ထို့ကြောင့် မြေကျပ်ခြင်းမဖြစ်အောင် တတ်နိုင်သမျှ ထွန်ယက်စိုက်ပျိုးမှုကို လျှော့ချခြင်း၊ ရေသွင်းရေထုတ်စနစ်ကောင်းမွန်အောင်ပြုလုပ်ခြင်း၊ ဘောင်မြှင့်တင်စိုက်ပျိုးခြင်းတို့ ပြုလုပ်ပေးရမည်။

ရေကို လိုအပ်ချိန်ထည့်သွင်းပေးခြင်းသည်လည်း အာဟာရ (နိုက်ထရိုဂျင်) ထိရောက်စွာသုံးစွဲမှုကို တိုးမြင့်စေပြီး သွယ်ဝိုက်သောအားဖြင့် နိုက်ထရပ်အောက်ဆိုဒ်ထွက်ပေါ်မှုကို လျော့နည်းစေသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

စပါးယောင်တွေကြား စပါးခင်း ပျောက်တော့မလား❓❓ စပါးစိုက်ဦးကြီးတို့ရေ... Bispyribac-sodium 10% ဆေးတွေနဲ့ ဘယ်လောက်ဖျန်းဖျန်း မသေတဲ့ စပါးယောင်နဲ့ တက်ကွက်တွေကြောင့် စိတ်ပျက်‌နေရပြီဆိုရင်... အရှေ့တောင်အာရှတစ်ခွင်မှာ တောင်သူတွေ လက်မထောင် အသိအမှတ်ပြုထားတဲ့ #ဘီယောင်း

ရွေးချယ်အာနိသင်ရှိပြီး၊ ပင်လုံးပြန့်အာနိသင်ရှိသော အောက်ဇင်ဟော်မုန်းပေါင်းသတ်ဆေး Attention #အတင်းရှင်း (၇၂-အက်စ်အယ်လ်)သည် #amine salt အမျိုးအစားတွင်ပါဝင်ပြီး၊ အခြား acid, ester ပုံစံ များထက် အရွက်၊ အမြစ်တို့မှ စုပ်ယူမှု အားကောင်းသောဆေးဖြစ်ပါတယ်။ #စပါး အ

နှိမ်နင်းရခက်ပြီး တော်ရုံပေါင်းသတ်ဆေးနဲ့မတိုး ရှင်း၍မနိုင်တဲ့ ပေါင်းမြက်တွေကို ဆေးအာနိသင်ပြင်းပြင်းနဲ့ လျင်မြန်စွာရှင်းထုတ်ပေးနိုင်မယ့် ဖာတီဖီနိုဖျူရွန်...... #ထူးခြားချက်များ - စပါးပင်ပွားပိုမိုထွက်စေခြင်း၊ - အစိုဓာတ် ကောင်းမွန်ချိန် ဆေးဖျန်းပါက ဖျန်

(တိုက်ရိုက်စပါးကြဲခင်း ပေါင်းအုပ်ဆေး) #တိုက်ရိုက်အစေ့ချစပါးစိုက်ဖို့ ပြင်ဆင်နေကြသော တောင်သူမိတ်ဆွေများခင်ဗျာ........ ရေတသန်ကြဲခင်းတွေမှာ ပေါင်းအုပ်ဆေးဖျန်းသလို အခြောက်ကြဲခင်းတွေမှာ ပေါင်းအုပ်ဆေးမရှိဘူးလား.?? ရှိရင်သုံးချင်ပါတယ်ဆိုတဲ့တောင်သူများ.........

ဆွေးနွေးချက်များ

ဆွေးနွေးရန်

နိုက်ထရပ်အောက်ဆိုဒ်နှင့် မီသိန်းဓာတ်ငွေ့ကို လျှော့ချပေးနိုင်သည့် စိုက်ပျိုးနည်းစနစ်များ

Farm Link Co.,Ltd ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

နိုက်ထရပ်အောက်ဆိုဒ်နှင့် မီသိန်းဓာတ်ငွေ့ကို လျှော့ချပေးနိုင်သည့် စိုက်ပျိုးနည်းစနစ်များ

Farm Link Co.,Ltd ကြော်ငြာ

ဆွေးနွေးချက်များ

ဆက်စပ်ဆောင်းပါးများ

လယ်ယာအလုပ်သမား စျေးကွက်အခြေအနေနဲ့ ဌားရမ်းခ စျေးနှုန်းများ ကို တောင်သူဉီးကြီးများ ဘယ်လို သိရှိနိုင်မလဲ.....

နဂါးမောက်သီးမတင်ရတဲ့ အကြောင်းအရင်း

နာမည်လေးတွေ………….

{{ post.title }}