ဆီမပါတဲ့ ရခိုင်ဟင်းလေး ဟမ်းရည်ပူ

ဒီဟင်းလေးကိုတော့ ရခိုင်လူမျိုးတွေက ပူပူနွေးနွေးလေးစားကြလို့ ဟမ်းရည်ပူ (ဟင်းရည်ပူပူလေးဟင်း) လို့ ခေါ်ကြပါတယ်။ များသောအားဖြင့် ရခိုင်လူမျိုးအများစုဟာ ထမင်းပွဲမှာဆို ဟမ်းရည်ပူကို မပါမဖြစ်အနေမျိုးနဲ့တောင် နှစ်နှစ်သက်သက် စားသုံးကြတာပါ။ ဘာလို့လဲဆိုတော့ ဒီဟင်းလေးက အသီးအရွက်စုံစုံလေးနဲ့ ပူပူစပ်စပ်လေးဆိုတော့ ခံတွင်းမြိန်စေလို့ပါ။

အခုလို ဆီဈေးတွေ သောက်သောက်လဲ တက်နေချိန်မျိုးမှာ ဆီမသုံးရတဲ့ခံတွင်းမြိန်ဟင်းရည်လေးဆိုတော့ ဘတ်ဂျက်လည်း ခြွေတာပြီးသား ဖြစ်တာပေါ့နော်။

ဟမ်းရည်ပူချက်ရာမှာ ပါဝင်တဲ့ ပစ္စည်းလေးတွေကတော့ ..

မျှစ် (အတောင့်ရှည်တစ်တောင့်)
ပဲတောင့်ရှည် (အစည်းသေးတစ်စည်း)
ခရမ်းသီးတစ်လုံး
ရခိုင်ငါးပိအနည်းငယ်
ငရုတ်သီးစိမ်းအနည်းငယ်
ငါးနီတူခြောက်အနည်းငယ်
ရှမ်းနံနံ၊ နံနံပင် နဲ့ ဆား အနည်းငယ်စီပါ။

မချက်ခင်ကြိုပြင်ထားရမှာတွေက..

(၁) ရခိုင်ငါးပိလက်ဖက်ရည်ဇွန်း တစ်ဇွန်းစာကို ရေနဲ့ဖျော်ထားပါ။
(၂) ငရုတ်သီးစိမ်း ၇ တောင့် (ကိုယ်အစပ်ကြိုက်တဲ့ပေါ်မူတည်ပြီး ပိုထည့်လည်းရ)ထောင်းထားပါ။ ဂျင်းကြိုက်သူတွေအနေနဲ့ ဂျင်းအနည်းငယ် ထည့်နိုင်ပါတယ်။
(၃) မျှစ်တစ်တောင့်ကို ကြိုပြုတ်ပြီး လှီးထားပါ။ ပဲတောင့်ရှည်တွေကိုလည်း တစ်လက်မလောက်လေးတွေ လှီးထားပါ။ ခရမ်းသီးကိုလည်း တစ်လက်မခွဲလောက် ဖြတ်တောက်လှီးထားပါ။
(၄) ငါးနီတူခြောက်ကိုတော့ တချို့က အကောင်လိုက်ထည့်ပါတယ်။ ကျွန်မကတော့ ကြိတ်ထည့်တာပိုကြိုက်ပါတယ်။ ငါးနီတူမရှိရင် ပုစွန်ခြောက် ဒါမှမဟုတ် ကြိုက်ရာငါးခြောက်တစ်မျိုးမျိုးကိုလည်း သုံးနိုင်ပါတယ်။


အပေါ်မှာဖော်ပြထားတာတွေအားလုံးလုပ်ပြီးရင်တော့ ရခိုင်ဟမ်းရည်ပူလေး စချက်လို့ရပါပြီ။ ချက်နည်းကတော့..
(၁) ဖျော်ထားတဲ့ငါးပိအရည်ကို တည်မယ့်အိုးထဲ ထည့်ပါ။
(၂) ငရုတ်သီးစိမ်းထောင်းထားတာတွေထည့်ပါ။ ပြီးရင် ဆားနည်းနည်းထည့်ပြီး ငရုတ်သီးစိမ်းအနံ့ပျောက်တဲ့အထိ တည်ထားပါ။
(၃) ဆူပွက်ပြီး ငရုတ်သီးစိမ်းအနံ့ပျောက်သွားပြီဆိုရင်တော့ ခရမ်းသီး၊ မျှစ်၊ ပဲသီး တွေထည့်ပါ။
(၄) အဲ့ဒါတွေနူးလာပြီဆိုရင်တော့ ငါးခြောက်ထည့်၊ နံနံပင်၊ ရှမ်းနံနံတွေခတ်လိုက်ရင် ဟမ်းရည်ပူဟင်းလေး ရပါပြီ။

ကဲ..ဒီတော့ အချိုမှုန့်မပါ၊ ဆီမပါတဲ့ ဘတ်ဂျက်ဟမ်းရည်ပူလေးချက်စားပြီး ထမင်းစားမြိန်လိုက်ကြပါစေ..။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်