နွားမွေးမြူရေးအတွက် အခြေခံအစာကျွေးနည်းစနစ်နှင့် အာဟာရလိုအပ်ချက်များတွက်ချက်ပုံ

အခြေခံ လိုအပ်ချက်များ
Water (ရေ)
Energy (စွမ်းအင်)
Protein (အသားဓါတ်)
Fibre (အမျှင်ဓါတ်)
Minerals (သတ္ထုဓါတ်)
Vitamins (ဗီတာမင်ဓါတ်)
WATER (ရေ)
မြန်မာနိုင်ငံတွင် ပုံမှန်အားဖြင့် နွားများကို ရေဘယ်နှစ်ကြိမ် တိုက်သနည်း?
သင် တစ်ရက်လျှင် ရေ ဘယ်နှစ်ကြိမ် သောက်သနည်း?
နို့ပေးနွားမများသည် တစ်ရက်လျှင် ရေပမာဏ (၉၀) ပိဿာ သောက်သုံး နိုင်သည်။
ရေသောက်နှုန်း နည်းလျှင် အစာစား နှုန်းနှင့် နို့ထွက်နှုန်း နည်းမည်။
တိရစ္ဆာန် သက်သာချောင်ချိရေးနှင့် မွေးမြူရေးအကျိုးအမြတ် အတွက် ရေအပြည့်အဝ တိုက်ကျွေးရန် လိုအပ်သည်။
နွားနို့တွင် ရေ (၉၀) ရာခိုင်နှုန်းခန့် ပါဝင်သည်။
နွားများကို ရေများများ တိုက်လျှင် နို့ထွက်နှုန်းကောင်းစေပြီး၊ ရေကို အကန့်အသတ်ဖြင့် တိုက်ကျွေးလျင် နို့ထွက်နှုန်းနှင့် သားအောင်သားပေါက်နှုန်းပါ ထိခိုက်နိုင်ပါသည်။

အထက်ပါအချက်များကို ထောက်ရှုကာ နွားများကို လွတ်လပ်စွာသွားလာနိုင်ရန်နှင့် ရေကို ၂၄ နာရီ အချိန်ပြည့် သောက်သုံးနိုင်ရန် အကြံပြုထောက်ခံ အပ်ပါသည်။
အစာတစ်ခုနှင့်တစ်ခု နှိုင်ယှဉ်ခြင်း
ဉပမာ-
အစာနု - ၁၀ % (အစိုဓာတ်)
အရည်သွေးပြည့်အစာစိမ်း – ၈၀ % (အစိုဓာတ်)

အစာကျွေးမွေးရာတွင် အခြောက်ချိန်ပမာဏ (အစိုဓာတ်ဖယ်ပြီး) ဖြင့်တွက်ချက် ကျွေးမွေးသင့်သည်။ အလေးချိန်တူညီသော်လည်း အစို/အခြောက် ပါဝင်မှုပေါ်မူတည်၍ အစာခြောက်အလေးချိန်ပမာဏ ကွာခြားနိုင်ပါသည်။ ထို့ကြောင့် မိမိကျွေးသော အစာသည် အစိုဖြစ်နေလျှင် အခြောက်ချိန် မည့်မျှ ရှိမည်ကို သိရှိရန်လိုအပ်ပါသည်။
အခြောက်ဓာတ် (DM) = လုံးဝခြောက်သွေ့သွားသော အခြောက်ပမာဏ
အစာခြောက်ခံရန်အတွက် အပူပေးပစ္စည်းလိုအပ်သည်။
စိုက်ပျိုးရေးဘေးထွက်ပစ္စည်းများ၊ စားကျက်ပင်များ၊ ရာသီလိုက်စိုက်ပျိုးသော တိရစ္ဆာန် အစာများကို အစာအဖြစ်အသုံးပြုသောကြောင့် မိမိခြံမှရရှိနိုင်သော အစာပေါ်မူတည်ပြီး လစဉ် လိုအပ်ချက်မှ တစ်နှစ်လုံးအတွက် အစာလိုအပ်ချက်ကို ကြိုတင်ခန့်မှန်းထားရန် လိုအပ်ပါမည်။
ENERGY (စွမ်းအင်)
စွမ်းအင်ကို Megajoules (metric) or Megacalories (imperial) ဖော်ပြပါသည်။
တိရစ္ဆာန်သည် အစာ၌ပါဝင်သော စွမ်းအင်အားလုံးကို အသုံးမပြုနိုင်ခြင်းကြောင့် တိရစ္ဆာန် မှ အမှန်တကယ် အသုံးပြုသော ပမာဏကို တိုင်တာရန် METABOLISABLE ENERGY or Megajoules of Metabolisable Energy (MJME) အသုံးပြုတွက်ချက်ကြသည်။
စွမ်းအင်လိုအပ်ချက်

Maintenance (ခန္ဓာကိုယ် အသက်ရှင်လှုပ်ရှားရန် အမှန်လိုအပ်သော စွမ်းအင်ပမာဏ)
Regulating body temperature (ခန္ဓာကိုယ် အပူချိန်ထိန်းညှိခြင်း)
Ruminating (စားမြှုံပြန်ခြင်း)
Cell and organ function (ကိုယ်တွင်း အင်္ဂါများလုပ်ငန်း ဆောင်ရွက်ခြင်း)
Milk production (နို့ထုတ်လုပ်ခြင်း)
Pregnancy (ကိုယ်ဝန်ဆောင်ခြင်း)
Movement (လှုပ်ရှားသွားလာခြင်း)

FIBRE (အမျှင်ဓာတ်)
မြန်မာနိုင်ငံ၏နို့စားနွားမွေးမြူရေးဖွံ့ဖြိုးတိုးတက်စေရန်အဓိကအဟန့်အတားမှာ ကောက်ရိုး ကို အခြေခံနွားစာအဖြစ် အသုံးပြုနေခြင်း ဖြစ်ပါသည်။
ကောက်ရိုးသည် အာဟာရပါဝင်မှု နည်းသည်။ ထို့ကြောင့် ကောက်ရိုးကို ကောင်းမွန်သော အစာအဖြစ် ရရှိနိုင်ရန်နှင့် အရည်သွေးမြင့်မားအောင် အမျိုးမျိုးကြိုးစားဆောင်ရွက်သော် လည်း ရရှိလာသော အာဟာရတန်ဖိုးနှင့်ကုန်ကျစရိတ်သည် တွက်ချေမကိုက်ပေ။
သို့သော် အစာနုများစွာကျွေးသော တိရစ္ဆာန်များအတွက် acidosis မဖြစ်စေရန် လိုအပ် သည်။

အသားဓာတ်လိုအပ်ချက်

- နွားငယ်များနှင့် နွားမတမ်းများ၏ အစာတွင် အသားဓာတ် ၁၈ ရာခိုင်နှုန်း လိုအပ်သည်။

-မွေးပြီး ရက်ပေါင်း (၁၀၀) အတွင်းရှိ နို့ပေးနွားမများကို ကိုယ်ဝန်ရရှိနိုင်ရန် အသားဓာတ် (၁၈) ရာခိုင်နှုန်း အစာကျွေးရန် လိုအပ်သည်။

-မွေးပြီး ရက်ပေါင်း (၂၀၀) ရှိ နွားများကို အသားဓာတ် (၁၆) ရာခိုင်နှုန်း အစာကျွေးရန် လိုအပ်ပြီး နို့ညှစ်သက်တမ်း ရက် (၂၀၀) နောက်ပိုင်းရှိနွားမများကို အသားဓာတ် (၁၄) ရာခိုင်နှုန်း ပါရှိသော အစာကျွေးရန်လိုအပ်ပါသည်။

- ခန္ဓာကိုယ်မှ လိုအပ်သည်ထက် ပိုလျှံသော အသားဓာတ်ကို ဆီးလမ်းကြောင့်မှ စွန့်ထုတ်သည်။

အစာတွက်နည်း အမေးအဖြေ

ခန္ဓာကိုယ် အလေးချိန် (၅၅၀)ကီလိုဂရမ် ရှိသော နို့ပေးနွားမသည် မွေးဖွားရန် ရက်ပေါင်း (၁၂) ပတ် လိုအပ်လျက်ရှိပြီး ယခုအချိန်ထိ နွားနို့ ၆ ပိဿာ (သို့) ၉.၆ လီတာ ထွက်ရှိသည်။ ထို နွားမကို ကျွေးရန်အစာတွင် စွမ်းအင် မည်မျှလိုအပ်မည်နည်း။
ခန္ဓာကိုယ် အတွက် လိုအပ်သော စွမ်းအင်ပမာဏ = ၆၃ MJME
နို့ (၆) ပိသာ ထွက်ရှိရန် လိုအပ်သော စွမ်းအင်ပမာဏ= နို့ ၆ ပိဿာ x ၉.၃ = ၅၅.၈ MJME
ကိုယ်ဝန်ဆောင်ကာလ (၁၂) ပတ်တွက် လိုအပ်သော စွမ်းအင်ပမာဏ = ၁၃ MJME
တနေ့တာအတွက် စုစုပေါင်း လိုအပ်သော စွမ်းအင်ပမာဏ = ၁၃၂ MJME/day
၎င်းနွားမကို CP ၀၀၆ စပ်စာ ၄ ကီလိုဂရမ် စတင်ကျွေးမွေးနေပါသည်။ သို့ဖြစ်ပါ၍ လိုအပ်သော စွမ်းအင် အတွက် မွန်ဘားဆားမြက် မည်မျှ ကျွေးမွေးရန် လိုအပ်ပါသနည်း။
CP ၀၀၆ ၄ ကီလိုဂရမ် x (အစာနုတွင် ပါဝင်သော စွမ်းအင်ပမာဏ) ၉ MJME = ၃၆ MJME
စုစုပေါင်းလိုအပ်သော စွမ်းအင်ပမာဏ (၁၃၂) – ၃၆ = ၉၆ MJME
(အစာကြမ်းမှ ရရှိရမည့်စွမ်းအင်ပမာဏ)
၉၆ / ၈.၅ = ၁၁.၃ ကီလိုဂရမ် မွန်ဘားဆားမြက်၏အစာခြောက်ပမာဏ
(အရည်သွေးပြည့် အစာကြမ်းပမာဏ)
အခြောက်ဓာတ်(၂၀)ရာခိုင်နှုန်းရှိသော မွန်ဘားဆားမြက်အစို ၅၇ ကီလိုဂရမ်ကျွေးရန်လိုအပ်ပါသည်။

source - မြန်မာ−နယူးဇီလန် ကောင်းမွန်သော နို့စားနွားမွေးမြူမှု ဖွံ့ဖြိုးတိုးတက်ရေး စီမံကိန်း

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...