ပဲပိစပ်နဲ့ပဲပုပ်

15/01/2018 15:24 PM တွင် အစိမ်းရောင်လမ်း အစိမ်းရောင်လမ်း မှ ရေးသား

စိုက်ပျိုးရေးဘွဲ့ရတွေက တော်တော်များများသိကြပါတယ်။ ခက်တာကပြင်ပလုပ်ငန်းရှင်တွေ၊ ကျွန်တော်လည်း အမှားတွေ့ရင်မနေတတ်ဘူး၊ ပဲဆီကြော်ငြာတွေဖတ်မိကတည်းက ရင်ထဲမှာကလိကလိဖြစ်နေတာ။ အဲဒါနဲ့ ဘုရင်နောင်က ဆီစက်ရုံးခွဲကို လယ်ယာစီးပွားမှာပါတဲ့ ခင်လေး (YAU)ရဲ့ ပဲပိစပ်နဲ့ပဲပုပ်အကြောင်း ဆောင်းပါးကို ကူးပြီး စာတိုက်က မှတ်ပုံတင်ပို့ခဲ့တယ်၊ ရောက်ရဲ့လားတော့မသိ။ ပဲပုပ်ကို ဘာလို့ပဲပိစပ်လို့မှားကြတာလဲ၊ အဖြေရှာတော့ ဦးထွန်းငြိမ်းအဘိဓါန်ကစတာ အဲဒီမှာ Soy bean ကို ပဲပိစပ်လို့ ဘာသာပြန်ထားတာလေ၊ ဆရာကြီးက စိုက်ပျိုးရေးသမားမဟုတ်လို့ ပညာရှိသတိဖြစ်ခဲနေမှာပါ။ ဒါကိုဆက်ပြီးတော့ စိုက်ပျိုးရေးလည်းမသိ ပိုက်ဆံဘဲသိတဲ့ ဆွေမျိုးပေါက်ဖေါ်အစစ်တွေရော ကပြားတွေရော ဆက်မှားကြတယ်။ ပဲပိစပ်ဆီစက်ရုံဖွင့်ပွဲတဲ့ အကြီးအကဲတွေ ဖဲကြိုးဖြတ်ခဲ့ကြတယ်။ ဗီနိုင်းတွေကြော်ငြာတွေမှာ ပဲပိစပ်ဆီသန့်တဲ့၊ TV မှာပါကြော်ငြာတာနော်။ လောလောဆယ်တွေ့တာက ရွှေသြဇာ ကြော်ငြာစာအုပ်မှာ၊ ပဲပိစပ်(ပဲပုပ်)ပင်လို့ စာမျက်နှာ (၇)မှာ ဓါတ်ပုံနဲ့ပြထားတာ။ ပဲပိစပ်ကိုဆီကြိတ်လို့ ဆီမထွက်တာသူတို့မသိကြ၊ ပဲပိစပ်က ညောင်ဦးမှာ ပုန်းရည်ကြီးလုပ်တာလေ၊ ပဲပိစပ်နဲ့ လုပ်တဲ့ ပုန်းရည်ကြီးကမှ ကောင်းတာ။ မှတ်မိသေးတယ် ကျွန်တော်ဒုတိယတန်းအရွယ် ၁၉၆၇ ခုနှစ်ဘဲထင်တယ်၊ အညာမှာဆန်ဝယ်မရတော့ ပဲပိစပ်ကို ပြုတ်နေလှန်းပြီး ထမင်းမှာခု (ရော)ပြီးချက်တယ်။ နှစ်လွန်းတင်ပေါ့။ တစ်ချို့လည်းဆန်ရယ် ပြောင်းဆန်ရယ် ပဲရယ် ရောချက်ကြတယ်။ သုံးလွန်းတင်ပေါ့။ ပိုဆိုးလာတော့ ဆန်ပြုတ်သောက်ရတယ်။ ပြန်စဉ်းစားရင် စိုက်ပျိုးရေးနိုင်ငံကအညာတောင်သူတွေဘဝ ရင်နာစရာ။ ရေးရင်းနဲ့လမ်းလွဲသွားအုံးမယ်၊ ပြောချင်တာက ပဲပုပ်ကို ပဲပိစပ်လို့လွဲရေး လွဲသိနေတဲ့ကိစ္စပါ။ သိနေတဲ့ စိုက်ပျိုးရေးပညာရှင်တွေက ပြင်ပေးစေချင်တဲ့စေတနာပါ။ ပဲပုပ်ကဘဲ ဆီကြိတ်ရတာ။ တကယ်ဆို ပဲငပိလို့ ရေးရင်တော်သေး၊ မြန်မာ့စိုက်ပျိုးရေးလုပ်ငန်း (စိုက်ပျိုးရေးဦးစီးဌာန)၊ စီမံကိန်းဌာနခွဲ က ထုတ်တဲ့” မြန်မာနိုင်ငံအတွင်းရှိ အရေးကြီးပင်များ၏ ရုက္ခဗေဒဆိုင်ရာ အမည်များနှင့် မျိုးရင်းအမည်များ” စာအုပ်ရဲ့အမှတ်စဉ် ၉၄၂မှာ ပဲငပိ Soy bean ၊ ၉၅၅ မှာ ပဲပိစပ် Horse gram ၊ ၉၅၈မှာ ပဲပုပ် Soy bean မျိုးစု မျိုးစတ်နဲ့ မျိုးရင်းတွေ ဖေါ်ပြထားပါတယ်။ ပဲငပိနဲ့ ပဲပုပ် ဟာ အတူတူဖြစ်ပြီး ပဲပိစပ်က သီးသန့်ပါ။ ပဲပုပ် (ပဲငပိ)ကို သိနေကြတော့ ပဲပိစပ်ပုံတွေ ရှာတင်ပေးလိုက်ပါတယ်။ နောင်မမှားရအောင် မိမိဝန်းကျင်ကို ပြင်ပေးစေလိုပါတယ်။

သုတစိုး(နှစ်ရှည်ပင်)

 

 


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်