ကြက်သွန်နဲ့ နှမ်းဈေးမြင့်တက်လာ

စားဖိုဆောင်သီးနှံတွေထဲမှာတော့ တစ်ပတ်အတွင်း ကြက်သွန်နီ ကြက်သွန်ဖြူက ဈေးမြင့်တက်နေခဲ့ပြီး အခြား ငရုတ်၊အာလူးတို့က ဈေးငြိမ်နေပါတယ်။ နှမ်းမျိုးစုံဈေး အနည်းငယ်ဈေးမြင့်တက်လာပါတယ်။

ကြက်သွန်နီ

ရာသီဥတုကြောင့် ဈေးကွက်ထဲ အဝင်လျော့နည်းတဲ့အတွက် တစ်ပတ်အတွင်း ဈေးတွေ မြင့်တက်လာခဲ့ပါတယ်။ ဒါပေမယ့် ၂ ရက်အတွင်း ပုံမှန် အဝင်ရှိတာတဲ့အတွက် အနည်းငယ်ဈေးပြန်ကျဆင်းသွားခဲ့ပါတယ်။ ဈေးကွက်ထဲကို နေ့စဉ် ပိဿာချိန် ၂ သိန်း အထက် အဝင်ရှိရာမှ ၁ သိန်းအောက်ထိ ကျဆင်းသွားတဲ့အတွက် ဈေးမြင့်တက်လာတာဖြစ်ပါတယ်။ 

လက်ရှိမှာတော့ ဈေးကွက်ထဲကို ကြက်သွန်နီ(ဆိပ်ဖြူ၊ မြင်းခြံ၊ ပျော်ဘွယ်၊ မိတ္တီလာ၊ ပခုက္ကူ၊ တောင်သာ) အစရှိတဲ့ ကြက်သွန်တွေ အဝင်များပြီး တစ်ပိဿာကို ၁၈၀၀ မှ ၃၂၀၀ ကြားပေါက်ဈေးရှိနေပြီး တစ်ပိဿာကို ၂၀၀ ကျပ်ဈေးမြင့်တက်လာပါတယ်။

ကြက်သွန်နီကတော့  နယ်စုံကနေ အဝင်များ/ အဝင်သွက်နေတဲ့အတွက် ဈေးအတက်အကျရှိနေပေမယ့် အများကြီး ဈေးကျဆင်းသွားတာမျိုး မရှိပါဘူး။ နေ့စဉ်ဈေးကွက်ထဲကို ပိဿာချိန် တစ်သိန်းအထက် ဝင်ရောက်မှု ရှိနေပါတယ်။

ရန်ကုန်ဈေးကွက်မှာ ကြက်သွန်နီ (ဆိပ်ဖြူ၊ ပခုက္ကူ၊ မြင်းခြံ၊ တောင်သာ)တို့က တစ်ပိဿာကို ၂၁၅၀ မှ ၃၀၀၀ ကြား ရှိနေပြီး တစ်ပိဿာကို ၁၀၀ ကျပ်ဈေး ကျဆင်းသွားပါတယ်။

ကြက်သွန်ဖြူ

ပြီးခဲ့တဲ့အပတ်က ဈေးကျဆင်းနေတဲ့ကြက်သွန်ဖြူက ဒီတစ်ပတ်မှာတော့ အဝင်နည်းပြီး ဈေးပြန်မြင့်တက်လာပါတယ်။ ရာသီဥတုအပြင် ကားလမ်းပိုင်း အခြေအနေများကြောင့် ဈေးကွက်ထဲ ပုံမှန် ပိဿာ ချိန် ၁ သောင်းကျော် ဝင်ရောက်နေရာမှ ၆ ထောင်လောက်သာ အဝင်ရှိခဲ့တဲ့အတွက် ဈေးမြင့်တက်လာခဲ့တာ ဖြစ်ပါတယ်။

ကြက်သွန်ဖြူ(ကြူကုတ်)က ရန်ကုန်ဘုရင့်နောင်ဈေးကွက်မှာ တစ်ပိဿာကို ၇၃၀၀ မှ ၇၄၀၀ ရှိပြီး တစ်ပိဿာကို ၂၀၀ ကျပ်ဈေး ကျဆင်းသွားပါတယ်။

ရှမ်းကြက်သွန်ကတော့ ဝယ်လိုအားကောင်းပြီး  အဝင်နည်းလာတဲ့အတွက် တစ်ပိဿာကို ၇၅၀၀ မှ ၈၉၀၀ ရှိပြီး တစ်ပိဿာကို ၂၀၀ ကျပ်ဈေးတက်လာတာပါ။

နှမ်းစျေးကွက်

နှမ်းမျိုးစုံဈေးကွက်ကတော့ တရုတ်ဝယ်လက် ရှိနေတဲ့အတွက် ဈေးက မြင့်တက်လာပါတယ်။ ဈေး ကွက်ထဲ နှမ်းအသစ်တွေ အဝင်ရှိနေပေမယ့်လည်း အဝင်ရှိသလောက် အဝယ်သွက်နေတယ် လို့သိရပါတယ်။

မန္တလေးဈေးကွက်မှာ နှမ်းနက်(စမုံ)က တစ်အိတ်ကို ၂၉၀၀၀၀ မှ ၃၆၅၀၀၀ ပေါက်ဈေးရှိပြီး တစ်အိတ်ကို ၁၅၀၀၀ ကျပ်ဈေးတက်လာပါတယ်။

နှမ်းဖြူ(ဂျပန်)ကတော့တစ်အိတ်ကို ၃၈၅၀၀၀ မှ ၃၉၀၀၀၀ ရှိပြီး တစ်အိတ်ကို ၂၀၀၀၀ ဈေးတက်လာသည်။ နှမ်းဖြူ(ရိုးရိုး)ကတော့ တစ်အိတ်ကို ၃၆၀၀၀၀ မှ ၃၈၅၀၀၀ ရှိပြီး တစ်အိတ်ကို ၂၀၀၀၀ ကျပ်ဈေးမြင့်တက်လာသည်။

ပြီးခဲ့တဲ့အပတ်က ဈေးကျဆင်းခဲ့တဲ့ နှမ်းညိုကလည်း တစ်အိတ်ကို ၁၈၅၀၀၀ မှ ၁၉၀၀၀၀ ကြားရှိပြီး တစ်အိတ်ကို ၅၀၀၀ ကျပ်ဈေး မြင့်တက်လာပါတယ်။

စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့်အတိုင်း ပြန်လည်ဖော်ပြခြင်းပဲဖြစ်ပါတယ်။

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်