ထန်း​တော​ပေါတဲ့ အညာ​မြေရဲ့ဒေသစာ ထန်းပင်မြစ်

ထန်းတောတွေ ပေါတဲ့ အထက်အညာဒေသရဲ့ ဒေသစာ ထန်းပင်မြစ် အကြောင်းကို ဗဟုသုတအနေနဲ့ ပြောပြချင်ပါတယ်။

ထန်းပင်မြစ်ဆိုတာ ဆောင်းရာသီနဲ့ အင်မတန်လိုက်ဖက်လှပြီး အညာဒေသရဲ့ မပါမဖြစ် ရာသီစာ အစားအစာတစ်မျိုးဖြစ်ပါတယ်။

ထန်းပင်မြစ်ဆိုတော့ တချို့မသိသေးသူတွေက ထန်းပင်ကြီးရဲ့ အမြစ်တွေလို့ ထင်နေကြပါလိမ့်မယ်။ တကယ်တော့ ထန်းပင်ကြီးရဲ့အမြစ်က ကြီးမားလွန်းလို့ နွားစာကျွေးဖို့အတွက် မြက်တွေထည့်တဲ့ခွက်ကြီး (နွားစာကျင်း) တွေတောင် ထွင်းလို့ရပါတယ်။

စားလို့ရတဲ့ ထန်းပင်မြစ်ဆိုတာက ထန်းသီးတွေဟာ ဝါဆိုလမှာ ရင့်မှည့်ပြီး ဝါခေါင်-တော်သလင်းလ တွေမှာ ကြွေကျပါတယ်။ အဲ့ဒီ ထန်းသီးအမှည့်တွေကို အနက် ၁တောင်ခန့် တူးထားတဲ့ မြေကျင်းထဲမှာထည့်ပြီး မြေပြန်ဖိထားရာကနေ ၃လခန့်အကြာမှာ အပင်ပေါက်လေးတွေ ရရှိလာပါတယ်။ အဲ့ဒီ ထန်းပင်ပေါက်လေးတွေကို ထန်းပင်မြစ်(ထန်းမြစ်) လို့ ခေါ်ကြတာပါ။

သူ့အရသာက နုလွန်းရင် ခါးသက်သက်ဖြစ်တတ်ပြီး ရောင်းတန်းဝင်အရွယ်လောက်ဆိုရင်တော့ စားပီးရင်း စားချင်စရာကောင်းတဲ့ ထူးဆန်းတဲ့အရသာမျိုးလေးကို ခံစားရစေမှာပါ။

ထန်းပင်မြစ်ကို မီးဖုတ်ပြီး စားကြသလို ဆီ၊ ဆား နှင့်လည်း တို့စားကြပါတယ်။ ထန်းမြစ်ကို မီးဖုတ်စားရင် အနံ့ပိုပြီးမွှေးတာကြောင့် ထန်းမြစ်မီးဖုတ်နဲ့ ရေနွေးကြမ်းက တကယ်ကို လိုက်ဖက်လှပါပေတယ်။

ထန်းပင်မြစ်ကို ဘယ်လိုစားရလဲဆိုတော့-

ထန်းပင်မြစ်မီးဖုတ်(သို့)ထန်းပင်မြစ်ပြုတ်ကို အခွံခွာပီးရင် ထန်းမြစ်ဖွေးဖွေးလေး တွေ့ပါလိမ့်မယ်။ အဲ့ဒီထန်းမြစ်လေးရဲ့အပေါ်ယံအမျှင်ပါးလေးကို နောက်တစ်ကြိမ်ထပ်ခွာပါ။ ပြီးရင် အလယ်ကနေခြမ်းကာ အထဲကအူတိုင်အနှံလေးကို ဖယ်ပီး စိတ်ကြိုက်စားလို့ရပါပြီ။

တစ်ချို့ကလည်း ထန်းမြစ်ကို ထန်းမြစ်ကြော်၊ ထန်းမြစ်နှမ်းထောင်း စသဖြင့် အမျိုးမျိုးပြုလုပ်စားလေ့ ရှိကြပါတယ်။ ပဲဆီပေါပေါများများရနိုင်တဲ့ အညာဒေသမှာ ထန်းပင်မြစ်ကို ပြုတ်ကာ ထောင်းပြီးကြော်ထားသော ထန်းပင်မြစ်ကြော်ကို ခလေး၊ လူကြီးမရွေး နှစ်သက်ကြတယ်လို့ သိရပါတယ်။

ထန်းပင်မြစ်ကို ဆောင်းရာသီမှာ ပေါပေါများများရရှိနိုင်ပြီး ခန္ဓာကိုယ်တွင်းအပူဓာတ်ကို လျော့ချပေးနိုင်တဲ့ ရာသီစာ ဆေးဘက်ဝင်အစားအစာတစ်မျိုးလည်း ဖြစ်ကြပါတယ်။ အရွယ် ၃ပါးမရွေး စားသုံးသင့်ပြီး ကိုယ်ဝန်ဆောင်မိခင်များလည်း စားသုံးသင့်တယ်လို့ မှတ်သားရဖူးပါတယ်။

ဒါ့ကြောင့် အညာဒေသကို အလည်သွားရင် အညာစာတစ်မျိုးဖြစ်တဲ့ စေးစေးဆိမ့်ဆိမ့်အရသာရှိပြီး ဆေးဘက်လည်းဝင်တဲ့ ထန်းပင်မြစ်ကို စားကြည့်ဖို့ မမေ့ကြပါနဲ့နော်။

ရေးသားသူ - ပင်လယ်ပြာ(ငါးဦးစီး)

မှီငြမ်း- ယာတောသူ၏ "အညာမြေမှ ထန်းပင်မြစ်" အကြောင်း။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ