အိမ်တွင်းအလှစိုက်အပင်များမှာ ကျရောက်တတ်တဲ့ အဖျက်ပိုးများ

19/01/2022 19:00 PM တွင် ဇင်ထူးနိုင် ဇင်ထူးနိုင် မှ ရေးသား

အဖျက်ပိုးတွေဟာ ဟင်းသီးဟင်းရွက်နဲ့ သီးနှံစိုက်ခင်းများမှာသာမက အိမ်တွင်းအလှစိုက်တဲ့ ပန်းပင်တွေမှာတောင် ပိုး၊ ရောဂါတွေကျရောက် ဖျက်စီးလေ့ရှိပါတယ်။ အိမ်တွင်းအလှစိုက်တဲ့ အပင်တွေမှာကျရောက်တဲ့ အဖျက်ပိုးတွေဟာဆိုရင် များသောအားဖြင့် အပင်ရည်ကိုစုပ်ယူပြီး စားသောက်ဖျက်စီးတဲ့ ပိုးတွေဖြစ်ကြပါတယ်။ မိမိစိုက်ထားတဲ့ အပင်တွေမှာ ပိုးကျရောက်တာတွေ့ပြီဆိုတာနဲ့ ထပ်ပြီးမပျံ့ပွားနိုင်အောင် ကာကွယ်နှိမ်နင်းဖို့လိုအပ်ပါတယ်။ အိမ်တွင်းမှာ အလှစိုက်တဲ့အပင်တွေဖြစ်လို့ ကာကွယ်နှိမ်နင်းရာမှာ ဓာတုဆေးဝါးတွေထက် သဘာဝနည်းလမ်းတွေကိုပဲ အလေးထားပြီး အသုံးပြုသင့်ပါတယ်။ သို့ပေမယ့် ဒီဆောင်းပါးမှာတော့ စာဖတ်သူရွေးချယ်နိုင်အောင် သဘာဝနည်းရော ဓာတုနည်းအချို့ပါ မျှဝေပေးသွားမှာ ဖြစ်ပါတယ်။ အိမ်တွင်းအလှစိုက်တဲ့ ပန်းပင်တွေမှာ အဓိကအားဖြင့် ကျရောက်တတ်တဲ့ အဖျက်ပိုးတွေအကြောင်းကို မျှဝေပေးသွားမှာ ဖြစ်ပါတယ်။ 

၁။ ပျပိုး (Aphids) 

ပျပိုးဟာ သီးနှံစိုက်ခင်းတွေမှာပဲ တွေ့ရတတ်တဲ့ ပိုးလို့ထင်စရာရှိပေမယ့် အိမ်တွင်းအလှစိုက်တဲ့ အပင်တွေမှာလည်း ကျရောက်ဖျက်စီးပါတယ်။ ပျပိုးဟာ အပင်ရည်ကို စုပ်ယူစားသောက်တဲ့ အဖျက်ပိုးဖြစ်ပြီး အပင်ရဲ့ကြီးထွားရှင်သန်မှုကို တိုက်ခိုက်ပါတယ်။ ပျပိုးဟာ အတော်လေး သေးငယ်ပြီး အစိမ်းရောင်၊ အမဲရောင်နဲ့ မီးခိုးရောင် ဆိုပြီးရှိကြပါတယ်။ ပိုးကို အများအားဖြင့် အရွက်တွေရဲ့အောက်မျက်နှာပြင်နဲ့ အသစ်ထွက်လာတဲ့ အပွင့်တွေ အဖူးတွေမှာ ကျရောက်တာ တွေ့ရပါတယ်။ ပျပိုးဟာ အစုလိုက်အပြုံလိုက် ကျရောက်တတ်တာမို့ ၎င်းတို့ကိုရှာဖွေရတာလည်း လွယ်ကူပါတယ်။ ပျပိုးကနေ စေးကပ်တဲ့ အရည်တစ်မျိုးကိုလည်း ထုတ်လေ့ရှိပြီး အလွယ်တကူတွေ့နိုင်ပါတယ်။ ပိုးကျရောက်မှု ဆိုးရွားမယ်ဆိုရင်တော့ အရွက်တွေ၊ ပင်စည်တွေဟာ တဖြည်းဖြည်းနဲ့ အဝါရောင်ပြောင်းလာပြီး နောက်ဆုံးမှာ သေဆုံးသွားမှာ ဖြစ်ပါတယ်။ 

ပျပိုးကျရောက်နေမယ်ဆိုရင် ရေနဲ့ ပန်းကန်ဆေးဆပ်ပြာတို့ကို ဖျော်စပ်ပြီး အရွက်ရဲ့အောက်မျက်နှာပြင်ကို ဖျန်းပေးနိုင်ပါတယ်။ ဖျန်းပြီးရင်တော့ ၅ မိနစ်လောက်ထားပါ။ ပြီးတဲ့အခါ အပင်ကိုရေဖျန်းပေးပါ။ ဖော်ပြပါအတိုင်း ၂ ကြိမ်လောက်လုပ်ပေးတဲ့အခါ ပျပိုးတွေကို ဖယ်ရှားပေးနိုင်မှာ ဖြစ်ပါတယ်။ ဖော်ပြပါနည်းလမ်းထက် အနည်းငယ်ပိုပြီး အာနိသင်ပြင်းတာမျိုး သုံးချင်ရင်တော့ ပိုင်ရီသရင် ပါဝင်တဲ့ ဓာတုဆေး (သို့မဟုတ်) တမာပိုးသတ်ဆေးတွေ အသုံးပြုနိုင်ပါတယ်။ 

၂။ ပိုးစေးနဲ (Mealybugs) 

ပိုးစေးနဲဟာလည်း ပျပိုးလိုပဲ အပင်ရည်စုပ်ယူစားသုံးတဲ့ ပိုးဖြစ်ပါတယ်။ ပိုးစေးနဲဟာ သေးငယ်ပြီး အဖြူရောင်ရှိကာ အမွှေးအနည်းငယ်လည်းရှိပါတယ်။ ပိုးစေးနဲဟာလည်း အစုလိုက်အပြုံလိုက် ကျရောက်တတ်တာမို့ အလွယ်တကူတွေ့မြင်နိုင်ပါတယ်။ ပိုးကျနေတဲ့နေရာဟာ ရုတ်တရက်ကြည့်လိုက်ရင် အပင်ပေါ်မှာ သိုးမွေးချည်ရှိနေသကဲ့သို့ တွေ့မြင်ရမှာ ဖြစ်ပါတယ်။ ပိုးကျနေတဲ့အရွက်တွေဟာ တဖြည်းဖြည်းနဲ့ အဝါရောင်ပြောင်းလာပြီး နောက်ဆုံးမှာ ကြွေကျသွားမှာ ဖြစ်ပါတယ်။ 

ပိုးစေးနဲတွေကို ရေဖျန်းပေးခြင်းဖြင့် အလွယ်တကူဖယ်ရှားနိုင်ပါတယ်။ ပိုးကျ‌ရောက်မှု အနည်းငယ်သာ ရှိသေးတယ်ဆိုရင် လက်အိတ်ဝတ်ပြီး ပိုးကျတဲ့နေရာကို ညင်သာစွာ ခြစ်ထုတ်နိုင်ပါတယ်။ ဒါမှမဟုတ် ပျပိုးမှာကဲ့သို့ ဆပ်ပြာဖျော်ရည် အသုံးပြုပြီး နှိမ်နင်းနိုင်ပါတယ်။ ဓာတုနည်းနဲ့ဆိုရင်တော့ သဘာဝဖက်တီးအက်စစ် (natural fatty acid) (သို့မဟုတ်) ဆာဖက်တန့် (surfactant) ပါဝင်တဲ့ ဆေးတွေအသုံးပြုနိုင်ပါတယ်။ 

၃။ မွှားပင့်ကူနီ (Red Spider Mites) 

မွှားပင့်ကူနီဟာ အိမ်တွင်းအလှစိုက်အပင်တွေမှာ ကျရောက်တတ်ပြီး ကာကွယ်နှိမ်နင်းဖို့ ခက်ခဲပါတယ်။ ၎င်းတို့ဟာ အပင်တွေပေါ်မှာနေထိုင်ပြီး အရွက်ကနေတစ်ဆင့် အပင်ရည်ကို စုပ်ယူစားသောက်ကြပါတယ်။ မွှားပင့်ကူနီကျရောက်ခြင်းရဲ့ ထင်ရှားတဲ့ လက္ခဏာကတော့ အရွက်တွေမှာ အညိုရောင် အစက်အပြောက်များနဲ့ ခြစ်ရာများကို တွေ့ရမှာ ဖြစ်ပါတယ်။ 

မွှားပင့်ကူနီဟာ ရေနဲ့ စိုထိုင်းဆများတာကို မကြိုက်တဲ့အတွက် ရေလောင်းပေးနိုင်ပါတယ်။ နေ့တိုင်းရေမလောင်းရင်တောင်မှ စိုထိုင်းဆရှိနေဖို့အတွက် ရေဖျန်းတဲ့ဗူး (ညှစ်တဲ့ဗူး) နဲ့ အပင်နဲ့ အပင်ပတ်ဝန်းကျင်ကို နေ့တိုင်းဖျန်းပေးသင့်ပါတယ်။ ဓာတုနည်းနဲ့ဆိုရင်တော့ ပိုးစေးနဲမှာ မျှဝေခဲ့သလိုပဲ သဘာဝဖက်တီးအက်စစ် (natural fatty acid) (သို့မဟုတ်) ဆာဖက်တန့် (surfactant) ပါဝင်တဲ့ ဆေးတွေအသုံးပြုနိုင်ပါတယ်။ 

၄။ အကြေးပိုး (Scale Insects) 

အကြေးပိုးဟာလည်း ကာကွယ်နှိမ်နင်းဖို့ အနည်းငယ် ခက်ခဲပါတယ်။ ဒီပိုးတွေဟာ ရုတ်တရက်ကြည့်လိုက်ရင် အင်းဆက်ပိုးလို့ကို မထင်ရပါဘူး။ ဒီပိုးတွေမှာ အလွန်မာကြောတဲ့ အပြင်ဘက်အခွံရှိပြီး အရွက်နဲ့ ပင်စည်တွေမှာ တွယ်ကပ်ပြီး ကျရောက်တာ ဖြစ်ပါတယ်။ ပိုးကျရောက်တဲ့ အစပိုင်းမှာဆိုရင် အရွက်နဲ့ ပင်စည်တွေပေါ်မှာ အညိုရောင် အဖုငယ်လေးများနဲ့တော်တော်လေး ဆင်တူပါတယ်။ အကြေးပိုးဟာလည်း စေးကပ်တဲ့ အရည်တစ်မျိုးကိုထုတ်လေ့ရှိပြီး ၎င်းတို့ဟာ နောက်ဆုံးမှာ အမဲရောင်ပြောင်းသွားပြီး မှိုတက်တဲ့ ပုံစံမျိုး တွေ့မြင်ရမှာ ဖြစ်ပါတယ်။ 

ပိုးကျရောက်မှု နည်းနေမယ်ဆိုရင်တော့ လက်နဲ့ အလွယ်တကူဖယ်ရှားနိုင်ပါတယ်။ ပိုးတွေဟာ ရွေ့လျားသွားလာတတ်တာကြောင့် ပိုးအရေအတွက်များစွာ ကျရောက်နေမယ်ဆိုရင်တော့ လက်နဲ့ဖယ်ရှားဖို့ ခက်ခဲနိုင်ပါတယ်။ နောက်တစ်နည်းကတော့ ဂွမ်းစ (သို့မဟုတ်) အဝတ်ကို ရေစွတ်ပြီးတော့ ပွတ်တိုက်ဖယ်ရှားနိုင်ပါတယ်။ ဆပ်ပြာဖျော်ရည်လည်း အသုံးပြုနိုင်ပါတယ်။ ဓာတုနည်းနဲ့ဆိုရင်တော့ ပါမီသရင် (သို့မဟုတ်) မာလာသီအွန် ပါဝင်တဲ့ ဆေးတွေအသုံးပြုနိုင်ပါတယ်။ 

ဇင်ထူးနိုင် 

Source 

How to control the Houseplant pests (http://www.picturethisai.com/) 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်