နီမတုတ်တွေက ဘယ်လိုပုံစံနဲ့ ရောဂါဖြစ်စေတာလဲ..?

နီမတုတ်တို့သည် အလွန်သေးငယ်သော တိရစ္ဆာန်များဖြစ်ကြသည်။ ယင်းတို့ကို သာမန်မျက်စိဖြင့် မြင်ရန်ခဲယဥ်းပြီး မိုက်ခရိုစကုပ်ဖြင့်သာ ကောင်းစွာမြင်ရသည်။

နီမတုတ်တို့သည် အပ်ချည်မျှင်ပုံ၊ လွန်းပုံရှိသော ခန္ဓာကိုယ်ဖြင့် တည်ဆောက်ထားသည့် သံကောင်မျိုးများ ဖြစ်ကြ သည်။ အပင်ရောဂါဖြစ်စေသော နီမတုတ်တို့၏ ပါးစပ်ပိုင်းတွင်ထိုးဖောက်အစာစုပ်အင်္ဂါများ တွေ့ရသည်။ ယင်းတို့သည် လက်ခံသီးနှံပင်များကိုထိုးဖောက်၍ အစာကို စုပ်ယူစားသုံးကြသည်။ နီမတုတ်များတွင် အထီး၊ အမဟူ၍ လိင်သီးခြားတွေ့ရပြီး ဥများဥ၍ မျိုးပွားသည်။ နီမတုတ်ငယ်တို့သည် ငယ်စဉ်အရေခွံ (၄)ကြိမ်လဲပြီးမှ အရွယ်ရောက်ကြသည်။

နီမတုတ်တို့သည် မြေနေတိရစ္ဆာန်ငယ်များ ဖြစ်ကြ၍ အထူးသဖြင့် အပင်၏ မြေအောက်ပိုင်းမှ အမြစ်များကို တိုက်ခိုက်ဖျက်ဆီးလေ့ရှိသည်။

မြန်မာနိုင်ငံ၌ အရေးကြီးသော နီမတုတ်ရောဂါများမှာ စပါးလောင်မီးရောဂါ၊ စပါးမြစ်ပုပ်ရောဂါ၊ စပါးရွက်ဖြတ်ရာဂါ၊ အာလူးမြစ်ဖုရောဂါနှင့် ခရမ်းချဉ်မြစ်ဖု ရောဂါများဖြစ်ကြသည်။

Crd#ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။