အစိမ်းရောင်လမ်းအောက်ဆင်ဟုခေါ်သော အပင်ဟော်မုန်းကို ကြီးထွားနေသည့်ပင်စည်၏ ထိပ်ဖျားပိုင်းနှင့် အရွက်နုငယ်များတွင် ချက်လုပ်ပါသည်။ ထို့နောက် ၎င်းအောက်ဘက်ရှိ ဆဲလ်များကို ရှည်ထွက်စေခြင်းဖြင့် ပင်စည်အားရှည်ထွက်လာစေပါသည်။ အကယ်၍ ကြီးထွားနေသောပင်စည်၏ ထိပ်ဖျားအား ဖယ်ရှားလိုက်ပါက ယင်းဖြတ်ရာအောက်ဘက်ရှိ ကြီးထွားမှုမှာ လျှင်မြန်စွာလျော့နည်းသွားသည်ကို တွေ့ရပါမည်။ ၎င်းဖြတ်ရာ အောက်ဖက်ရှိ ကြားဖူးများ၏ဖွံ့ဖြိုးမှုကို လှုံ့ဆော်ပေးပြီး ၎င်းကြားဖူးများမှ ဘေးကိုင်းများလျှင်မြန်စွာ ထွက်ပေါ်လာစေသည်။ အောက်ဆင်သည် အပင်များ အလင်းရောင်ရှိရာဘက်သို့ ကွေးညွှတ်ခြင်းကို ဖြစ်ပေါ်စေသည်။ အောက်ဆင်သည် အရွက်နှင့် အသီးများ ကြွေကျခြင်းကို ထိန်းသိမ်းပေးနိုင်သောဂုဏ်သတ္တိလည်းရှိပါသည်။ သဘာ၀အတိုင်း အပင်မှချက်လုပ်သောဟော်မုန်းနှင့် တူညီအောင် ဓာတ်ခွဲခန်းတွင် ချက်လုပ်ထားသော ဓာတုဒြပ်ပေါင်းများအား စိုက်ပျိုးရေးတွင် တွင်ကျယ်စွာ အသုံးပြုလျက် ရှိပါသည်။
၎င်းဓာတုဒြပ်ပေါင်းများသည်
- က။ ပင်ပိုင်းမျိုးပွားမှုတွင် အမြစ်ဖြာထွက်မှုကို အားပေးခြင်း၊
- ခ။ အသီးနှင့်အရွက်များ အပင်ပေါ်မှ ကြွေမကျအာင် ထိန်းသိမ်းထားနိုင်ခြင်း၊
- ဂ။ အစေ့မဲ့အသီးများ ထုတ်လုပ်ရန်အတွက် ဖျန်းပက်နိုင်ခြင်း၊
- ဃ။ အပင်တစ်သျှူးမွေးမြူရေးတွင် အသုံးချနိုင်ခြင်း၊
- င။ ပြင်းအားများများဖြင့်သုံးစွဲလျှင် အပင်များကိုသေစေနိုင်သည့် အာနိသင်ရှိခြင်းကြောင့် ပေါင်းသတ်ဆေးအဖြစ် အသုံးပြုနိုင်ခြင်း စသည့်တို့ကြောင့် လက်တွေ့စိုက်ပျိုးရေးတွင် တွင်ကျယ်စွာ အသုံးပြုလျက်ရှိသည်ကို တွေ့ရှိရပါသည်။
Crd#ရေဆင်းစိုက်ပျိုးရေးတက္ကသိုလ်
ကျန်ဟော်မုန်းများကို ဆက်လက်ဖော်ပြပါဦးမည်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
Farm Link Co.,Ltd ကြော်ငြာ
.jpg)
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}