မိုးစပါးစိုက်ခင်းများအတွင်း ဖြုတ်ပိုးကျရောက်သော်လည်း ယခင်နှစ်ကဲ့သို့ ထိခိုက်ပျက်စီးမှု ကြီးကြီးမားမားမရှိ

07/12/2020 10:45 AM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား

    မိုးစပါးစိုက်ခင်းများအတွင်း ဖြုတ်ပိုးကျရောက်သော်လည်း ယခင်နှစ်ကဲ့သို့ ထိခိုက်ပျက်စီးမှု ကြီးကြီးမားမားမရှိသေးကြောင်း စိုက်ပျိုးရေးဦးစီးဌာနက ပြောသည်။

    စစ်ကိုင်းတိုင်း၊ ဝက်လက်မြို့နယ်ရှိ မိုးစပါးစိုက်ခင်းများအတွင်း ၂၀၁၉ ခုနှစ် မိုးစပါးရာသီက ဖြုတ်ပိုးကျရောက်မှုဒဏ် ခံစားခဲ့ရပြီး စိုက်ခင်းအများစု ပျက်စီးဆုံးရှုံးကာ အထွက်နှုန်းကျဆင်းခြင်း၊ မီးရှို့ဖျက်ဆီးရခြင်းများ ဖြစ်ပေါ်ခဲ့သည်။ 

    ယခုနှစ်တွင်မူ ယခင်နှစ်ကဲ့သို့ မိုးစပါးစိုက်ခင်းများ ပျက်စီးဆုံးရှုံးမှုကြီးကြီးမားမား မတွေ့ရသေးကြောင်း စိုက်ပျိုးရေးဦးစီးဌာနမှ ပြောသည်။

နောက်ထပ် ၁၅ ရက်လောက်ဆိုရင် ရွှေဘိုပေါ်ဆန်းစပါးမျိုးတွေ စတင်ရိတ်သိမ်းရတော့မှာပါ။ ကျေးရွာတွေကို လိုက်လံစစ်ဆေးကြည့်တော့ မနှစ်ကနဲ့နှိုင်းယှဉ်ရင် ထိခိုက်ဆုံးရှုံးမှု အလွန်လျော့နည်းသွားတာကို တွေ့ရပါတယ်။ ဝက်လက်မြို့နယ် ရေထွက်ကျေးရွာကို စစ်ဆေးတဲ့အခါ တောင်သူဦးထွန်းရွှေရဲ့မိုးစပါးစိုက်ခင်း ကောက်ရုံတစ်ရုံမှာ မိတ်ဆွေပိုး (ပင့်ကူ ပုဇင်း) ၂ ဒဿမ ၈ ကောင်နဲ့ ဖျက်ပိုး (ဖြုတ်ညို) ၃ ဒဿမ ၄ ကောင် တွေ့ရပေမယ့် စီးပွားရေးတွက်ခြေထိခိုက်တဲ့အဆင့် မရောက်တာကြောင့် မလိုအပ်ဘဲ ပိုးသတ်ဆေးတွေမဖျန်းဖို့နဲ့ အနှံဖြိုင်ဖြိုင်ထွက်ဖို့ GA3 ဖျန်းဖို့ကို အကြံပေးခဲ့ပါတယ်။ ဖြုတ်ပိုးကာကွယ်ရေးနှိုးဆော်ချက်တွေကိုလည်း နေရာတော်တော်များများမှာ ဘုတ်တွေထောင်ပြီး အသိပညာပေးနေပါတယ်။ အထွက်နှုန်းတိုးမတိုးဆိုတာကတော့ သွင်းအားစုတို့၊ စိုက်ပျိုးရေတို့နဲ့လည်း သက်ဆိုင်ပါတယ်။

ဟု စစ်ကိုင်းတိုင်း၊ ဝက်လက်မြို့နယ်၊ စိုက်ပျိုးရေးဦးစီးဌာနမှ ဦးစီးမှူး ဦးလှမိုးကျော်က ပြောသည်။

    ဝက်လက်မြို့နယ် ဘင်တဲကုန်းကျေးရွာ၊ ရေထွက်ကျေးရွာတို့ရှိ မိုးစပါးစိုက်ခင်းများကို ခရိုင်/မြို့နယ် စိုက်ပျိုးရေးဦးစီးဌာနပူးပေါင်း၍ ကွင်းဆင်းစစ်ဆေးကြည့်ရှုပြီး၊ ပိုးမွှားရောဂါ ကျရောက်မှုရှိ/မရှိ ကင်းထောက်မှတ်တမ်းများ ရယူခဲ့ကြောင်း သိရသည်။

အရင်နှစ်က ဖြုတ်ပိုးစကျတဲ့နှစ်ဆိုတော့ ဂရုမစိုက်မိတာရယ်၊ ရေကပြတ်တာများတာရယ်ကြောင့် တောင်သူတွေ ဆုံးရှူံးမှုများခဲ့တယ်။ တချို့တောင်သူတွေက ရေမအောင်ဘူး။ ဒါကြောင့် ရောဂါအကျပိုလာကြတာ။ စိုက်ပျိုးရေးဦးစီးဌာနရဲ့ လမ်းညွှန်ချက်ကိုတော့ လိုက်တော့လိုက်နာကြတာပဲ။ ဘယ်တောင်သူကမှတော့ ကိုယ့်စပါးခင်းကို မပျက်စီးစေချင်ကြဘူးလေ။ မနှစ်ကထက်တော့ ဖြုတ်ပိုးကျတာ သက်သာလာတယ်။ မနှစ်ကဆိုရင် တစ်ရွာလုံးနီးပါး ပိုးကျခဲ့တယ်။ ကျွန်တော်တို့က ဒီနှစ်တော့ ဖြုတ်ပိုးဆိုတာသိသိချင်း ဆေးပက်တော့ မနှစ်ကလောက်မပျက်စီးဘူး။

ဟု စစ်ကိုင်းတိုင်း၊ ဝက်လက်မြို့နယ်မှ မိုးစပါးစိုက်တောင်သူတစ်ဦးက ပြောသည်။

    ဖြုတ်ပိုးကျရောက်မှုကို ကာကွယ်ထိန်းချုပ်နိုင်စေရန် ကြိုတင်ကင်းထောက်မှတ်တမ်းရယူခြင်း၊ လက်ခံပင် ပေါင်းမြက် (ဝမ်းဘဲမြက်၊ မြက်မုံညင်းပင်) များကို ရှင်းလင်းခြင်း၊ ဓာတ်မြေဩဇာကို အချိုးကျသုံးစွဲခြင်း၊ ပိုတက်စီယမ်ပါဝင်သည့်မြေဩဇာကို မဖြစ်မနေသုံးစွဲရန်နှင့် ပိုးကျနေစဉ် ယူရီးယားမြေဩဇာကို ရှောင်ကြဉ်ခြင်း၊ ဖြုတ်ပိုးစတွေ့သည်နှင့် ရေကို (၃)ရက်/(၅)ရက် ပြောင်အောင်ထုတ်ခြင်း၊ အပင်ခံနိုင်ရည်ရှိစေရန် တစ်ဧကလျှင် ပိုတက် ၁/၈ အိတ်နှင့် ကျောက်မှုန့်(၆)ပိဿာ ကြဲပက်ပေးခြင်း၊ သဘာဝမိတ်ဆွေပိုးများ သေကြေပျက်စီးမှုမရှိစေရန် ပိုးသတ်ဆေးကို လိုအပ်မှသာ သုံးစွဲခြင်း၊ စပါးရုံတစ်ရုံတွင် ဖြုတ်ညို/ဖြုတ်ကျောဖြူ (၁၀)ကောင်/(၁၅)ကောင် တွေ့ရှိသည်နှင့် စပါးခင်းအားရေထုတ်၍ ဒိုင်မီသိုအိတ် (Dimethoate), ကာတက်ပ်ဟိုက်ဒရိုကလိုရိုဒ် (Cartap Hydrochloride), အဆီဖိတ်(Acephate), အဆီတာမီပရိုက်(Acetamiprid) စသည့် ပင်လုံးပြန့်ပိုးသတ်ဆေးတစ်မျိုးမျိုးကို ဆေးဘူး/ဆေးထုပ် အညွှန်းစာပါအတိုင်း အပင်ခြေရှိ ပိုးကောင်ငယ်များကို အပင်ခြေရောက်အောင် ပက်ဖျန်းပေးခြင်းများကို ဆောင်ရွက်ရမည်ဖြစ်ကြောင်း စိုက်ပျိုးဦးစီးဌာနမှ သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်