သဘာဝကပေးတဲ့ အဖိုးတန် ရှိခိုးကောင်တွေ

အခင်းတွေထဲမှာ စိုက်ကွင်းတွေထဲမှာ အိမ်တွေမှာ ရှိခိုးကောင်တွေကို မြင်ဖူးမှာပါ။

သူတို့အကြောင်းကို လေ့လာကြည့်ရအောင်လားခင်ဗျာ။

အရွယ်အစား

သူတို့က အလယ်အလတ်လောက် အရွယ်ရှိတဲ့ အစိမ်းရောင် (သို့) အညိုရောင်ရှိတဲ့ အင်းဆက်ကောင်တွေဖြစ်ပါတယ်။ (၅) ကနေ (၁၀) စင်တီမီတာ ဆိုတော့ (၂) လက်မကနေ (၄)လက်မ လောက်အထိပဲ ရှိကြပါတယ်။ ရှေ့လက်တွေက အဓိက သူတို့ အမဲလိုက်တဲ့ ပစ္စည်း ကိရိယာတွေပါပဲ။ သူတို့ရဲ့ ကွေးနေတဲ့ ကိုယ်ခန္ဓာပုံစံနဲ့ လက်ကြောင့်မို့ ရှိခိုးကောင်တွေရယ်လို့ ခေါ်ကြပါတယ်။

သူတို့ သက်တမ်းက တစ်နှစ်လောက်ဖြစ်ပြီးတော့ တစ်နှစ်မှာ မျိုးဆက် တစ်ဆက်စီပွားများကြပါတယ်။ ဥတွေကို ဆောင်းအကုန်မှာ ဥအိမ်နဲ့ ဥချကြပြီးတော့ သစ်သား သို့ အပင်အခေါက်တွေမှာ နဲ့ အခြားအပင်တွေမှာ ကပ်ပြီး တွေ့နိုင်ပါတယ်။

အစားစားတဲ့ အလေ့အထမျိုးမှာဆိုရင်တော့

သူတို့က အသားစားတဲ့ အကောင်လေးတွေဖြစ်ပါတယ်။ တစ်နေရာရာလေးမှာ ငြိမ်ငြိမ်လေးနေနေတယ်၊ သားကောင်ကို စောင့်တယ်။ ရောက်လာတဲ့ သားကောင်ရဲ့ အလစ် အငိုက်ကို စောင့်ပြီးတော့ လျင်မြန်တဲ့ လှုပ်ရှားမှုနဲ့ အတူ သားကောင်ကို တိုက်ခိုက်ပြီးတော့ ဖမ်းစားတယ်။ သူတို့ရဲ့ ရှေ့လက်ကို သုံးပြီးတော သားကောင်ကို ဖမ်းတယ်။ ပြီးတော့ သူတို့ရဲ့ သူတို့က ဘာကောင်တွေကို စားကြတာလဲဆိုရင်တော့

ပိုးဟပ် (Roaches)
ယင်ကောင်များ (Flies)
ခြင်များ (Mosquitoes)
ပိုးဖလံများ (Moths)
ဂျပိုးများ (Bugs)
ကျိုင်းကောင်များ (Beetles)
ပျ (Aphids)
ကြွက် (rodents)
ဖား (Frog)
အကောင်သေးတဲ့ ကြွက်လေးများ (Small Rodents)
အကောင်သေးတဲ့ ငှက် ( Birds)
မြွေ (Snakes) ( အကောင်သေး) စတဲ့ တော်တော်များများကို စားသောက် နေထိုင်ကြပါတယ်။

သူတို့ကို ဘယ်မှာ တွေ့နိုင်ပါမလဲ?

ကမ္ဘာတစ်ဝှမ်းလုံးမှာ တွေ့နိုင်ပေမဲ့လည်း ပူနွေး စိုစွတ်တဲ့ ပတ်ဝန်းကျင်ကို ကြိုက်နှစ်သက်ကြပါတယ်။ အေးတဲ့ဒေသမှာလည်း ရှင်သန်နေထိုင်နိုင်ပါတယ်။

တစ်ချို့ မျိုးစိတ်တွေကတော့ သစ်ပင်တွေနဲ့ ခြုံပုတ်တွေကိုကြိုက်ပေမဲ့လို့ တစ်ချို့မျိုးစိတ်တွေကျတော့ မြေကြီးနဲ့ နီးနီးကပ်ကပ်နေရတာကို ကြိုက်တဲ့ မျိုးတွေလည်းရှိပါတယ်။ ဆိုတော့ သူတို့ကို နေရာဒေသမရွေးမှာ တွေ့နိုင်တယ်ဆိုတဲ့ သဘောပါပဲ။

သူတို့ကို ဘယ်လို ဆွဲဆောင်မလဲ?

ရှိခိုးကောင်လေးတွေကို ဆွဲဆောင်တဲ့ အပင်နဲ့ ချုံလေးတွေ (ဥပမာ- ချစ်တီးပန်း) တို့လိုမျိုး စိုက်ပျိုးပေးထားရင် ရှိခိုးကောင်လေးတွေသာမက အခြားသော လိပ်ခုံးကျိုင်းလိုမျိုးနဲ့ အကျိုးပြုအင်းဆက်တွေလည်း လာရောက်နေထိုင်နိုင်ပါတယ်။

အရိပ်ရတဲ့ အပင်ပုလေးတွေလည်း စိုက်ပျိုးပေးနိုင်ပါတယ်။ သူတို့လည်း ပုန်းဖို့အတွက် နေရာလေးလိုတာမို့ သူတို့ အတွက် နေရာလုပ်ပေးထားရပါမယ်။

အနောက်နိုင်ငံတော်တော်များများမှတော့ ရှိခိုးကောင်တွေကို ရောင်းပါတယ်။ မြန်မာနိုင်ငံမှာတော့ မရလောက်သေးဘူးလို့ထင်ပါတယ်။ အကောင်လိုက် အစုံလိုက်လည်းရောင်းသလို ဥအိမ် အနေနဲ့လည်းရောင်းပါတယ်။ ဥအိမ်အလိုက်ရောင်းတာက အကောင်ရေလည်း များများပါသလို ဝယ်လိုအားလည်းများတယ်လို့ သိရပါတယ် တောင်သူကိုကို မမတို့ခင်ဗျာ။

ပုံ - ရောင်းချနေသော ဥ အိမ် ကို ကိုင်းတွင် ချိတ်ထားပုံ

တကယ်တမ်း သူတို့စားပေးနေတဲ့ ပျတို့ ယင်ဖြူတို့ ပိုးဖလံတို့ဆိုတာကလည်း မသိလိုက်ရင် မသိလိုက်သလို မြန်မြန်ဆန်ဆန်နဲ့ တစ်ပင်လုံးရဲ့ ပင်ရည်တွေ စုပ်ယူ၊ အရွက်တွေကိုက်ဖြတ်စားစတဲ့ အဖျက်အမှောက်လုပ်ငန်းတွေကို လုပ်ဆောင်ကြတာပါ။

သူတို့ရှိလို့ အကုန်အစင်ရှင်းနိုင်တာတော့လည်း မဟုတ်ပါဘူး။ ပြီးတော့ သူတို့ရှိနေတာမို့လည်း နောက်ထပ် အကျိုးပြုတဲ့ အကျိုးပြုအင်းဆက်လေးတွေကပါ သူတို့ရဲ့ သားကောင်ဖြစ်နိုင်သေးတာမို့ အရာအားလုံးက တန်ဆေးလွန်ဘေးပါပဲခင်ဗျာ။

တစ်ချို့ကျတော့လည်း ဒီရှိခိုးကောင်တွေကို အလှမွေးတဲ့ အိမ်မွေးတိရိစ္ဆာန်အဖြစ်နဲ့တောင် ဖန်လုံအိမ်လေးတွေနဲ့ သူတို့ကြိုက်တဲ့ ပတ်ဝန်းကျင်ကို ဖန်တီးပေးပြီးတော့ အစာရေစာ ပေးပြီး တကူးတက မွေးကြပါသတဲ့။

ကဲ့ ခုတော့ ရှိခိုးကောင်နဲ့ ပတ်သတ်ပြီးတော့ အလုံးစုံနီးပါးလည်း သိသွားပြီဆိုတော့ တောင်သူဦးကြီးတို့တွေ ကွင်းထဲမှာ ရှိခိုးကောင်တွေကို မြင်တဲ့အခါမျိုးမှာ ဘာတွေအကျိုးပြုနေသလဲ ဒီအကောင်လေးတွေရှိနေခြင်းက ကိုယ့်အတွက် ဘာတွေကောင်းစေသလဲနဲ့ ကိုယ်ကလည်း သူတို့ကို ဘယ်လို အသုံးချနိုင်ပါသလဲဆိုတာကို သေချာနားလည်သွားကြလိမ့်မယ်လို့ ထင်ပါတယ်။

တောင်သူလယ်သမား ဦးကြီးဒေါ်ကြီးတို့ ကျန်းမာချမ်းသာ လုပ်ငန်းခွင်မှာ အောင်မြင်ဖြစ်ထွန်းကြပါစေခင်ဗျာ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...