ငရုတ်တစ်ခင်းလုံးပျက်စီးဆုံးရှုံးမှုကနေ ကြိုတင်ကာကွယ်ကြပါစို့

    လေထုရဲ့စိုထိုင်းဆ မြင့်တက်တဲ့အခါ၊ ပိုမွှားရောဂါထူပြောတဲ့အခါ၊ မျိုးကောင်းမျိုးသန့်ဟုတ်မဟုတ် မလေ့လာဘဲ စိုက်ပျိုးမိတဲ့အခါ၊ ကိုယ့်ဒေသနဲ့ မကိုက်ညီတဲ့မျိုးကို မှားယွင်းစိုက်ပျိုးမိတဲ့အခါ၊ လွဲမှားတဲ့စိုက်ပျိုးနည်းစနစ်နဲ့ စိုက်ပျိုးမိတဲ့အခါ၊ စိုက်ပျိုးတဲ့တောင်သူကိုယ်တိုင်က နားလည်ကျွမ်းကျင်မှုပိုင်း အားနည်းတဲ့အခါမျိုးတွေမှာ စိုက်ခင်းအတွက် ရင်းနှီးထားသမျှ ပျက်စီးဆုံးရှုံးရတတ်ပါတယ်။ 

    ဒါတင်မက ရုတ်တရက်ဖြစ်ပေါ်လာတတ်တဲ့ ရာသီဥတုအပြောင်းအလဲ (မိုးရွာသွန်းမှု၊ ရေကြီးနစ်မြှုပ်မှု) ကြောင့် ပျက်စီးဆုံးရှုံးရင်တော့ တစ်ခင်းလုံးအတိုင်းအတာနဲ့ 100% ဆုံးရှုံးတာဖြစ်လို့ ပိုလို့ နစ်နာတတ်ပါတယ်။ အထူးသဖြင့် ငရုတ်ပင်တွေဟာ မိုးရေမှာပါဝင်တဲ့ အက်စစ်ဓါတ်ကြောင့် အပင်ယိုင်နဲ့ခြင်း၊ အပင်ညှိုး၊ အပင်သေသည်အထိ ပျက်စီးတတ်ပါတယ်။ မိုးရေလုံလောက်စွာမရရှိတဲ့အခါ မိုးအရွာ မိုးအလာကို မျှော်ကိုးရသလို မိုးများလွန်းပြန်တော့လည်း သောကဖြစ်ရပြန်တဲ့ တောင်သူများရဲ့ဘဝအထွေထွေပါ။ 

    ဒီလိုမျိုး သဘာဝဘေးရန်တွေနဲ့ကြုံတွေ့ရတဲ့အခါ ပျက်စီးဆုံးရှုံးမှုအနည်းဆုံးဖြစ်အောင် ဘယ်လိုကြိုတင်ကာကွယ်မှုတွေ လုပ်ဆောင်ထားသင့်လဲ? ဆိုရင်... စတင်မစိုက်ပျိုးခင် မြေပြင်ချိန်၊ စိုက်ဘောင်တွေကို ကြိုတင်ပြင်ဆင်ကြတဲ့အချိန်တွေမှာ ရေထုတ်မြောင်းတွေကို တူးဖော်ပေးခဲ့ပါလို့ အကြံပြုချင်ပါတယ်။

    ဟုတ်ပြီ။ စိုက်ဘောင်တွေကို ဘယ်နေရာလောက်ကနေစပြီး၊ ဘယ်လိုတူးဖော်ရမလဲ? ဆိုရင်... မိမိတို့ခြံရဲ့မြေပြင်အနေအထားကို အရင်ကြည့်ပါ။ အဲ့ဒီနောက်မှာတော့ မြေပြင်အနိမ့်အမြင့်ကို သေချာလေးချိန်ဆပြီး နိမ့်ရာကမြင့်ရာကို သွယ်ဖောက်တူးဖော်နိုင်ဖို့ကို ကြိုးစားသင့်ပါတယ်။ 

    ဒါဆိုရင် ဘာတွေထူးခြားကောင်းမွန်လာမှာလဲ? ဆိုရင်တော့... ဒီလိုမျိုး စိုက်ဘောင်ဘေးကြားတချို့မှာ ရေထုတ်မြောင်းတွေ ကြိုတင်ဖော်ထားမယ်သာဆိုရင် မိုးရွာတဲ့အခါ ရေစီးဆင်းစရာလမ်းကြောင်းတွေ ဖြစ်ပေါ်သွားနိုင်တာမို့ အခင်းတစ်ခုလုံးနီးပါး ရေဖုံးလွှမ်းတဲ့ဒဏ်ကနေ အတော်လေးကို သက်သာသွားစေမှာပဲ ဖြစ်ပါတယ်။ 

    ဧရာဝတီမြစ်ရေဟာ ၂၀၂၀ ခုနှစ် ရေတက်ကာလမှာ စိုးရိမ်ရေမှတ် ၂,၁၅၀ စင်တီမီတာအထက်ကို (၁)ကြိမ် ကျော်လွန်ခဲ့ပြီး၊ စိုးရိမ်ရေမှတ်အနီးကို (၂) ကြိမ်ရောက်ရှိခဲ့ပါတယ်။ ဒါ့ကြောင့် မကွေးတိုင်း၊ ပခုက္ကူမြို့၊ ရေစကြိုမြို့၊ မင်းဘူးမြို့(စကုမြို့) အနီးတဝိုက်က မြေနိမ့်ပိုင်းကျေးရွာများမှာ စိုက်ပျိုးထားတဲ့ ခရမ်းချဉ်၊ ခရမ်း၊ ကြက်သွန်၊ နေကြာ၊ မတ်ပဲ၊ ငရုတ် စိုက်ခင်းများ ရေကြီးနစ်မြုပ် ပျက်စီးခဲ့ပါတယ်။ ဒီဖြစ်စဉ်မှာ နစ်နာဆုံးရှုံးခဲ့ကြတဲ့ တောင်သူများနဲ့ထပ်တူ ခံစားရတာကြောင့် နောင်အခါ ကြိုတင်ကာကွယ်မှုတွေ လုပ်ဆောင်နိုင်အောင် ရေးသားဖော်ပြပေးလိုက်ရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more