လျှပ်စစ်ဖောက်စက်ဖြင့် ဘဲဖောက်နည်း

12/11/2021 13:00 PM တွင် ဦးဇော်(dof) ဦးဇော်(dof) မှ ရေးသား

    ဘဲဥများကိုသားဖောက်ရန်  လျှပ်စစ်ဖောက်စက်ကို အသုံးပြုပြီးလည်း သားဖောက်နိုင်ပါသည်။ဘဲကောင်ရေ များများဖောက်လိုသည့်အခါမှာ ဖောက်စက်ကိုအသုံးပြုပြီးဖောက်ရန် လိုအပ်ပါသည်။ ဖောက်စက်ဖြင့် သားဖောက်ရာတွင် ဖောက်မည့်ဘဲဥများကို ကနဦးရွေးချယ်ရာမှာ သန့်ရှင်းလတ်ဆတ်မှုရှိရပါမည်။ ဘဲထီးတစ်ကောင်ကို ဘဲမ ၁၀ ကောင် မျိုးဘဲထားရှိ၍ မျိုးဥဖောက် ဥထုတ်လုပ်နိုင်ပါသည်။

    ဘဲဥသည် ၂၈ ရက်ကြာမှ သားပေါက်သဖြင့် ဝပ်စက် (Setters) ထဲတွင် ၁၅ ရက်ထားရှိ၍ ကျန်ရှိသည့် ၁၃ ရက်ကို ဖောက်စက် (Hatchers) ထဲသို့ ပြောင်းရွှေ့ထားမှ ဘဲသားပေါက်လေးများ ထွက်ရှိလာပါမည်။ 

    ဝပ်စက် (Setters) ၏ အပူချိန်မှာ ၉၉.၅ ဒီဂရီ ဖာရင်ဟိုက် (၃၇.၅၉ ဆဲလ်စီးယပ်စ်)နှင့် ရေငွေ့ပါဝင်နှုန်း (၅၅%)ဖြင့် ချိန်ပေးရပါမည်။

    ဘဲဥများကို ဖောက်စက် (Hatchers) ထဲသို့ ပြောင်းရွှေ့သည့်အခါတွင် အပူချိန်ကို ၉၉.၅ ဒီဂရီ ဖာရင်ဟိုက် (၃၇.၂၉ ဆဲလ်စီးယပ်စ်) နှင့် ရေငွေ့ ပါဝင်နှုန်း (၆၅%) ချိန်ထားပြီး ဘဲသားပေါက်လေးများ နှုတ်သီးထွက်စချိန်တွင် လေထုအတွင်းစိုထိုင်းဆ (၈၀%) သို့ တိုးမြှင့်ပေးရပါမည်။

    ဘဲသားလေးများ စုံညီစွာထွက်လာသည့်အခါ အပူချိန်ကို ၉၇ ဒီဂရီဖာရင်ဟိုက် (၃၆.၁၉ ဆဲလ်စီးယပ်စ်) နှင့် စိုထိုင်းဆ ၇၀% သို့ ထားပေးရပါမည်။

    ဘဲသားလေးများ စုံညီစွာထွက်ရှိပြီး အမွှေးခြောက်သည့်အခါတွင် ဖောက်စက် (Hatchers) ထဲမှ ထုတ်ယူပြီး မွေးခြံထဲသို့ ပြောင်းရွှေ့မွေးမြူနိုင်ပါပြီ။

မှီငြမ်း- တစ်နိုင်တစ်ပိုင်ဘဲမွေးမြူရေးစာမျက်မှာမှ ကောက်နှုတ်တင်ပြပါသည်။


Natural Cure Co.,Ltd ကြော်ငြာ

ကျေးဇူးရှင်တောင်သူဦးကြီးများအားလုံးမင်္ဂလာပါရှင့် ခုမိတ်ဆက်ပေးချင်တာကတော့ အန်စီကွန်ပေါင်းဓာတ်မြေဩဇာလေးတွေဖြစ်ပါတယ် တောင်သူကြီးများအနေဖြင့် သီးပင်စားပင်စိုက်ပြီဆိုတာနဲ့ မြေဩဇာကျွေးလေ့ရှိကြတယ်မဟုတ်လား မြေဩဇာဆိုတာနဲ့ (NPK)အချိုးအစုံရှိတဲ့ အန်စီဓာတ်မြေဩဇာလေးတွေကို သတိရလိုက်ပါရှင့် အောက်မှာ အချိုးတစ်ခုချင်းစီအလိုက် ပုံလေးတွေနဲ့ အတူတူ ဖော်ပြပေးလိုက်ပါတယ်ရှင့် အသေးစိတ်သိလိုပါက 09958457742 ကို ဆက်သွယ်မေးမြန်းနိုင်ပါတယ်
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်