စားသုံးဆီလုပ်ငန်းများတိုးတက်လာစေရန် လိုအပ်သည့်အခန်းကဏ္ဍများ ပံ့ပိုးကူညီပေးမည်

    ထုတ်လုပ်မှုအားနည်းနေသည့် ပြည်တွင်းစားသုံးဆီလုပ်ငန်းများ တိုးတက်လာစေရန် လိုအပ်သည့်အခန်းကဏ္ဍများ၌ ပံ့ပိုးကူညီပေးမည်ဟု ၂၀၂၀ခုနှစ်၊ ဒီဇင်ဘာ(၁၂)ရက်က ကျင်းပခဲ့သော မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၏ (၂၈)ကြိမ်မြောက် နှစ်ပတ်လည်အသင်းသားစုံညီအစည်းအဝေးပွဲ၌ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း က ပြောကြားခဲ့သည်။

    ပြည်တွင်း၌ စားသုံးဆီထုတ်လုပ်မှု တိုးတက်လာစေရေး ကြိုးပမ်းဆောင်ရွက်နေသည့် သက်ဆိုင်ရာအသင်းအဖွဲ့အသီးသီးကို နိုင်ငံတော်အစိုးရအဖွဲ့အနေဖြင့် လိုအပ်သော အခန်းကဏ္ဍများ၌ ပါဝင်ပူးပေါင်းကူညီပေးသွားမည်ဟု ယခုကဲ့သို့ ပြောကြားခဲ့ခြင်းဖြစ်သည်။ 

အခုလက်ရှိ မြန်မာနိုင်ငံရဲ့ဆီထုတ်လုပ်မှုကဏ္ဍဟာ အားနည်းနေပါတယ်။ မြန်မာနိုင်ငံမှာတစ်ချိန်က ဆီဟာ မြန်မာနိုင်ငံရဲ့အဓိကစားကုန်ထဲမှာ ပါဝင်ပါတယ်။ အခြေခံစားကုန်တစ်မျိုးဖြစ်ပါတယ်။ ဒါ့ကြောင့်မို့ ဒီအခြေခံစားကုန်ကို နိုင်ငံတွင်းမှာ ဖူလုံစွာထုတ်လုပ်နိုင်ဖို့အတွက် အသင်းကြီးအနေနဲ့ စတင်စိုက်ပျိုးထုတ်လုပ်တဲ့အချိန်ကနေ ရောင်းချသည်အထိ ကဏ္ဍနယ်ပယ်အသီးသီးမှာ တိုးတက်အောင်မြင်အောင် ဝိုင်းဝန်းကူညီကြိုးပမ်းဆောင်ရွက်ပေးဖို့ တိုက်တွန်းလိုပါတယ်။ ကျွန်တော်တို့ဘက်ကနေလည်း လိုအပ်တဲ့အခန်းကဏ္ဍတွေကနေ ကူညီပေးဖို့ ရှိပါတယ်။

ဟု ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ်ဦးဖြိုးမင်းသိန်း က ပြောကြားသည်။

    မြန်မာတစ်နိုင်ငံလုံးအတိုင်းအတာဖြင့် ပြည်တွင်းဆီစားသုံးမှုပမာဏမှာ တစ်နှစ်လျှင် တန်ချိန်(၁၀)သိန်းခန့်ရှိပြီး ပြည်တွင်းဆီထုတ်လုပ်မှုပမာဏမှာ တန်ချိန်(၄)သိန်းခန့်သာရှိသည်။ 

    သို့ပါ၍ ပြည်တွင်း ဆီစားသုံးမှုဖူလုံစေရန် နှစ်စဉ် စားသုံးဆီတန်ချိန် (၆) သိန်းမှ (၇) သိန်းကြားကို မလေးရှားနိုင်ငံနှင့်အင်ဒိုနီးရှားနိုင်ငံတို့မှ တင်သွင်းနေရခြင်း ဖြစ်သည်။

ပြည်တွင်းစားသုံးဆီလိုအပ်ချက်အတွက် တင်သွင်းနေတဲ့အတွက်ကြောင့် ကျွန်တော်တို့မှာ နိုင်ငံခြားငွေသုံးစွဲမှုပိုနေတာကို တွေ့ရပါတယ်။ ဒီလိုတင်သွင်းတာတွေကို လျော့ချနိုင်ဖို့အတွက် ပြည်တွင်း စားသုံးဆီထုတ်လုပ်တဲ့လုပ်ငန်းတွေ နိုင်ငံ့အကြီးအကဲတွေ လမ်းညွှန်သွားသလို Supply Chain (ထုတ်လုပ်မှုကွင်းဆက်) တစ်ခုလုံး စိုက်ပျိုးထုတ်လုပ်တဲ့တောင်သူမှသည် စားသုံးကုန်ထုတ်လုပ်တဲ့လုပ်ငန်းတွေ အားလုံးအထိကို ကြိုးပမ်းဆောင်ရွက်ရမှာဖြစ်ပါတယ်။ စိုက်ပျိုးထုတ်လုပ်တဲ့တောင်သူက မျိုးကောင်းမျိုးသန့်တွေကို ဘယ်လိုမျိုးရွေးချယ်စိုက်ပျိုးမလဲ။ ဒိထက်အထွက်နှုန်းကောင်းအောင် ဘယ်လိုစိုက်ပျိုးမလဲ။ တောင်သူတွေဆီက ထွက်ရှိလာတဲ့သီးနှံတွေကို သန့်စင်အောင် ဘယ်လိုကြိတ်ခွဲမလဲ။ အဲ့ဒီကြိတ်ခွဲထားတာတွေကို စားသုံးသူတွေကျန်းမာရေးနဲ့ ညီညွှတ်အောင် ဘယ်လိုထုတ်လုပ်မလဲ ဆိုတဲ့ Supply Chain တစ်ခုလုံးကို အောင်မြင်အောင် ကျွန်တော်တို့အသင်းအနေနဲ့ ဆက်လက်ပြီးတော့ ကြိုးပမ်းဆောင်ရွက်ရမှာ ဖြစ်ပါတယ်။

ဟု မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း ဥက္ကဌ ဦးဆန်းလင်းက ပြောသည်။

    COVID-19 ဒုတိယလှိုင်း ကာလအတွင်း၌ စားသုံးဆီဈေးနှုန်းများ မတည်ငြိမ်မှု မဖြစ်ပေါ်စေရန် အရံဆီ တန်ချိန်(၁၂,၀၀၀)ကျော် ဝယ်ယူထားပြီး သက်ဆိုင်ရာတိုင်းဒေသကြီးအသီးသီးရှိ ဆီလှောင်ကန်များတွင် ဖြန့်ဖြူးပေးထားကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်