မျိုးကောင်းမျိုးသန့် ထုတ်လုပ်စိုက်ပျိုးခြင်းဆိုင်ရာနည်းလမ်းများ

(က) မျိုးတင်သွင်းခြင်း

ဒေသတစ်ခုတွင်စိုက်ပျိုးသော အပင်ကို အခြားသောဒေသတစ်ခုသို့ တင်သွင်းခြင်းကို မျိုးတင်သွင်းခြင်းဟု ခေါ်သည်။ နိုင်ငံတစ်ခုအတွင်းရှိ တိုင်း (သို့) ပြည်နယ်တစ်ခုမှ စိုက်ပျိုးနေသော အပင်များကို အခြားတိုင်း (သို့) ပြည်နယ်တစ်ခုသို့တင်သွင်းခြင်း၊ မြို့နယ်တစ်မြို့မှ စိုက်ပျိုးနေသောအပင်များကို အခြားမြို့တစ်မြို့သို့ တင်သွင်းခြင်းကို ဒေသအတွင်းရှိ မျိုးများ စုဆောင်းခြင်း (သို့) ဒေသမျိုးများတင်သွင်းခြင်းဟု ခေါ်သည်။ နိုင်ငံတစ်ခုမှ စိုက်ပျိုးနေသောအပင်များကို အခြားနိုင်ငံတစ်ခုသို့ တင်သွင်းခြင်းကို နိုင်ငံခြားမှ တင်သွင်းခြင်းဟုခေါ်သည်။

(ခ) မျိုးရွေးချယ်ခြင်း

မျိုးရွေးချယ်ခြင်းဆိုသည်မှာ ကောင်းမွန်သောလက္ခဏာများရှိသည့် အပင်များကို သီးခြားရွေးထုတ်ပြီး ပင်တည်းဝတ်မှုန်ကူးခြင်းကို နောက်သားဆက်များစွာ ပြုလုပ်ပေးခြင်းဖြစ်သည်။ မျိုးရွေးချယ်ခြင်းတွင် ပင်တည်းဝတ်မှုန်ကူးသောအပင်များကို မျိုးရွေးချယ်ခြင်းနှင့်ပင်ခြားဝတ်မှုန်ကူးသော အပင်များကို မျိုးရွေးချယ်ခြင်းဟူ၍ နှစ်မျိုးခွဲခြားနိုင်သည်။

(ဂ) မျိုးစပ်မွေးမြူခြင်း

မျိုးစပ်မွေးမြူခြင်း၏ရည်ရွယ်ချက်မှာ အပင်၏မျိုးရိုးလိုက်နိုင်စွမ်းအား တိုးတက်ကောင်းမွန်ရန်နှင့် မျိုးအသစ်တစ်ခုထုတ်လုပ်နိုင်ရန် ဖြစ်ပါသည်။ မျိုးစပ်၍ရရှိလာသော မျိုးသစ်များထဲမှ မူလရှိသော မျိုးများထက် အဖက်ဖက်မှ သာလွန်ကောင်းမွန်သော မျိုးများကိုသာ မျိုးသစ်အဖြစ် အသုံးပြုပါသည်။ ယေဘုယျအားဖြင့် ပို၍ကောင်းမွန်သော မျိုးတစ်ခုတွင် အထွက်နှုန်းမြင့်ပြီး အရည်အသွေးကောင်းမွန်သော လက္ခဏာများပါရှိရမည်။ ကောင်းမွန်သောလက္ခဏာများဆိုသည်မှာ အထွက်နှုန်းကောင်းမွန်ခြင်း၊ အရည်အသွေးလက္ခဏာများ ကောင်းမွန်ခြင်း၊ ရောဂါနှင့် ပိုးမွှားဒဏ်ကိုခံနိုင်ခြင်း၊ ဆိုးဝါးသော ပတ်ဝန်းကျင်အခြေအနေကို ခံနိုင်ရည်ရှိခြင်း စသည်တို့ဖြစ်ပါသည်။

(ဃ) မျိုးထွန်းမွေးမြူခြင်း

မျိုးထွန်းခြင်းဆိုသည်မှာ ဆဲလ်တစ်ခုအတွင်းရှိ မျိုးရိုးလိုက်နိုင်သောပစ္စည်းများကို ရုတ်တရက် ပြောင်းလဲခြင်းဖြစ်ပြီး ဆက်လက်၍ နောင်သားဆက်များအထိ မျိုးရိုးလိုက်ခြင်းကိုခေါ်သည်။ မျိုးထွန်းခြင်းတွင် သဘာဝအတိုင်းမျိုးထွန်းခြင်းနှင့် လူမှဖန်တီးသော မျိုးထွန်းခြင်းဟူ၍ နှစ်မျိုးခွဲခြားနိုင်သည်။

သဘာဝအတိုင်းဖြစ်သော မျိုးထွန်းခြင်းသည် အလွန်နှေးကွေးသော ဖြစ်စဥ်ဖြစ်သည်။ လူမှဖန်တီးသော မျိုးထွန်းခြင်းသည် မျိုးထွန်းစေသော အကူပစ္စည်းများကို အသုံးပြု၍ မျိုးထွန်းစေခြင်း ဖြစ်သည်။ ဥပမာ အိက်စ်ရေး (X-rays) ပေးခြင်း၊ Gamma-rays (ဂါမာရေးစ်) ပေးခြင်းနှင့် ဓာတုပစ္စည်းများအသုံးပြု၍ မျိုးထွန်းစေခြင်းဖြစ်သည်။

Crd#ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်