ပြည်တွင်း သကြားစားသုံးမှုနည်းပါးသည့်အပြင် ကြံစိုက်ဧကများလည်း လျော့ကျလျက်ရှိ

ပြည်တွင်း၌ သကြားစားသုံးမှုပမာဏ နည်းပါးနေသည့်အပြင် ကြံစိုက်ဧကများမှာလည်း လျော့ကျလျက်ရှိကြောင်း ကြံ/သကြား ဈေးကွက်ကျွမ်းကျင်သူများထံမှ သိရသည်။

ဒီနှစ်မှာ အရင်နှစ်တွေကထက်စာရင် ကြံစိုက်ဧကတွေ လျော့ကျသွားပါတယ်။ အရင်တုန်းက မြန်မာနိုင်ငံအနေနဲ့ ကြံစိုက်ဧက (၅) သိန်းကျော်လောက် ရှိခဲ့တယ်။ ပြီးခဲ့တဲ့နှစ်ကတော့ (၄) သိန်းကျော်လောက်ပဲ ရှိတော့တယ်။ ဒီနှစ်မှာတော့ အဲ့ဒီထက်ပိုပြီး စိုက်ဧကလျှော့စိုက်လာကြတယ်။ အရင်နှစ်က ကြံစျေးနှုန်းပေးတာနည်းသွားလို့ ဒီနှစ်မှာ တောင်သူတွေက စိုက်ဧက လျှော့ချစိုက်ပျိုးပြီး၊ အခြားသီးနှံတွေကို ပြောင်းလဲစိုက်ပျိုးကြတယ်။ တဖြည်းဖြည်းနဲ့ စိုက်ဧကတွေ လျော့နည်းလာတာပေါ့။

ဟု မြန်မာနိုင်ငံ သကြားနှင့်ကြံထွက်ပစ္စည်းလုပ်ငန်းရှင်များအသင်း၏ ဒုတိယဥက္ကဌဦးဝင်းဌေးက ပြောသည်။

မြန်မာနိုင်ငံတွင် ကြံသီးနှံစိုက်ပျိုးရေးကို အဓိကအားဖြင့် စစ်ကိုင်းတိုင်းဒေသကြီး၊ ရှမ်းပြည်နယ်တောင်ပိုင်း ၊ ရှမ်းပြည်နယ်မြောက်ပိုင်းနှင့် ပဲခူးတိုင်းဒေသကြီး အရှေ့ခြမ်း၊ ပဲခူးတိုင်းဒေသကြီး အနောက်ခြမ်း ဒေသများတွင် အများဆုံးစိုက်ပျိုးထုတ်လုပ်နေပြီး ကျန်တိုင်းဒေသကြီးနှင့် ပြည်နယ်များတွင်မူ အနည်းအကျဉ်း စိုက်ပျိုးနေသည်။

မြန်မာနိုင်ငံအနေနဲ့ သကြားလုပ်ငန်းက ပြည်တွင်းစားသုံးမှု နည်းတယ်။ လူတစ်ယောက်ရဲ့ တစ်နေ့တာ သကြားစားသုံးမှုနှုန်းက တစ်နေ့ကို 8kg နှုန်းနဲ့ပဲတွက်ဦး။ တခြားနိုင်ငံတွေမှာ တစ်နေ့ကို သကြားစားသုံးမှု 13Kg နဲ့အထက်ရှိပါတယ်။ ရှေးယခင်ကဆို နိုင်ငံတစ်နိုင်ငံရဲ့ ချမ်းသာမှုနှုန်းကို သကြားစားသုံးမှုနဲ့ တိုင်းတာခဲ့ကြတာမျိုးတွေလည်းရှိတယ်။ သကြားစားသုံးမှုများတဲ့နိုင်ငံက ချမ်းသာတဲ့နိုင်ငံ။ အခုနောက်ပိုင်းမှာသာ ခေတ်တွေပြောင်းလာပြီးတော့ တစ်ခြား sector တွေနဲ့တိုင်းလာကြတာ။ အခြားနိုင်ငံတွေမှာ သကြားစားသုံးမှုများတယ်ဆိုတဲ့ ပမာဏက ပျမ်းမျှ 13Kg ကနေ 20 Kg လောက် စားသုံးကြတာပါ။ ဒါတောင်မှ တချို့ကလည်း ဆီးချိုရောဂါဖြစ်တာ သကြားစားသုံးမှုများလို့ဆိုပြီး အယူအဆလွဲနေတာမျိုးတွေ တွေ့လာရတယ်။ တကယ်တော့ သကြားကြောင့်ရယ်လို့မဟုတ်ဘဲ တချို့ သစ်သီးဝလံတွေမှာလည်း အချိုဓာတ်က ပါဝင်နေပြီးသားလေ။ အဲ့ဒီအပေါ်မှာ အယူအဆ အမြင်အမျိုးမျိူးဖြစ်နေကြတယ်။

ဟု ဦးဝင်းဌေးက ဆက်လက်ပြောသည်။

ပုံမှန်အားဖြင့် အောက်တိုဘာလ၊ နိုဝင်ဘာလ၊ ဒီဇင်ဘာလများမှာ ကြံစိုက်ပျိုးချိန်များဖြစ်ပြီး၊ သကြားစက်ရုံများတွင် ကြံကြိတ်ဝါးမည့်ကာလနှင့် ကိုက်ညီအောင် စိုက်ပျိုးခြင်း ဖြစ်ကြောင်း သိရသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...