AMIAဆန်တင်ပို့ရောင်းချသည့် နိုင်ငံများမှ သိုလှောင်ဆန်များထုတ်ရောင်းရန် စီစဉ်နေချိန် မြန်မာနိုင်ငံက ယခုဘဏ္ဍာနှစ် ၉ လအတွင်း ပြည်ပသို့ဆန်နှင့် ဆန်ကွဲ တန်ချိန် ၂.၁ သန်းကျော် တင်ပို့ထားကြောင်း မြန်မာနိုင်ငံ ဆန်စပါးအသင်းချုပ် (MRF) မှ သတင်းရရှိသည်။
ပြည်ပသို့ ဆန်နှင့်ဆန်ကွဲတင်ပို့မှုသည် ပြီးခဲ့သည့် ဘဏ္ဍာနှစ် ကာလတူထက် တန်ချိန် ၅၀,၀၀၀ ကျော်ပိုများပြီး ပြီးခဲ့သည့် ဘဏ္ဍာနှစ်တွင် ဆန်နှင့် ဆန်ကွဲတန်ချိန် ၂ သန်းကျော်သာ တင်ပို့နိုင်ခဲ့သည်။ ထို့အပြင် ၀င်ငွေရရှိမှုသည်လည်း ပြီးခဲ့သည့် ဘဏ္ဍာနှစ်ထက် အမေရိကန်ဒေါ်လာသန်း ၄၀ နီးပါးတိုးလာသည်ဟု သိရသည်။
ပြီးခဲ့သည်ဘဏ္ဍာနှစ် (၂၀၂၄-၂၅) ဧပြီမှ ဒီဇင်ဘာလအထိ ဆန်နှင့် ဆန်ကွဲပြည်ပတင်ပို့မှုမှ ဒေါ်လာ ၆၃၆ သန်းရရှိပြီး ယခုဘဏ္ဍာနှစ်တွင်ဒေါ် လာ ၆၇၅ သန်း ရရှိထားသည်။
မြန်မာနိုင်ငံ၏ ပွင့်လင်းရာသီဖြစ်သော အောင်တိုဘာမှ ဒီဇင်ဘာလအတွင်းတစ်လ ပြည်ပသို့ဆန်နှင့်ဆန်ကွဲတန်ချိန် ၂ သိန်းခွဲကျော်မှ ၃ သိန်းကျော်အထိတင်ပို့နိုင်ခဲ့သည်။
ပွင့်လင်းရာသီတွင် နိုင်ငံတကာဈေးကွက်၌ မြန်မာ့ဆန် FOB (free on board) ဈေးသည် ဆန်ဖြူ ၅ မှတ် (အကျိုးအကြေ ၅ ရာခိုင်နှုန်း)ကို တစ်တန်လျှင် အမေရိကန်ဒေါ်လာ ၃၃၇ အထိဈေး ရရှိလာခဲ့သည်။
အဆိုပါဈေးနှုန်းသည် မြန်မာနိုင်ငံ၏ မိုးစပါးပေါ်ချိန် အောက်တိုဘာလနှင့် နှိုင်းယှဉ်လျှင် ဆန်တစ်တန်၏ တန်ဖိုး ၃ ရာခိုင်နှုန်း၀န်းကျင်မြင့်တက်ခဲ့သည်။ အောက်တိုဘာတွင် မြန်မာဆန်ဖြူ ၅ မှတ် တစ်တန်ဒေါ်လာ ၃၂၆ ၀န်းကျင် ဈေးဖွင့်ခဲ့သည်။
"ပြည်ပတင်ပို့တာတွေရှိပေမဲ့ ပြည်တွင်းဈေးကတော့သိပ်မပေါဘူး၊ exportဆန်ဈေးက ငြိမ်နေတယ် "ဟု ဆန်ကုန်သည်တစ်ဦးက ပြောသည်။
လက်ရှိပြည်ပတင်ပို့နေသည့် ဆန်ကြမ်း ၁၀ မှတ် (အကျိုးအကြေ ၁၀%) က ပြည်တွင်းဈေးကွက်တွင် တစ်အိတ်လျှင် ကျပ်၅၂,၀၀၀ မှ ၅၃,၀၀၀အကြား၊ ၂၅ မှတ် (၂၅%) တစ်အိတ်လျှင် ကျပ် ၄၉,၅၀၀ မှ ၅၀,၅၀၀ ကျပ်ဈေးဖွင့်သည်။
Farm Link Co.,Ltd ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}