Gloeosporium ကြောင့် ဖြစ်သော ရော်ဘာရွက်ကြွေရောဂါ

အပူချိန် အလွန်မြင့်မာခြင်း၊ စိုထိုင်းဆများခြင်း၊ မိုးအုံ့ခြင်းတို့ကြောင့်ရော်ဘာ အဖူးကူးထားသော အပင်နှင့်ရော်ဘာပင်ကြီးများတွင် ကျရောက်တတ်ပါသည်။

လက္ခဏာ (Symptom)
ဤရောဂါ ပြင်းထန်စွာ ကျပါက အရွက်များကြွေကျသွားပါသည်။ အရွက်ရင့်များ၌ အရွက်၏ ထိပ်ဖျားများပြတ်၍ အနားများ စုတ်ပြတ်ပြီး အရွက်သည် ပုံပျက်လာပါသည်။ အရွက်၏ မျက်နှာပြင်ပေါ်၌သေးငယ်သော ညိုမည်းသည့် အစက်များ ဖြစ်ပေါ်လာပြီး အရွက်၏ မျက်နှာပြင်တစ်ခုလုံးနှင့် အရွက်၏ အနား၌ အညိုရောင်ဖြင့် ရစ်ထားသော အပေါက်များ ပြန့်ကျဲနေပါသည်။ ဤမှိုသည် ကိုင်းနုကို တိုက်ခိုက်ပါက အဖျားခြောက်၍ အကိုင်းကိုသေစေပါသည်။ ဤရောဂါကို ပုံမှန်အရွက်ကြွေပြီးနောက်ဆုံး အသုတ် အရွက်သစ် ထွက်ချိန်၌တွေ့ရှိ ရတတ်ပါသည်။

ရောဂါဖြစ်စေသောသက်ရှိ (Pathogen) မှာ Gloeosporium alborubrum ကြောင့် ဖြစ်ပွားပါသည်။

ရောဂါဖြစ်ပွားပုံ

အပူချိန်အလွန်မြင့်မားခြင်း။ စိုထိုင်းဆ ၉၆-၁၀ဝ % ရှိခြင်း။ မိုးရွာသွန်းမှု တစ်လကို (၁၀) လက်မနှင့် အထက်ရှိခြင်း။ နေရောင်ရရှိချိန် တိုတောင်းလျှင် ဤရောဂါ ဖြစ်ပွားသည်ကိုတွေ့ရှိရပါသည်။ ရောဂါဖြစ်ပြီးနောက်ပိုင်း၌ ရာသီဥတုသည် စိုစွတ်၍ မိုးအုံ့မည်ဆိုလျှင် ဤရောဂါ ဖြစ်ပွားပါသည်။ ၎င်းရောဂါ ဖြစ်ထားသောရော်ဘာပင်ကြီးများသည် အရွက်သစ် မထွက်နိုင်ချေ။ ဤရောဂါ ကြောင့်ရော်ဘာပင် အစေးထွက်နှုန်း၊ အပင်ကြီးထွားနှုန်းနှင့် အခေါက်အသစ်လဲနှုန်းတို့ကို ကျဆင်းစေပါသည်။

ကာကွယ်နှိမ်နင်းနည်း (Control)

ခြောက်နေသော အကိုင်းများကို ဖြတ်၍ ဖြတ်ထားသောနေရာကိုဆေးကတ္တရာသုတ်လိမ်းပါ။ မြေဩဇာ နိုင်နိုင်ကျွေးပါ။ ကြေးနီ မှိုသတ်ဆေးfunguran 0.2%, Bavistin 0.2%, Bordeaux mixture, Daconil, Copper nordox) ကို အသုံးပြုနိုင်ပါသည်။

နှစ်ရှည်ပင်သုတေသနနှင့် နည်းပညာ ဖွံဖြိုးရေးဌာန (မော်လမြိုင်)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်