နေ့စဥ်အသုံးစရိတ်တွေကနေ အပိုဝင်ငွေစုဆောင်းကြပါစို့

အားလုံးပဲမင်္ဂလာပါ။ ဒီနေတော့ အပြင်မှာခဏခဏထွက်စားခြင်းရဲ့ အမှန်တကယ်ကုန်ကျစရိတ် ဆိုတာတွေးနိုင်အောင်ပြောပြပါမယ်။ အခုခေတ်မှာ အပြင်မှာသွားစားလို့ရတဲ့စားသောက်ဆိုင်တွေ ပေါများလာပါတယ်။ မနက်နေ့လည်ညနေစာတွေကို အားလုံးဝယ်စားသွားနိုင်ပါတယ်။ အပြင်မှာ ဝယ်စားရခြင်းဟာ အိမ်မှာ ချက်ပြုတ်ရတာထက် လွယ်ကူလျှင်မြန်တယ်။ အလုပ်များနေချိန်/မအားချိန်မှာ ထမင်းဟင်းအိမ်မှာချက်ပြီး ပန်းကန်ဆေးရှင်းလင်းဖို့ထက် ပိုလက်တွေ့ကျတယ်လို့ထင်စရာပါဘဲ။

တစ်ပတ်မှာ ၁၀ ကြိမ်ထွက်စားတယ်။ တစ်ယောက်ထဲဝယ်စားတယ်။ အပေါင်းအသင်းတွေခေါ်လို့သွားတယ်။ သူငယ်ချင်းနဲ့တွေ့ဆုံအောင်ထွက်စားတယ် စသည်ဖြင့်အမြဲတမ်း အပြင်ကပဲဖြစ်နေဖို့ ရှိကြပါတယ်။ တစ်ခါစားရင် အနည်းဆုံး ၃၀၀၀ ကနေ ၅၀၀၀ ကျပ်။ ဒါတောင်အရက်တွေဆေးလိပ်တွေအတွက် ထည့်မတွက်ထားဘူး။ တစ်နှစ်ဆိုရင် အတွင်း ၁ သိန်းခွဲကနေ ၃ သိန်းနည်းပါသုံးနေပြီ။ အဲဒါကကိုယ့်တစ်လစာရဲ့ လစာ တဝက်စာအထိ ရှိနေနိုင်တယ်ဆိုတာသတိထားမိလား။

စားသောက်ဆိုင်ဆိုတာကလည်း စီးပွားရေးလုပ်ငန်းဖြစ်တဲ့အတွက် ကုန်ကျစရိတ်အမှတ်အသားတက် ပိုယူထားတာတွေရှိပါတယ်။ အစားအစာတစ်ပွဲဆိုရင် တကယ်ကုန်ကျတာက ၁၀၀၀ ကျပ် ဝယ်စားသူကပေးလိုက်ရတာက ၃၀၀၀ ကျပ် ရှိနိုင်ပါတယ်။ အိမ်မှာချက်စားတာနဲ့တော့ အရသာမတူနိုင်ပေမယ့် ၃ ဆ လောက်အထိပိုပေးရဖို့ ဖြစ်နိုင်တယ်။ ပြီးတော့ဝန်ဆောင်ခနဲ့ ထပ်တိုးအခွန်ခတွေလဲပေးရပါအုံးမယ်။

ပမာဏအများကြီးမဟုက်သော်လည်း သင်က သင်တန်းတက်ချင်နေတာတွေ၊ ငွေစုပြီး ကိုယ်ပိုင်အလုပ်အသေးစားစတင် တည်ထောင်ချင်နေတာတွေ၊ အလုပ်အပြောင်းအလဲရှာချင်ပေမယ့် အလုပ်ရပ်ရင်ငွေမရှိတဲ့အတွက်အချိန်မပေးနိုင်တတွေ၊ မိသားစုကို နှစ်စဉ်ထောက်ပံ့ပေးချင်တာတွေ၊ အရေးပေါ်ကိစ္စတွေအတွက် ငွေဖယ်ထားချင်တာတွေမှာ အပြင်မှာကုန်ကျမယ့်ငွေတွေကို စုဆောင်းလို့ရပါတယ်။ ဒါကြောင့် အမြဲတန်းအပြင်မှာ ထွက်မစားပဲ တခြားနည်းလမ်းရှာဖွေကြည့်လိုက်ပါ။ တစ်ပတ် ၁၀ ခါသွားဖြစ်နေရင် ၃-၄ ခါပဲသွားကြည့်ပါ။ အရောင်းလျှော့ ဈေးမြှင့်တင်ရေးပုံစံမျိုးတွေပြုလုပ်နေတဲ့ဆိုင်တွေကို ရှာပြီးထွက်စားပါ။ ကိုယ့်လက်ထဲမှာလစာရပြီးရင် ချက်ချင်းမကုန်ပဲ ပိုကျန်နေတာတွေ့ပါလိမ့်မယ်။ တစ်ချိန်ချိန်မှာ ဒီလိုစုထားနိုင်တဲ့ငွေဟာ သင့်အနာဂတ်အတွက် ပြန်အသုံးဝင်မှာပါ။

လူငယ်တွေအများစုပြောကြတယ်။ ဘာရှေ့ဆက်လုပ်ရမလဲလမ်းပျောက်နေတယ်။ အလုပ်မှာလဲမပျော်ဘူး။ ထွက်လိုက်ရင်လဲစုထားတဲ့ငွေမရှိ မိသားစုကိုလဲပေးဆပ်ဖို့ရှိတဲ့အတွက် ဘဝမှာတစ်နေတယ်လို့ခံစားရတယ်။ ဒီလိုအသုံးစရိတ်လျှော့နိုင်မယ်ဆိုရင် ဒါတွေဟာသင့်အတွက်လမ်းတစ်ခုခုဖွင့်ပေးနိုင်တဲ့အတွက် (ဥပမာအားဖြင့် တခြားအသက်မွေးဝမ်းကြောင်းသင်တန်းခတွေ အိမ်ဆိုင်လေးဖွင့်တာ online shopping စလုပ်တာ ၊ဖုန်းကဒ်အရောင်းအဝယ်လုပ်တာ စသည်ဖြင့် အသေးစားလုပ်ငန်းလေးတွေအတွက် အရင်းအနှီးလေးတွေ ဖြစ်နိုင်လာနိုင်ပါတယ်။ အပြင်မှာထွက်စားရင် ပိုက်ဆံကုန်ကျရုံတင်မကပါဘူး တခြားအကျိုးဆက်အနေနဲ့ကုန်ကျနိုင်တဲ့ ကုန်ကျစရိတ်တွေရှိနေတယ်ဆိုတာ သိကြဖို့ ပြောပြတာဖြစ်ပါတယ်။

ကျပ် ၃၀၀၀ တန် bubble tea ကိုနေ့တိုင်းဝယ်သောက်ရင် တစ်နှစ်ကြာတဲ့အခါ ၁၀ သိန်းမကသုံးဖြစ်နေပြီဆိုတာ စိတ်ထဲမှာမှတ်ထားဖို့ပြောရင်းနဲ့အဆုံးသတ်ပါရစေ။ မလိုအပ်တဲ့ နေရာတွေမှာ ငွေကြေးကို မကုန်ကျစေခြင်းအားဖြင့် အပိုငွေတွေကို စုဆောင်းထားနိုင်ကြပါစေ။ စာဖတ်သူ အားလုံး အသုံးစရိတ်ကုန်ကျမှုတွေကို အစဥ်အမြဲ သတိထားနိုင်ကြပါစေ။

Source: Mother Finance

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်