မျိုးစေ့တွေကို ဘာလို့နိုင်ငံဖြတ်ကျော်ခွင့်မပြုကြတာလဲ..?

တစ်ခြားနိုင်ငံတစ်ခုကနေ တစ်ခြားနိုင်ငံတစ်ခုကို မျိုးစေ့တင်သွင်းလာတယ်ဆိုရင် တရားဝင်မှတ်ပုံတင်ပြီး စမ်းသပ်စိုက်ပျိုးတာတွေ အကုန်လုံးလုပ်ပြီးတော့မှ မျိုးစေ့အနေနဲ့ တင်သွင်းရောင်းချလို့ရသလို

မျိုးစေ့တင်သွင်းမယ်ဆိုရင်လည်း လိုအပ်တဲ့ စာရွက်စာတမ်းတွေ ထောက်ခံချက်တွေ၊ မျိုးရိုးဗီဇကိုပြောင်းလဲထား/ မထား စစ်ဆေးချက်တွေ စတဲ့ အချက်အလက်တွေ စုံပြီ။ သေချာစစ်ဆေးပြီးလို့ မှ စိတ်ချရတယ်ဆိုရင် တင်သွင်းခွင့်ပြုပါတယ်။

အဲ့လိုမဟုတ်ပါဘူး။ စိုက်ဖို့ပျိုးဖို့ဆိုပြီး ကိုယ့်သဘောနဲ့ကိုယ် သယ်လာရင် စစ်ဆေးတာကို ခံရမှာပါ။ သယ်ခွင့်လည်း မပေးထားပါဘူး။ အဲ့ဒါဟာ ဘာလို့လဲဆိုတာကို ဒီနေ့မှာ လေ့လာကြည့်ရအောင်လားခင်ဗျာ

ဒေသမျိုးတွေကို ကာကွယ်ချင်လို့

မျိုးစေ့တွေကနေ ကပ်ပြီးတော့ ပါလာနိုင်တဲ့ မျိုးစေ့ဆောင်ရောဂါတွေလိုမျိုးနဲ့ ပိုးမွှားတွေဟာ ဒေသတွင်းမှာ နဂိုအစမူလပထမ ရှိပြီးသားမျိုးတွေနဲ့ သတ္တဝါမျိုးစိတ်တွေကို တိုက်ခိုက်နိုင်တာကြောင့် တားမြစ်ထားခြင်းပါ။

မျိုးရိုးဗီဇတွေကို ထိန်းသိမ်းချင်လို့

မျိုးအသစ်က ဗီဇတွေက ဒေသမျိုးတွေနဲ့ ရောပြီးတော့ နဂိုမူရင်းမျိုးရိုးဗီဇတွေပျောက်ပျက်သွားမှာစိုးလို့ တားမြစ်ကြပါတယ်။

ပိုးမွှားနဲ့ ရောဂါတွေကို ကာကွယ်ချင်လို့

မျိုးစေ့ဆောင်ရောဂါတွေ၊ မျိုးစေ့ကနေတစ်ဆင့် ကပ်တွယ်လာနိုင်တဲ့ ပိုးမွှားတွေကသာ ဒီမှာ မျိုးစိတ်အသစ်ဖြစ်နေခဲ့ပြီးတော့ အသစ်အသစ်သော ပိုးမွှားနဲ့ရောဂါတွေ ဝင်လာတယ်ဆိုတဲ့ အဖြစ်ကိုရှောင်ရှားနိုင်အောင်လို့ တားမြစ်ကြတာဖြစ်ပါတယ်။

ဒါဆိုရင် မျိုးစေ့ တစ်မျိုးလောက်ကိုများ သွင်းလာချင်တယ်ဆိုရင် ဘယ်လိုလုပ်ကြမလဲ။ ဗဟုသုတအနေနဲ့ပြောပြပါရစေ။

ကွာရန်တင်း ဝင်ရပါမယ်။

ကွာရန်တင်းက သိပ်စိမ်းလှတဲ့ စကားလုံးတော့မဟုတ်တော့ဘူးထင်ပါတယ်။ တစ်ကမ္ဘာလုံးမှာ ကပ်ရောဂါဖြစ်တုန်းက ဒီစကားလုံးနဲ့ ထိန်းသိမ်းခဲ့တယ်လို့တောင် ဆိုလို့ရပါတယ်နော်။

ရောဂါပျံ့ပွားမှုကို ထိန်းချုပ်နိုင်အောင် ခဏသီးခြားထိန်းသိမ်းထားတာပါ။

အဆင့်လိုက်အနေနဲ့ဆိုရင် ဘာတွေလုပ်ရမလဲဆိုတော့

၁) ပထမအဆင့်အနေနဲ့ မျိုးစေ့အတွက် ဖော်ပြချက် အသေးစိတ်ကို စာရွက်စာတမ်းတွေအရ စစ်ဆေးပါတယ်။ မျိုးစေ့မှာ ရောဂါကင်းရှင်းကြောင်း ထောက်ခံချက်တွေ၊ မူလမျိုးစိတ်အချက်အလက်တွေနဲ့ မျိုးစေ့ကျန်းမာရေးထောက်ခံချက်တွေစတဲ့ အချက်အလက်တွေကို တစ်ခါတည်းတောင်းယူပြီးတော့ စစ်ဆေးပါတယ်။ စာရွက်စာတမ်းပေါ်မှာ စစ်ဆေးတဲ့ အဆင့်ပါ။

၂) စမ်းသပ်မှုတွေလုပ်တယ်။ မှိုသတ်တာ၊ အပူနဲ့ ဒါမှမဟုတ် ဓာတုဆေးသုံးပြီးတော့ ကာကွယ်ကုသမှုတွေလုပ်ပါတယ်။ ဘာလို့ အဲ့လိုလုပ်တာလဲဆိုတော့ အတူတကွ ပါဝင်လာနိုင်တဲ့ ပိုးမွှားနဲ့ ရောဂါတွေကို ကိုယ်တိုင်ဖယ်ထုတ်ချင်တာမို့ပါ။ မျိုးစေ့တိုင်းမှာတော့ မလုပ်ပါဘူး။ လိုအပ်တယ် ဆိုတဲ့ ကိစ္စမျိုးတွေမှာပဲ လုပ်ကြပါတယ်။

၃) ကွာရန်တင်းထားတယ်။ ပိုးမွှားနဲ့ရောဂါတွေ ပါလာတာ ရှိမရှိ။ ဖြစ်လာခြင်း မဖြစ်လာခြင်းကို လေ့လာစောင့်ကြည့်ဖို့အတွက် အချိန်တစ်ခုလောက် သူတို့ကို ခွဲထားပြီးတော့ စောင့်ကြည့်လေ့လာပါတယ်။

၄) ခုနက အဆင့်တွေ အကုန်ဖြတ်ပြီးတဲ့အချိန်မှာ တွေ့ရှိချက်တွေအရ မျိုးစေ့ကို ဖျက်ဆီးပစ်တာ ဒါမှမဟုတ် တင်သွင်းဖို့အတွက် ခွင့်ပြုလိုက်တာ။ ဒါမှမဟုတ်ရင် မူလနိုင်ငံကိုပြန်ပို့လိုက်တာမျိုးတွေကို ဆုံးဖြတ်ချက်ချပြီး ပြုလုပ်တဲ့အဆင့်ပါပဲ။

ဆိုတော့ကိုယ့်နိုင်ငံနေပဲဖြစ်ဖြစ်၊ သူများနိုင်ငံကနေပဲဖြစ်ဖြစ် မျိုးတွေအဖြစ်စိုက်ပျိုးဖို့ဆိုပြီး ယူလာချင်တဲ့ ဒါမှမဟုတ် သယ်သွားချင်တဲ့ မျိုးစေ့တွေများရှိခဲ့ရင် ဒီလို ပြဿနာတွေနဲ့ ဒီလိုအဆင့်တွေကို မဖြစ်မနေကျော်ဖြတ်ရမှာဖြစ်တဲ့အကြောင်းကို ဗဟုသုတအလို့ငှာ တင်ဆက်ပေးလိုက်ရပါတယ်ခင်ဗျာ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

မျိုးစေ့တွေကို ဘာလို့နိုင်ငံဖြတ်ကျော်ခွင့်မပြုကြတာလဲ..?

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

မျိုးစေ့တွေကို ဘာလို့နိုင်ငံဖြတ်ကျော်ခွင့်မပြုကြတာလဲ..?

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

လယ်ယာအလုပ်သမား စျေးကွက်အခြေအနေနဲ့ ဌားရမ်းခ စျေးနှုန်းများ ကို တောင်သူဉီးကြီးများ ဘယ်လို သိရှိနိုင်မလဲ.....

နဂါးမောက်သီးမတင်ရတဲ့ အကြောင်းအရင်း

နာမည်လေးတွေ………….

{{ post.title }}