မျိုးစေ့များ၏ သက်တမ်းနှင့် သိုလှောင်ရာတွင် ရှိရမည့်အနေအထား

သက်တမ်းတို မျိုးစေ့များ (၁ နှစ်မှ ၂ နှစ်)

ရုံးပတီသီး၊ နံနံပင်၊ မုန်လာဥအဝါ၊ ကြက်သွန်ဖြူ ၊ ကြက်သွန်နီ၊ ငရုတ်ကောင်း၊ ပြောင်းချို

သက်တမ်းအလယ်အလတ်ရှိသော မျိုးစေ့များ (၃ နှစ်မှ ၄ နှစ်)

ပဲအမျိုးမျိုး၊ သကြားမုန်လာ၊ ပန်းဂေါ်ဖီစိမ်း၊ ဂေါ်ဖီထုပ်၊ ပန်းဂေါ်ဖီ၊ နိုကိုဥ၊ မုန်လာဥနီ၊ တရုတ်နံနံ၊ ခရမ်းသီး၊ ကြက်သွန်မြိတ်၊ ရွှေဖရုံသီး၊ ဟင်းနုနွယ်၊ ခရမ်ချဥ်၊ ဖရဲသီး၊ တရုတ်မုန်လာ၊ သခွားမွှေးသီး

သက်တမ်းရှည် မျိုးစေ့များ (၅ နှစ်မှ ၆ နှစ်)

သခွာသီး၊ မုန်လာဥဖြူ၊ ဆလတ်ရွက်

မျိုးစေ့တွေကို သိုလှောင်ရာမှာ အဓိကကျတဲ့ အခြေအနေက အေးမြခြောက်သွေ့ခြင်း (Cool and Dry) အခြေအနေ ဖြစ်ပါတယ်။ အကောင်းဆုံးကတော့ သိုလှောင်ထားတဲ့ မျိုးစေ့တွေရဲ့ အနီးတဝိုက်မှာ အစိုဓာတ်ရှိမနေစေဖို့ ဖြစ်ပါတယ်။ နောက်ပြီး သိုလှောင်ရာမှာ အလင်းရောင်နဲ့ တိုက်ရိုက်ထိတွေ့ခြင်းကိုလည်း သတိပြုရမှာဖြစ်ပါတယ်။ မျိုးစေ့တွေကို သိုလှောင်ရာမှာ မိမိအသုံးပြု (အကုန်ကျခံ) နိုင်တဲ့အပေါ် မူတည်ပြီး အရည်အသွေးကောင်းတဲ့ အလုံပိတ်ဘူးတွေ၊ အိတ်တွေကိုလည်း အသုံးပြုနိုင်ပါတယ်။ ထို့အပြင် ဆီလီကာဂျယ် (သို့မဟုတ်) အောက်စီဂျင်စုပ်ယူတဲ့ပစ္စည်းတွေ ထည့်သွင်းပေးခြင်းဖြင့် မျိုးစေ့တွေရဲ့ သက်တမ်းကို ကြာရှည်ခံစေနိုင်ပါတယ်။

မျိုးစေ့တွေကို စနစ်တကျသိုလှောင်ရာမှာ ရှိသင့်တဲ့ အသင့်တော်ဆုံး အပူချိန်ကတော့ ၂ - ၄ ဒီဂရီစင်တီဂရိတ် အတွင်းပဲ ဖြစ်ပါတယ်။ မျိုးစေ့သိုလှောင်တဲ့အခါ သင့်တော်တဲ့ အပူချိန်မှာမထားရှိနိုင်ပါက အစေ့အတွင်းမှာရှိနေတဲ့ သန္ဓေသားလောင်း (Embryo) ကို ထိခိုက်သေဆုံး စေနိုင်ပါတယ်။ သိုလှောင်ရာမှာ ရှိသင့်တဲ့ အသင့်တော်ဆုံး စိုထိုင်းဆကတော့ ၄၀ ရာခိုင်နှုန်းအောက် ဖြစ်ပါတယ်။ မြင့်မားတဲ့ အပူချိန်နဲ့ မြင့်မားတဲ့ စိုထိုင်းဆ ရှိတဲ့ အခြေအနေမှာ မျိုးစေ့တွေကို သိုလှောင်သိမ်းဆည်းခြင်းဟာ မျိုးညှောင့်ပေါက်နိုင်မှုနဲ့ အပင်တွေရဲ့ ကျန်းမာသန်စွမ်းမှုကို လျော့ကျစေနိုင်ပါတယ်။

မျိုးစေ့တွေကို ကာလတိုသိုလှောင်မယ်ဆိုပါက အပူချိန် ၁၅ ဒီဂရီစင်တီဂရိတ်မှာ ထားသင့်ပါတယ်။ ၂၀ ဒီဂရီစင်တီဂရိတ်အထက်နဲ့ ၁ ဒီဂရီစင်တီဂရိတ် အောက်မှာ သိမ်းဆည်းတားမျိုးကို ရှောင်ရှားသင့်ပြီး စိုထိုင်းဆ (Relative himidity) အနေနဲ့ကတော့ ၄၀ ရာခိုင်နှုန်းက သင့်တော်ပါတယ်။

ကာလကြာရှည် သိုလှောင်မယ်ဆိုပါက အပူချိန် ၂၁ ဒီဂရီစင်တီဂရိတ် အထက်နဲ့ စိုထိုင်းဆ ၆၀ ရာခိုင်နှုန်း အထက် မဖြစ်စေဖို့ သတိပြုရပါမယ်။ ဟင်းသီးဟင်းရွက် မျိုးစေ့တွေကို ကာလကြာရှည်သိုလှောင်မယ်ဆိုပါက ၂ - ၄ ဒီဂရီစင်တီဂရိတ်အတွင်းနဲ့ စိုထိုင်းဆ ၄၀ ရာခိုင်နှုန်းအောက်မှာ ထားရှိရမှာ ဖြစ်ပါတယ်။

နောက်ထပ် အရေးကြီးတဲ့ တစ်ချက်ကတော့ မျိုးစေ့တွေရဲ့ အစိုဓာတ်ဖြစ်ပါတယ်။ မျိုးစေ့မှာပါရှိတဲ့ အစိုဓာတ်ပမာဏဟာ မျိုးစေ့အရည်အသွေးနဲ့ ကြာရှည်စွာ သိုလှောင်နိုင်မှုအပေါ်မှာ အကျိုးသက်ရောက်မှု ရှိနိုင်တာဖြစ်ပါတယ်။ ယေဘူယျအားဖြင့် မျိုးစေ့တွေကို အစိုဓာတ် (moisture) ၄ - ၆ ရာခိုင်နှုန်းအထိရောက်အောင် အခြောက်ခံပြီးမှ သိုလှောင်သိမ်ဆည်းခြင်းဟာ ပျက်စီးယိုယွင်းမှုများကို ကာကွယ်ပေးနိုင်မှာ ဖြစ်ပါတယ်။

ဥပမာ အနေနဲ့ စပါးမှာဆိုရင် မျိုးစေ့အတွင်းမှာ အစိုဓာတ်ပါဝင်မှုအရ ဖြစ်ပေါ်နိုင်တဲ့ အခြေအနေတွေကို မျှဝေပေးသွားပါမယ်။

အစိုဓာတ် ၄၅ - ၆၅ ရာခိုင်နှုန်း > မျိုးစေ့များ အပင်ပေါက်နိုင်ခြင်း
အစိုဓာတ် ၁၈ - ၂၀ ရာခိုင်နှုန်း > အပူထွက်ပေါ်လာပြီး မျိုးစေ့များ ပျက်စီးနိုင်ခြင်း
အစိုဓာတ် ၁၂ - ၁၄ ရာခိုင်နှုန်း > မျိုးအဖြစ် သိုလှောင်နိုင်သော်လည်း မှိုများပေါက်ဖွားနိုင်ခြင်း
အစိုဓာတ် ၈ - ၉ ရာခိုင်နှုန်း > ကြာရှည်စွာ သိုလှောင်နိုင်ခြင်း
အစိုဓာတ် ၄ - ၈ ရာခိုင်နှုန်း > လေအလုံပိတ် စနစ်ဖြင့် သိုလှောင်နိုင်ခြင်း

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

မျိုးစေ့များ၏ သက်တမ်းနှင့် သိုလှောင်ရာတွင် ရှိရမည့်အနေအထား

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

မျိုးစေ့များ၏ သက်တမ်းနှင့် သိုလှောင်ရာတွင် ရှိရမည့်အနေအထား

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

လယ်ယာအလုပ်သမား စျေးကွက်အခြေအနေနဲ့ ဌားရမ်းခ စျေးနှုန်းများ ကို တောင်သူဉီးကြီးများ ဘယ်လို သိရှိနိုင်မလဲ.....

နဂါးမောက်သီးမတင်ရတဲ့ အကြောင်းအရင်း

နာမည်လေးတွေ………….

{{ post.title }}