လျှော်ဖြူစိုက်ပျိုးထုတ်လုပ်သူများအနေဖြင့် အစေးထုတ်ခြင်းကို ခဏရပ်တန့်သင့်

လက်ရှိအခြေအနေတွင် ဈေးကွက်အလားအလာ ကျဆင်းနေခြင်းကြောင့် လျှော်ဖြူစိုက်ပျိုးထုတ်လုပ်သူများအနေဖြင့် အစေးထုတ်ခြင်းကို ခဏရပ်တန့်သင့်ကြောင်း လျှော်ဖြူဈေးကွက်ကျွမ်းကျင်သူများက ပြောသည်။

ဒီနှစ်အတွက် လက်ရှိ လျှော်ဖြူစျေးကွက်အခြေအနေလေး စဥ်းစားမိတာလေး ပြောချင်ပါတယ်။ လျှော်ဖြူစျေးကွက်ဟာ COVID-19 ဖြစ်တဲ့အချိန်ကစပြီး တရိပ်ရိပ် ကျဆင်းလာပါတယ်။ ကျွန်တော်တို့ စိုက်ပျိုးထုတ်လုပ်သူတွေက တစ်နေ့ကောင်းနိုး ကောင်းလာနိုးနဲ့ စောင့်ရင်း ထုတ်လုပ်ရောင်းချလာကြတာ အခုဆို လုံးဝတွက်ချေမကိုက်ဘဲ မရောင်းနိုင်တော့တဲ့ အောက်ဆုံးစျေးကို ရောက်နေပါပြီ။ ဆက်လက်အစေးထုတ်နေတာကို ရပ်သင့်ပြီလို့ထင်ပါတယ်။

ဟု မြန်မာနိုင်ငံ လျှော်ဖြူစိုက်ပျိုးထုတ်လုပ် တင်ပို့ရောင်းချသူများ အသင်း ဒုတိယဥက္ကဌ (နန္ဒဝန်-လျှော်ဖြူစိုက်ပျိုးထုတ်လုပ်ရောင်းဝယ်ရေး)မှ ဦးဇင်မင်းသန့် က ပြောသည်။

လျှော်ဖြူစိုက်ပျိုးထုတ်လုပ်ရောင်းချမှုဈေးကွက်မှာ ယခင်နှစ်များကထက် ပိုမိုတိုးတက်ကောင်းမွန်လာမည့် အလားအလာများ ရှိခဲ့သော်လည်း COVID-19 ဂယက်ပေါ်ပေါက်ခဲ့ခြင်းကြောင့် ဝယ်လိုအားများ အဆမတန်ကျဆင်းခဲ့ခြင်း ဖြစ်သည်။

တရုတ်ကညစ်လို့ ကုန်သည်တွေကညစ်လို့ဆိုတဲ့အကြောင်းကို အသာထားပြီး စျေးကွက်ကျဆင်းခြင်းရဲ့ ပကတိအကြောင်းတွေကိုပဲ သုံးသပ်ရရင် နောက်ဆက်တွဲအနေနဲ့ တရုတ်ပြည်က လုပ်ငန်းတော်တော်များများ ရပ်တန့်ရတာရယ် သယ်ယူပို့ဆောင်ရေးတွေ ခက်ခဲတာကြောင့်ရယ် စတဲ့အကြောင်းအရာမျိုးစုံကို အခြေခံပြီး ဝယ်လိုအားရောင်းလိုအား မမျှတမှုတာပါ။ ဈေးကွက်တွေပြန်လည်မျှတကောင်းမွန်လာဖို့ကတော့ လက်ရှိအခြအနေမှာ ကိုယ်ပိုင်စိုက်ပျိုးထုတ်လုပ်သူ၊ အငှားထုတ်သူအားလုံး အစေးထုတ်လုပ်မှုကို လာမယ့်အစေးထုတ်ရာသီအစအထိ နားသင့်တယ်လို့ ကျွန်တော်ကတော့ ယူဆပါတယ်။ အဲ့ဒီလိုမှ မဟုတ်ရင်တော့ ဈေးကွက်ပြန်လည်ကောင်းမွန်မျှတလာဖို့ဆိုတာ မျှော်လင့်ချက်နည်းနိုင်ပါတယ်။

ဟု ဦးဇင်မင်းသန့် က ဆက်လက်ပြောသည်။

COVID-19 မတိုင်မီ ကာလများက မြန်မာနိုင်ငံမှ လျှော်ဖြူစေးကို တရုတ်နိုင်ငံဈေးကွက်သို့ အဓိကထား တင်ပို့ရောင်းချခဲ့ကြပြီး၊ ထိုင်းနိုင်ငံ၊ ဂျပန်နိုင်ငံ၊ စင်္ကာပူနိုင်ငံ၊ မလေးရှားနိုင်ငံ များသို့လည်း ရံဖန်ရံခါ ရောင်းချခဲ့ကြကြောင်း သိရသည်။

လက်ရှိဈေးကွက်အတွင်း လျှော်ဖြူဝယ်ဈေးများမှာ ကြာဇံ တစ်ပိဿာလျှင် ကျပ် (၈၀,၀၀၀), ရေခဲပွင့် တစ်ပိဿာလျှင် ကျပ် (၁၈,၀၀၀), ပုံမှန်ထိပ်စ တစ်ပိဿာလျှင် ကျပ် (၈,၀၀၀), ဝမ်းစ တစ်ပိဿာလျှင် ကျပ် (၄,၅၀၀), အောက်စ တစ်ပိဿာလျှင် ကျပ် (၁,၀၀၀), ကြာဇံအတို တစ်ပိဿာလျှင် ကျပ် (၃၀,၀၀၀) ဈေးနှုန်းများ ရှိကြောင်း သိရသည်။

ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

လျှော်ဖြူစိုက်ပျိုးထုတ်လုပ်သူများအနေဖြင့် အစေးထုတ်ခြင်းကို ခဏရပ်တန့်သင့်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

လျှော်ဖြူစိုက်ပျိုးထုတ်လုပ်သူများအနေဖြင့် အစေးထုတ်ခြင်းကို ခဏရပ်တန့်သင့်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

ခရမ်းချဉ် သီး တွေရော၊ အာလူး တွေပါ သီးတဲ့ TomTato အပင်

စားနပ်ရိက္ခာဖူလုံရေး သားစဉ်မြေးဆက်ပေး အစီအစဉ်မှ ပညာပေး သင်ထောက်ကူပစ္စည်းများ

{{ post.title }}