အရေးကြီးသည့် ပင်ကြားတန်းကြား

လျော်ဖြူ စိုက်ပျိုးနေသူအကြား လတ်တလောကာလတွင် အငြင်းပွားနေကြသော ပြဿနာ(၂)ခုရှိနေပါသည်။

(က) အစေးထုတ်နည်းစနစ်

(ခ) စိုက်စနစ် (ပင်ကြားတန်းကြား) တို့ဖြစ်ပါသည်။

(က) အစေးထုတ်နည်းစနစ်တွင် ဒေသအလိုက် ရာသီဥတု အခြေအနေအပေါ် မူတည်၍ အစေးထွက်နှုန်းကောင်းရန် အရည်အသွေးကောင်းရန် အပင်ထိခိုက်မှုမရှိရန် ဆောင်ရွက်နေကြသော နည်းစနစ်ဖြစ်၍ ထိုနည်းစနစ်တို့၏ အားနည်း ချက် အားသာချက် များရှိနေကြပေသည်။

(ခ) စိုက်စနစ်(ပင်ကြားတန်းကြား) သည် ကြီးမားသောပြဿနာပါ။ စနစ်တစ်ခုသို့ ပြုပြင်ပြောင်းလဲရန် အခက်အခဲ မရှိသော်လည်း အချိန်၊ ငွေကြေး၊ သစ်ပင် ပျက်စီးဆုံးရှုံးမှုများ ဖြစ်ပေါ်လာနိုင်ပေမည်။

စိုက်စနစ်တွင် ပင်ကြားတန်းကြား မည်မျှထားရမည်ဆိုသော ဖြစ်ပေါ်လာရသော အကြောင်းအရင်းခံ အများကြီး ရှိနေ ပါသည်။

(၁) လျော်ဖြူ [Genus (မျိုးစု) = Sterculia

Species (မျိုးစိတ်) = Versicolar

Family (မျိုးရင်း) = Sterculiaceae]

မကြာသေးသောကာလက စိုက်ပျိုးခဲ့ပြီး အစေးထုတ်သက်တမ်း မကြာသေးသူများနှင့် ယခုမှစိုက်နေသူ စိုက်ရန်စီစဉ်နေ သူတို့တွင်လည်း အတွေးအခေါ် အယူအဆ နှစ်မျိုးပေါ်လာပါတယ်။ ပင်ကြားတန်းကြား ဘယ်နှစ်ပေ အောက်ခံထား စိုက်သင့်သလဲပေါ့။

(၁) အနည်းဆုံး (၁၈) ပေ (၂၀) ပေထား၍ စိုက်သင့်သည် ဆိုသူများနှင့်

(၂) အပင်ဦးရေများရန် (၉) ပေ (၁၂) ပေ (၁၅) ပေလောက် စိုက်လို့ရပါတယ် အစေး (၃-၄) နှစ်ထုတ်ပြီးမှ တူးထုတ် လိုက်မယ်ဆိုတဲ့သူနှင့် ဒီအတိုင်းဘဲထားပြီး ကိုင်းချိုင် အစည်းထုတ်မယ် ဆိုသောသူများပါ

အမှတ်စဉ် (၂) အုပ်စုရဲ့ စိုက်နည်းစနစ်ကို မိတ်ဆွေတို့ လက်ခံနိုင်ပါသလားမိမိအနေဖြင့် ထိုအယူအဆကို လက်မခံနိုင် ပါ။

အဘယ်ကြောင့်နည်း?

လျော်ဖြူသည် ပူအိုက်စွတ်စိုသောအခြေအနေဖြင့် နေရောင်ခြည်ရရှိမှု အထူးလိုအပ်၍ပါ။ နေရောင်ခြည်ရရှိမှု နည်းပြီး အပင်ထူထပ်ခြင်းကြောင့် ခြံသည် အအေးဓာတ်များနေခြင်း၊ သစ်ပင်များမြိုင်ထနေ၊ အပင်မာန်ကောင်းနေပါလျှင် အစေးထွက်နည်းလားခြင်း အစေးခဲဖြစ်ရန် ခက်ခဲခြင်း၊ အရည်အတိုင်း တည်ရှိနေခြင်း တို့ဖြစ်လာပါတယ်။

(၃ - ၄) နှစ်ကြာမှ တူးထုတ်မည်ဆိုတဲ့အတွေး သေချာစဉ်းစားကြည့်စေ လိုပါတယ်။ ထိုစနစ်အတိုင်း စိုက်ပျိုးထားတဲ့ ခြံများကို အရင် သွားရောက်လေ့လာစေလိုပါတယ်။ 

တူးထုတ်မည်ဆိုလျှင် စရိတ်ဘယ်လောက် ကုန်မည်လဲ။ စရိတ်တွက်မည်ဆိုလျှင် ဘေးအပင်များ မထိခိုက်အောင် ခုတ်ထွင်ခြင်း အပင်အမြစ်မှ အပါတူးထုတ်ခြင်း၊ သယ်ထုတ်ခြင်း။ 

အပင်တွေဘယ်လောက်ထိခိုက်မလဲ?

အပင်ကိုင်းချိုင် အပင်လှဲလျှင်တော့ အနည်းနှင့် အများထိခိုက်မှာပါ။

အပင်တွေတူးထုတ်လျှင် မြေတွင်းမှာ အပင်အပိုင်းအစများ ပြောင်နိုင်ပါ့မလား စဉ်းစားစေလိုပါတယ်။ အပိုင်းအစ ကျန်လို့ကတော့ ပင်စည်ထိုးပိုးနှင့် ဖိုးလမင်းကျိုင်း လောက်ကောင်တို့ရဲ့ စားစရာ နားစရာ တည်းခိုရိပ်မြုံ ဖြစ်ပြီးသကာ လ ပြုပြင်ထိမ်းသိမ်းရေးတွေ၊ နှိမ်နင်းရေးတွေ လုပ်ပေတော့။

စိုက်ထားသည့်အတိုင်း အကိုင်းချိုင် အစေးထုတ်မည်။ ထင်သလောက်လွယ်နိုင်ပါမည်လား?

သရက်ပင်နှင့်က ဘာဝမတူသလို ရာဘာနှင့်လည်း ဆန့်ကျင်ဘက်ပါ။ သတိထားဆင်ခြင်ဘို့ပါ။

လျော်ဖြူစိုက်သူများအတွက် အကြံပြုလိုတာကတော့ မစိုက်မှီ၊ စိုက်နေစဉ်၊ စိုက်ပြီး လေ့လာပါ။ သုံးသပ်ပါ။ တိုင်ပင်ပါ လို့ ဆိုပါရစေ။ မစိုက်ပျိုးမှီ စနစ်တကျ လေ့လာ သုံးသပ် တိုင်ပင်ခြင်းမရှိဘဲ ထင်ရာဆိုင်လျှင်တော့ ခံစားရမည်မှာ မိမိသာဖြစ်ပါတယ်။

လျော်ဖြူပင်ကြားတန်းကြား စိပ်ခြင်းရဲ့ ဆိုးကျိုးအား အချို့စိုက်ပျိုးသူများ ခံစားနေရပါပြီ။ ပင်ကြားတန်းကြား ကျဉ်းကျဉ်းစိုက်ခဲ့မိလို့ ကြားတစ်တန်း ထုတ်တာတောင် အပင်ချင်းယှက် မြိုင်ထလို့ အစေးထွက် နည်းသွားသောခြံ

နောက်ထပ် တူးထုတ်ဘို့ရာက အပင်အမြင့်က ပေ(၃၀)ကျော် ဆိုတော့ ကျန်သောအပင်များ လေဒါဏ် မိုးဒါဏ် မခံ နိုင်တော့ အပင်အားလုံး ခါးလည်မှ ပိုင်းပြီး တူးထုတ်ရမလားလို့ စဉ်းစားရခက်နေသောခြံ။ စဉ်းစားတဲ့အတိုင်းလုပ်လျှင် ကုန်ကျစရိတ် ခံနိုင်ပါမလား?

နောက် ခြံကျယ်ကြီး တစ်ခြံကတော့ အပင်စိပ်စိပ်စိုက်မိခဲ့ပြီး မှားမှန်သိသော်လည်း အပင်ချိုင် ငုတ်တူးထုတ် ခြံပြင် သယ်ထုတ်မယ်လို့ကြံ ကုန်ကျစရိတ်က များလေတော့ ဘယ်သို့ ရှေ့ဆက်ရမလဲ ဝေခွဲမရ။ ဒီလိုခြံမျိုးတွေ ဘယ်လောက် ရှိနေကြပြီလဲ။

မိမိအကြံပြုလိုတာကတော့ 

ပင်ကြားတန်းကြား ကျဉ်းကျဉ်းစိုက်ရန်စီစဉ်နေသူများ မလုပ်ဆောင်ရန်။ စစိုက်ပြီးကာစသူများ ပြန်ပြင်ရန်။ စိုက်တာ ကြာ နေသူများ အချိန်မှီအခါမှီ ပြန်လည်ပြုပြင်သင့်ပါတယ်။ စိုက်ပျိုးထားရှိမှု ကြာနေသူများ အချိန်မှီ ပြင်ဆင်ပါ။

နှစ်ရှည်ပင်ဖြစ်သည့် အားလျော်စွာ ရေရှည်အကျိုး မျှော်ကိုး၍ စိုက်ပျိုးစေလိုပါတယ်။ မိမိပုဂ္ဂလိက အမြင်အရမူ လျော်ဖြူအတွက် စိုက်သင့်သော ပင်ကြားတန်းကြားမှာ (၂၀ပေ×၂၀ပေ) (၂၅ပေ×၂၀ပေ) နှင့် (၂၅ပေ×၂၅ပေ) တို့နှင့် စိုက်သင့်ပြီး မိုးခေါင်ရေရှားလွန်းပြီး အပူချိန်ပြင်းထန်သော ဒေသများတွင်မူ (၁၈ပေ×၁၈ပေ)၊ (၂၀ပေ×၁၈ပေ) စနစ် တို့ဖြင့်လည်း စိုက်နိုင်ကြောင်း အကြံပြုလိုပါတယ်။

မှန်ကန်သော ဆုံးဖြတ်ချက် ချမှတ်ဆောင်ရွက်နိုင်ပါစေ

ဦးသက်လွင်(ထန်းညီနောင်ပျိုးဥယျာဉ်)

ဗွေဆော်ဦး ကြော်ငြာ

ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။

Read more

မှာယူရန် နှိပ်ပါ