ဒေါ်လာဈေးနှုန်းမတည်ငြိမ်မှုကြောင့် ပြည်ပမှ ငရုတ်ကောင်းတင်သွင်းမှုရပ်တန့်နေ

ဒေါ်လာဈေးနှုန်းမတည်ငြိမ်မှုကြောင့် ပြည်ပမှ ငရုတ်ကောင်းတင်သွင်းမှု ရပ်တန့်နေပြီး ပြည်တွင်းရှိ လက်ကျန်ငရုတ်ကောင်းများဖြင့်သာ စားသုံးမှုလည်ပတ်နေကြောင်း ဈေးကွက်ကျွမ်းကျင်သူများထံမှ သိရသည်။

အခုအချိန်မှာ ဒေါ်လာဈေးနှုန်း အတက်အကျမတည်ငြိမ်ဘူးလေ။ ဒီလိုအချိန်မျိုးမှာ ငရုတ်ကောင်းကို ပြည်ပကနေ အရင်နှစ်တွေလို တင်သွင်းမှုမလုပ်နိုင်ကြဘူး။ တင်သွင်းမှုရပ်ထားကြတာများတယ်။ ပြည်တွင်းစားသုံးမှု ဖူလုံစေဖို့ဆိုပြီး ပြည်ပကနေ မှာယူတင်သွင်းလိုက်မယ်ဆိုရင် ငွေကုန်ကြေးကျက အရင်နဲ့မတူဘူး၊ အရမ်းများနေတယ်၊ တွက်ခြေမကိုက်နိုင်ဘူး။ ဒါ့ကြောင့် ပြည်တွင်းမှာရှိတဲ့ လက်ကျန်ငရုတ်ကောင်းတွေနဲ့ပဲ ဖြစ်အောင်လည်ပတ်နေကြပါတယ်။

ဟု KKO Pepper ငရုတ်ကောင်းစိုက်ပျိုးရေးနှင့် ထုတ်ကုန်လုပ်ငန်းမှ စီမံအုပ်ချုပ်သူ ဦးအောင်ဆန်းဦးက ပြောသည်။

ယခုကာလသည့် ငရုတ်ကောင်း ပေါပေါလှိုင်လှိုင်ထွက်ရှိသည့်ရာသီချိန် မဟုတ်ခြင်း၊ ပြည်ပမှ တင်သွင်းရန်လည်း ကုန်ကျစရိတ်များပြားနေခြင်းတို့ကြောင့် ငရုတ်ကောင်းထုတ်ကုန် ကုန်ချောထုတ်လုပ်သူများအနေဖြင့်မူ ဈေးကွက်မပျက်ယွင်းစေရန် သတိပြုလုပ်ဆောင်နေကြရကြောင်း သိရသည်။

ဒီအချိန်က ငရုတ်ကောင်းထွက်တဲ့ ရာသီချိန်လည်းမဟုတ်သေးဘူးဆိုတော့ ပြည်တွင်းမှာလည်း အသီးက မပေါသေးတဲ့ကာလပါ။ ဒီဇင်ဘာလလောက်မှ စိုက်ခြံတွေက ငရုတ်ကောင်းတွေက ထွက်လာကြမှာလေ။ ဒါ့ကြောင့် ဒီအချိန်ဆိုရင် ငရုတ်ကောင်းက အရင်ကတည်းကလည်း ရှားတတ်တယ်။ ဟင်းခတ်ငရုတ်ကောင်းမှုန့်၊ ငရုတ်ကောင်းစေ့ စတဲ့ ကုန်ချောထုတ်ကုန်တွေ ဖြန့်ဖြူးရောင်းချနေသူတွေနဲ့ အရောင်းအဝယ်သမားကတော့ အခုလိုမျိုးအချိန်မှာ အကျိုးအမြတ်များများ ရဖို့ထက်စာရင် ကိုယ်လုပ်နေတဲ့လုပ်ငန်းကို မပျက်သွားအောင် ထိန်းထားရုံလောက်ပဲ လည်ပတ်နေကြပါတယ်။

ဟု ဦးအောင်ဆန်းဦးက ဆက်လက်ပြောသည်။

လက်ရှိ ပြည်တွင်းဈေးကွက်အတွင်း ငရုတ်ကောင်းစေ့ (အမဲ)တစ်ပိဿာလျှင် ၁၃၀၀၀ ကျပ်မှ ၂၀၀၀၀ ကျပ်ဝန်းကျင်၊ ငရုတ်ကောင်းစေ့ (အဖြူ) တစ်ပိဿာလျှင် ၃၀၀၀၀ ကျပ်ဝန်းကျင် ဈေးနှုန်းများဖြင့် ဈေးနှုန်းများ မြင့်တက်နေကြောင်း သိရသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ဒေါ်လာဈေးနှုန်းမတည်ငြိမ်မှုကြောင့် ပြည်ပမှ ငရုတ်ကောင်းတင်သွင်းမှုရပ်တန့်နေ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ဒေါ်လာဈေးနှုန်းမတည်ငြိမ်မှုကြောင့် ပြည်ပမှ ငရုတ်ကောင်းတင်သွင်းမှုရပ်တန့်နေ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

ခရမ်းချဉ် သီး တွေရော၊ အာလူး တွေပါ သီးတဲ့ TomTato အပင်

စားနပ်ရိက္ခာဖူလုံရေး သားစဉ်မြေးဆက်ပေး အစီအစဉ်မှ ပညာပေး သင်ထောက်ကူပစ္စည်းများ

{{ post.title }}