အစိမ်းရောင်လမ်းPlay store မှာ ထောက်ကြည့်လိုက်တာ ပညာရှင် အမေးအဖြေကဏ္ဍဆိုတော့ အာ...သဘောကျလိုက်တာဆိုပြီး သုံးဖြစ်တာ ၁၀ ရက် ၁၅ ရက်လောက်ကြာတော့ ဖုန်းဝင်လာတာပဲ အဆင်ပြေလား မေးတယ်။ အာ.. ပြေတယ် ဗဟုသုတရတယ်ပေါ့
ဒီလိုနဲ့ အစိမ်းရောင်လမ်းကို စသိခဲ့တဲ့ ကိုဖြိုးဝေစိုးကတော့ ပဲခူးတိုင်းဒေသကြီး (အနောက်ခြမ်း) ပေါင်းတည်မြို့ မြောက်ကုန်းကြီးရွာက တောင်သူလူငယ်တစ်ယောက်ပဲဖြစ်ပါတယ်။
စပါး၊ နှမ်း၊ တိုင်ထောင်ပဲ၊ ခရမ်း စသည်ဖြင့် လယ်သီးနှံ ယာသီးနှံကို လုပ်ကိုင်နေသူတစ်ယောက်ပါ။ အစိမ်းရောင်လမ်းကိုသုံးဖြစ်တဲ့နောက်ပိုင်း အပင်အာဟာရနဲ့ပတ်သက်ပြီး သိလာရတယ်။
စပါးဓာတ်မြေသြဇာ ကျွေးခြင်းဆိုတဲ့ ပို့စ်လေးတစ်ခုတွေ့တယ် သူရေးထားတာက NPK ကို ဘယ်လိုနည်းနဲ့ကျွေးရမလဲပေါ့။ ခါတိုင်းဆို ဒီလိုပဲကျွေးလိုက်တာပေါ့။ ဆောင်းပါးလေးဖတ်ပြီး ဒီထဲက နည်းလမ်းတွေအတိုင်း ခွဲကျွေးဖြစ်ပါတယ်။ အပင်အာဟာရနဲ့ပတ်သက်တာတွေ တော်တော်များများသိလာရတယ်
ကျွန်တော် နည်းပညာ စိုက်ပျိုးဗဟုသုတ၊ ကျန်းမာရေး အကုန်ကြည့်ဖြစ်ပါတယ်။ ယင်ဖြူမကျရောက်အောင် ဘယ်လိုကာကွယ်မလဲဆိုတဲ့ ဆောင်းပါးတစ်ပုဒ်မှာဆိုရင် သူက ရေပြင်းအားနဲ့ထိုးရင် ယင်ဖြူတွေသက်သာတယ်ဆိုတော့ ကျွန်တော်က ဘက်ထရီဆေးဖြန်းပုံးနဲ့ ရေထည့်ပြီး အပင်ကိုထိုးပေးတာ မဆိုးဘူး။ အဲတာလေးလည်း ကောင်းပါတယ်…
ဆောင်းပါးတွေကို လက်တွေ့ကျကျသုံးဖြစ်နေတဲ့ ကိုဖြိုးဝေစိုးက အမေးအဖြေမှာလည်း တက်ကြွတဲ့ ပါဝင်သူတစ်ယောက်ဖြစ်ပါတယ်။ လေ့လာရင်း မျှဝေရင်းနဲ့ စိုက်ပျိုးရေးကို လုပ်ကိုင်နေတဲ့ တောင်သူလူငယ်တစ်ယောက်ပါ။ ခုလို တောင်သူလူငယ်တွေပေါ်ထွန်းလာမှုကို အစိမ်းရောင်လမ်းက ဂုဏ်ယူစွာနဲ့ ရေးသားဖော်ပြလိုက်ရပါတယ်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}