နှမ်းရိုးသုံးပြီး တိုးတက်အောင်လုပ်ခဲ့တဲ့ တောင်သူကြီး

"နှမ်းရိုးသုံးပြီး တိုးတက်အောင်လုပ်မယ်" ဆိုတဲ့ဆောင်းပါးကိုဖတ်ပြီး လက်တွေ့အသုံးချအောင်မြင်ခဲ့တဲ့ တောင်သူကတော့ မန္တလေးတိုင်းဒေသကြီး၊ မတ္တရာမြို့နယ်က တောင်သူကြီး ဦးမြင့်လွင်ပဲဖြစ်ပါတယ်။ သူ့ရဲ့ အောင်မြင်ခဲ့တဲ့ အတွေ့အကြုံအကြောင်းကို ပြောပြပေးသွားမှာပါ။

လွန်ခဲ့တဲ့ ( ၃)နှစ် ခန့်က ဉီးမြင့်လွင်ဟာ အစိမ်းရောင်လမ်းဆော့ဝဲလ်ကိုအသုံးပြုသူဖြစ်ပြီး စာအရမ်းဖတ်တဲ့ တောင်သူတစ်ယောက်ပါ။ စပါးမျိုးစေ့ထုတ်လုပ်ငန်းကို တွင်တွင်ကျယ်ကျယ်လုပ်ကိုင်နေတဲ့သူဖြစ်တာကြောင့် မြေဆီလွှာထိန်းသိမ်းရေးနဲ့ ပတ်သက်တဲ့ ဆောင်းပါးများကို ဖတ်မိရာမှ မြေဆီလွှာထိန်းသိမ်းသင့်ကြောင်းကို သတိထားမိလာပါတယ်။ တစ်ချိန်တည်းမှာတင်ပဲ နှမ်းရိုးမှရတဲ့မြေသြဇာဟူသော ဆောင်းပါးကို ဖတ်ရှုမိပြန်ပါတယ်။ နေ့စဉ်ဆက်တိုက် မြေဆီလွှာထိန်းသိမ်းသင့်တဲ့အကြောင်းတွေနဲ့ နှမ်းရိုးကို မြေဆီလွှာအတွက် ပြန်သုံးလို့ရကြောင်း သိရတဲ့အခါ ဉီးမြင့်လွင်အတွက် အရင်ကအသုံးမပြုဖြစ်ခဲ့တဲ့ နှမ်းရိုးတွေကို စတင်အသုံးပြုချင်စိတ်တွေ ဖြစ်ပေါ်လာခဲ့ပါတယ်။

ဒါနဲ့ နှစ်စဉ်နှမ်းရိတ်သိမ်းပြီးက ရလာတဲ့နှမ်းရိုးတွေကို အရိပ်အောက်ကိုရွှေ့ပုံထားပြီး EM နဲ့ဆွေးစေလိုက်ပါတယ်။ ဆန်ကွဲတွေ၊ ဖွဲနုတွေထပ်ထည့်လိုက်ပြီး နှမ်းရိုးမြေသြဇာ လုပ်ထားလိုက်ပါတယ်။

နောက်ထပ် သီးနှံစိုက်ပျိုးချိန်ရောက်တဲ့အခါ လယ်ထဲမှာလိုက်ဖြန့်ပေးပြီး စက်နဲ့နင်းထားလိုက်ပါတယ်။ အဲဒီ့နှစ်မှာပဲ ဧရာမင်းစပါး ၉၈တင်းထွက်ခဲ့တယ်လို့ သိရပါတယ်။ "နှမ်းရိုးမှာပါဝင်တဲ့ အများဆုံးဓာတ်က ပင်စည်ယိုင်လဲမှုတွေကို ခံနိုင်ရည်ရှိတာတဲ့"ဆိုပြီး ပြန်လည်ပြောပြခဲ့ပါသေးတယ်။ အဲဒီနှစ်မှာ အပင်လဲတာတွေမဖြစ်တာကိုလည်း သတိထားမိခဲ့ပါတယ်တဲ့။

ဒီလိုနဲ့ တစ်နှစ်ပြီးတစ်နှစ် လယ်ကွက်တွေ ပြောင်းပြောင်းထည့်လာခဲ့လိုက်တာ ယခုဆိုရင် လယ်မြေတွေက မြေဆီသြဇာအရမ်းကောင်းနေပြီလို့ သိရပါတယ်။ ထယ်ထိုးရတာလည်း မခက်တော့ဘဲ လွယ်လွယ်ကူကူထယ်ထိုးလို့ရတယ်။ အရင်ကဆို တစ်ရာသီပြီး နောက်တစ်ရာသီအတွက် ထယ်ထိုးဖို့က မြေတွေမာလို့ အရမ်းခက်ခဲတာလို့ ပြောပါသေးတယ်။

ဓာတ်ခွဲခန်းစစ်ဆေးမှုတွေအရ သူ့လယ်တွေရဲ့ မြေချဉ်ငံကိန်းက ၇.၂ ရှိတယ်လို့ သိရပါတယ်။ ထယ်ထိုးပြီးနောက်ရက်ဆို လယ်ကွက်ထဲမှာ တီကျစ်စာတွေတွေ့နေရပြီတဲ့။ သူတို့နယ်ဘက်မှာဆို စက်မှုလယ်ယာတွေ ပြောင်းလာကြပြီး စပါးပြီးစပါးစိုက်နေကြတာ့ ရိတ်သိမ်းခြွေလှေ့စက်တွေ မြေကျွံကြတယ်။ ထွန်စက်တွေ မြေကျွံကြတယ်။ တစ်စီးနစ်လို့ တစ်စီးနဲ့ဆွဲတဲ့အခါ နောက်တစ်စီးပါထပ်နစ်တဲ့ကိစ္စမျိုးတွေ ဖြစ်နေကြတယ်။ ဒါပေမယ့် သူ့ရဲ့လယ်ကတော့ ဒီလိုကိစ္စမျိုးတွေမဖြစ်ဘဲမြေသားတည်ဆောက်ပုံတွေ အရမ်းကောင်းလာတယ်လို့ပြောပါတယ်။

"နှမ်းရိုးသုံးပြီး တိုးတက်အောင်လုပ်မယ်" ဆောင်းပါးကိုဖတ်ပြီး ကြိုးစားလုပ်ဆောင်အောင်မြင်ခဲ့တဲ့ ဦးမြင့်လွင်လိုမျိုး အစိမ်းရောင်လမ်းရဲ့ တောင်သူများလည်း လက်တွေ့အသုံးပြုကာ အောင်မြင်မှုရစေရန် ရေးသားဖော်ပြလိုက်ရပါတယ်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

နှမ်းရိုးသုံးပြီး တိုးတက်အောင်လုပ်ခဲ့တဲ့ တောင်သူကြီး

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

နှမ်းရိုးသုံးပြီး တိုးတက်အောင်လုပ်ခဲ့တဲ့ တောင်သူကြီး

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

လယ်ယာအလုပ်သမား စျေးကွက်အခြေအနေနဲ့ ဌားရမ်းခ စျေးနှုန်းများ ကို တောင်သူဉီးကြီးများ ဘယ်လို သိရှိနိုင်မလဲ.....

နဂါးမောက်သီးမတင်ရတဲ့ အကြောင်းအရင်း

နာမည်လေးတွေ………….

{{ post.title }}