အစိမ်းရောင်လမ်းရဲ့ မြေဆီလွှာကဏ္ဍနဲ့ အညာဒေသက ကိုသန်းလှိုင်

    ရာသီဥတုတွေဖောက်ပြန်လာပြီး မိုးတွေပုံမှန်မရတော့တာကို ပခုက္ကူက ကိုသန်းလှိုင်တစ်ယောက်ကတော့ တောင်ဂတုံးတွေကိုကြည့်ရင်း စဉ်းစားနေဖြစ်ခဲ့ပုံပါပဲ။ အစိမ်းရောင်လမ်းထဲက ၅ ရက်စာ မိုးလေဝသခန့်မှန်းချက်ထဲမှာလည်း မိုးရွာဖို့အလားအလာမမြင်နေသေးလို့ ဘယ်ချိန်မိုးရွာမလဲ သိလိုသိငြား အစိမ်းရောင်လမ်းကို ဆက်သွယ်လာခဲ့ပါတယ်။စိုက်ပျိုးရေးအကြောင်းတွေ ပြောဖြစ်ကြရင်းက သိခဲ့ရတာတွေကို အစိမ်းရောင်လမ်းပရိတ်သတ်တွေအတွက် မျှဝေလိုက်ရပါတယ်။

ခုအချိန်ကတော့ မိုးလည်းမရသေးတော့ ထန်းလက်တွေစုရင်း ထွင်ရင်း ထန်းလျက်ချက်ဖို့ လောင်စာတွေစုပါတယ်။ ယာမြေမှာလည်း ကန်သင်းဆည်ပြီးပါပြီ။ အဘိုးအဖွားတွေခတ်တုန်းကတော့ တောင်ပေါ်တက်ပြီး ထင်းတွေခုတ်ကြတယ်။ ခုတော့ ထင်းခုတ်စရာတောင်မရှိတော့ဘဲ တောင်ဂတုံးတွေဖြစ်နေပြီ။ ထန်းလက်တွေပဲ ပြန်သုံးနေပါတယ်။  ထန်းပင်အောက်မှာလည်း မြေဆွေးပုံတွေလုပ်ထားတယ်ဗျ

    ပခုက္ကူမြို့နယ်၊ စဘေအုပ်စု ၊ ကံဇောက်ရွာက တောင်သူ ကိုသန်းလှိုင်ကတော့ ကိုဗစ်ကာလအတွင်း သူလုပ်ဖြစ်ခဲ့တာလေးတွေကို အခုလိုသိခဲ့ရပါတယ်။

    အညာဒေရဲ့ တောင်သူ ကိုသန်းလှိုင်ကတော့ ထန်းတောထဲက ယာမြေတွေအတွက် စိုက်ပျိုးရာသီမရောက်ခင် အားလပ်ချိန်တွေမှာ ပြုပြင်နေခဲ့ပါတယ်။ ရောဂါကပ်ဆိုးကြီးဖြစ်နေပေမယ့် ရွာအပြင်ဘက် ယာတောနားမှာပဲ အိမ်ဆောက်ပြီးနေသူမို့ သူ့အတွက်ကတော့ ယာခင်းအတွက်ပဲ အာရုံစိုက်ဖြစ်ပါတယ်။ 

    မိုးကလဲ မရသေးတာမို့ ဆော့ဝဲထဲက ဆောင်းပါးတွေဖတ်ရင်း မြေဆီလွှာပြုပြင်ထိန်းသိမ်းရေးတွေကိုပဲ အာရုံစိုက်နေပါတယ်။ 

    သူ့အနေနဲ့ ရာသီဥတုဖောက်ပြန်ခြင်းတွေကြောင့် မြေဆီလွှာတွေပျက်စီးပြီး ရေတိုက်စားမှုတွေကိုကာကွယ်ဖို့ နည်းပညာတွေ လေ့လာနေခဲ့ပါတယ်။ ဒါကြောင့် အစိမ်းရောင်လမ်းရဲ့ မြေဆီလွှာကဏ္ဍကို လေ့လာဖြစ်ခဲ့တယ်လို့ ဆိုပါတယ်။ 

    အစိမ်းရောင်လမ်းရဲ့ မြေဆီလွှာကဏ္ဍမှာ မြေဆွေးပုံပြုလုပ်နည်း ဆောင်းပါးတွေနဲ့ တခြားဆောင်းပါးပေါင်းများစွာကို လေ့လာဖြစ်နေပါတယ်။ နှမ်းရိုးတွေ နွားချီးတွေလည်းရှိနေတာမို့ ထန်းပင်အောက်မှာပဲ မြေဆွေးပုံတွေပြုလုပ်ဖြစ်တယ်။ ယာမြေတွေကို ကန်သင်းဆည်ရမယ်လို့လည်း ဖတ်ဖူးလို့ ခုကန်သင်းတွေလည်း ဆည်ထားတယ်လို့လည်းသိရပါတယ်။ သူယာကွက်အတွက် စနစ်တကျပြုပြင်နိုင်ဖို့ မိုးမရချိန်မှာ ဆော့ဝဲထဲကနေလေ့လာပြီး  ပြင်ဆင်သင့်တာတွေကို ပြင်ဆင်နေခဲ့ပါတယ်။ ဆော့ဝဲလေးတစ်ခုရဲ့ အကူအညီနဲ့ မြေဆီလွှာထိန်းသိမ်းရေးတွေလုပ်နိုင်တဲ့ ကိုသန်းလှိုင်အတွက် ဂုဏ်ယူစွာနဲ့ ရေးသားဖော်ပြလိုက်ရပါတယ်။

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်