နွားနို့အရည်အသွေးစစ်ဆေးခြင်း အခြေခံနည်းစနစ်များနှင့် အရေးပါမှု

နွားနို့လက်ခံသည့်အချိန်တွင် စစ်ဆေးရမည့် စမ်းသပ်ချက်များ

နွားနို့များ ၀ယ်ယူသည့်အချိန်တွင် ပထမဦးစွာ တစ်ပုံးချင်း စစ်ဆေးရန်လိုအပ်ပါသည်။ အဘယ်ကြောင့်ဆိုသော် အရည်အသွေးညံ့သောနွားနို့များ ရောထည့်မိပါက ကျန်အ‌ရည်အသွေးကောင်းသည့်နွားနို့များ ပျက်စီးသွားနိုင်ပါသည်။

(၁)အရောင်အနံ့ အရသာကို စစ်ဆေးခြင်း

အခန်းအပူချိန်အတိုင်းရှိသော နွားနို့ကို ကောင်းစွာမွှေပြီး အရောင်အနံ့အရသာကို စစ်ဆေးပါ။ ဤစမ်းသပ်ချက်သည် ထူးခြားသောအနံ့ ဥပမာ ချဉ်နံ့ ပုပ်နံ့များ ရှိ/မရှိ စစ်ဆေးခြင်း၊ ဆန်းပြားသောအရောင်အဆင်း ဥပမာ ‌သွေးရောင်/အခြားအရာများ ‌ရောနှောထားခြင်း ရှိမရှိကို စမ်းသပ်ခြင်းဖြစ်ပြီး အကယ်၍ နွားနို့သည် ပုံမှန်အတိုင်းမဟုတ်ပါက ၀ယ်ယူလက်ခံခြင်းမပြုဘဲ ပယ်ချရမည် ဖြစ်ပါသည်။

(၂) (က) အရက်ပြန်ဖြင့်စမ်းသပ်ခြင်း

စမ်းသပ်နည်း - နွားနို့နှင့် အရက်ပြန်(68%~70%) ဆတူရောပြီး လှုပ်ကြည့်ပါ။ နွားနို့ ပျက်သည့် ပုံစံ ၊အစိုင်အခဲ ၊ အမှုန်အမွှားများ ဖြစ်/မဖြစ် စစ်ဆေးပါ။ အရက်ပြန်ဖြင့် စစ်ဆေးသည့် နွားနို့များ ပျက်နေကြောင်းတွေ့ရှိရပါက ၎င်းနွားနို့ကို ၀ယ်ယူလက်ခံခြင်း မပြုဘဲ ပယ်ချရမည် ဖြစ်ပါသည်။ ဤအရက်ပြန်စစ်ဆေးခြင်းသည် နွားနို့၏ အပူဒဏ်ခံနိုင်ရည်ရှိမရှိကို စစ်ဆေးခြင်းဖြစ်ပါသည်။ ချဉ်နေသောနို့၊ နို့နု(မွေးကာစနွားနို့)၊ နို့အုံရောင်နေသော နွားများမှ နို့များသည် အပူပေးမှုဒဏ်ကိုမခံနိုင်ပဲ ကွဲထွက်ပါသည်။ နို့ထွက်ပစ္စည်းကုန်ချောကို ထုတ်လုပ်ရန်အတွက် ပထမဦးစွာ နွားနို့ကို အပူပေး ပိုးသတ်ရန်လိုသည့်အတွက် အပူချိန်ကို ခံနိုင်ရည်ရှိမရှိ စမ်းသပ်ခြင်းဖြစ်ပါသည်။

(၂)(ခ) တိုက်ရိုက်အပူပေးစမ်းသပ်ခြင်း

အရက်ပြန်စမ်းသပ်ချက်ကို မလုပ်နိုင်သောနေရာများတွင် နွားနို့ ၅ မီလီလီတာ ခန့်ကို တိုက်ရိုက် မီး သို့ ဆူနေသော ရေနွေးတွင် ၅ မိနစ်ခန့် စိမ်ထားပြီး၊ နို့ကွဲ/မကွဲ ကိုစမ်းသပ်နိုင်ပါသည်။

(၃) နို့တိုင်းဖန်တိုင်ဖြင့် သိပ်သည်းမှုကို တိုင်းတာခြင်း

နွားနို့ကို ကောင်းစွာမွှေပြီး ခပ်ယူ၍ တိုင်းတာမည့် ဆလင်ဒါထဲသို့ လောင်းထည့်ပါ။ ဖန်တိုင်ကို နို့ထဲသို့ ဖြေးညှင်းစွာချပါ။ ဖန်တိုင်ငြိမ်သွားသည် အထိစောင့်ပြီး နွားနို့မျက်နှာပြင်နှင့် အညီရှိ ဖန်တိုင်အမှတ်ကို ဖတ်ပါ။ အပူချိန်ကိုဖတ်ပြီး မှတ်တမ်း‌ရေးသွင်းပါ။ အပူချိန် ၂၀°C တွင်ရှိသော နွားနို့၏ သိပ်သည်းမှုကို တိုင်းတာခြင်းဖြစ်ပါသည်။ ရေ၏သိပ်သည်းဆမှာ 1.0g/ml ဖြစ်ပြီး သဘာ၀နွားနို့၏ သိပ်သည်းဆမှာ 1.026 မှ 1.032 g/ml ရှိပြီး ၊ အကယ်၍ ရေရောထားပါက 1.026 g/ml ထက်နည်းပြီး၊ ဆား၊ သကြားနှင့် အခြားအစိုင်အခဲများရောထားပါက 1.032 g/ml ထက်များနေနိုင်ပါသည်။ သာမန်အတိုင်းအတာ မဖြစ်နိုင်တော့ပါ။

(၄) ဆေးပြာစမ်းသပ်ခြင်း (Methylene Blue Test)

အသုံးပြုမည့် ပစ္စည်းများအားလုံးကို ရေနွေးထဲတွင် ၁ မိနစ်ခန့် ထည့်ပြုတ်ပြီး ပိုးသတ်ပါ။ အသုံးမပြုမီ ရေခဲသေတ္တာတွင် သိမ်းထားပါ။ စမ်းသပ်ပုံမှာ နွားနို့ 10ml ကို ဖန်ပြွန်တွင် ထည့်ပါ။ ထို့နောက် ဆေးပြာ 1ml ထပ်ထည့်ပြီး သမအောင်လှုပ်ပေးပါ။ အပူချိန် 37°C ရှိသော/ထိန်းသိမ်းနိုင်သော ရေနွေးအိုး water bath တွင် မြုပ်အောင်ထည့်ပြီး အချိန်ကို စပြီးမှတ်ပါ။ နွားနို့ အပြာရောင်မှ အဖြူရောင်ပြောင်းသည့်အချိန်ကို မှတ်ပါ။

လက်ခံနိုင်သော အရည်အသွေးမှာ 4hrs ကြာအထိ အရောင်မပြောင်းသော နို့ဖြစ်ပါသည်။

အဆင့် ၁ -4hrs အထက်

အဆင့်၂ -4hrs

အဆင့်၃ -3hrs

အဆင့်၄ -2hrs

အဆင့်၅ -1hr

အဆင့်၆ -30mins(အလွန်ညံ့)

ဆေးပြာဆိုသည်မှာ အောက်ဆီဂျင်ကို အပြာရောင်ဆိုးထားခြင်းဖြစ်ပြီး နွားနို့တွင်ပါ၀င်သော ဘတ်တီးရီးယား၊ အဏုဇီ၀ပိုးမွှားများမှ အောက်ဆီဂျင်ကို စားသုံးလိုက်သောအခါ အပြာရောင်မှ အဖြူရောင်သို့ ပြောင်းသွားခြင်းဖြစ်ပါသည်။ ဘတ်တီးရီးယားပိုးများလေလေ အဖြူရောင်သို့ ကူးပြောင်းသည့်အချိန် မြန်လေလေဖြစ်ပါသည်။ ဘတ်တီးရီးယားပိုးအရေအတွက်ကို အကြမ်းဖျင်း နေ့ချင်းတိုင်းတာခြင်းဖြစ်ပြီး၊ ဓာတ်ခွဲခန်းသုံး ပစ္စည်းအနည်းငယ်ဖြင့် အချိန်တိုအတွင်း နေ့ချင်းပြီး အဖြေသိနိုင်သော နည်းစနစ်ဖြစ်ပါသည်။ နွားနို့ သန့်ရှင်းမှု ရှိ/မရှိ စစ်ဆေးခြင်းဖြစ်ပါသည်။

Source - MDEP

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...