သီးနှံပိုးသတ်ဆေး၏ ဘေးထွက်ဆိုးကျိုးများ

(၁)ကင္ဆာ

သီးနှံပိုးသတ်ဆေးများသည် ခန္ဓာကိုယ် အင်္ဂါအတော်များများတွင် ကင်ဆာဖြစ်စေတတ်သည်။ အသက်အရွယ် မိသားစုရာဇဝင်၊ အစားအသောက်နှင့် နေထိုင်မှု ပုံစံတို့ကလည်း ကင်ဆာဖြစ်ပွားနှုန်း ကိုလွမ်းမိုးမှု ရှိသည်။

(၂)ဟော်မုန်းမညီမျှမှု

သီးနှံပိုးသတ်ဆေး များသည်အမျိုးသား ဟော်မုန်းကို လျော့ကျစေပြီး မျိုးပွားစနစ်ကို အနှောက်အယှက် ဖြစ်စေသည်။ အထူးသဖြင့် မှိုသတ်ဆေးများတွင် ထိုကဲ့သို့ ဆိုးကျိုးရှိပြီး အစားအသောက် အဖြစ်စီမံပြီး သည်အထိ ကြွင်းကျန်လျက် ရှိတတ်သည်။

(၃)ဦးနှောက်ပျက်စီးခြင်း

ဥယာဉ်မှူးနှင့် လယ်သမားများသည် ဦးနှောက်ပျက်စီးမှု အဖြစ်ဆုံးပုဂ္ဂိုလ် များဖြစ်ကြသည်။ သိမြင်စွမ်းရည် ပျက်စီးမှု အပျော့စား (mild cognitive dysfunction- MCD) ကဲ့သို့ဝေဒနာများ ခံစားရပြီး စကားတစ်ခွန်း ပြေပြေပျစ်ပျစ် မပြောနိုင်ခြင်း၊ စကားလုံးများ မသိတော့ခြင်း၊ အရောင်နှင့်နံပါတ်များ မသိတော့ခြင်းအထိ ခံစားရတတ်သည်။

(၄)မွေးရာပါ ချို့ယွင်းမှု

စိုက်ခင်းပိုးသတ်ဆေး များမှသည် အိမ်သုံးပိုးသတ် ဖြန်းဆေးများအထိ ဓာတုပစ္စည်း မြောက်များစွာ ပါဝင်ကြပြီး အင်းဆက်ပိုးများ၏ အာရုံကြောစနစ်ကို ဖျက်စီးရန် အဓိကဖော်စပ် ထားလေ့ရှိသည်။ ထိုဆေးများကို ကိုယ်ဝန်ဆောင် မိခင်တစ်ဦး ထိတွေ့ချိန် ကြာမြင့်ပါက မွေးလာမည့် ကလေးငယ်တွင် နှုတ်ခမ်းကွဲ၊ အာခေါင်ကွဲ၊ နှလုံးတည်ဆောက် ပုံမှားယွင်းမှု၊ ခြေလက်ဖွဲ့စည်းပုံ မှားယွင်းမှုတို့ ဖြစ်ပေါ်တတ်သည်။

(၅)ကိုယ်အင်္ဂါပျက်ယွင်းမှု

သီးနှံပိုးသတ်ဆေးများသည် ကျောက်ကပ်ရောင် စေပြီးနာတာရှည် ကျောက်ကပ် ပျက်စီးယိုယွင်းမှု ဖြစ်စေသည်။ ရောဂါကြီးကြီးမားမား မရှိဘဲ ကျောက်ကပ်ပျက်စီး သူများကိုကြည့်လျှင် စိုက်ပျိုးရေး လုပ်ငန်း၌ နှစ်ပေါင်းများစွာ လုပ်ကိုင်ခဲ့ကြသူများ ဖြစ်ကြသည်။

                ဇော်ကို ( Ref: Nursing -degree)

REF : Health Updates