လုပ်ငန်းရှင်ကြီးဖြစ်ဖို့ (၅)

ဖြန့်ဝေတဲ့လမ်းကြောင်းနဲ့ နေရာတွေကို လုပ်ငန်းရှင်ကြီးတစ်ယောက်က သိထားပြီး ကစားနိုင်ဖို့လိုပါတယ်။ အဲ့တော့ ဒီမှာက Distribution Channels တွေဆိုတာ ဘာတွေဖြစ်မလဲဆိုတဲ့ အကြောင်းကို တင်ဆက်ပေးထားပါတယ်။

DC (Distribution Channels) တွေရဲ့ သဘော သဘာဝ

ဖြန့်ဖြူးရာလမ်းကြောင်းတွေဆိုတာက ကိုယ်ထုတ်လုပ်လိုက်တဲ့ ကုန်ပစ္စည်းဖြစ်ဖြစ် လုပ်ငန်းဝန်ဆောင်မှုကပဲဖြစ်ဖြစ်၊ ကိုယ့်ဆီကနေ တကယ်စားသုံးတဲ့ သူတွေအထိ ဘယ်လိုသွားသလဲဆိုတာကို ညွှန်ပြပေးပါတယ်။ ဆိုတော့ သူတို့ဆီကို ဘယ်လိုရောက်နိုင်သလဲ သိရင် ကိုယ့်ကုန်ပစ္စည်းတွေကို ပိုရောက်အောင်လုပ်ပေးနိုင်တာပေါ့။

အဲ့လိုဆိုတော့ ဒီထဲမှာ ပါဝင်လည်ပတ်ပြီး ငွေတွေ အသာလေးယူနေတဲ့ လုပ်ငန်းရှင်တွေလည်းရှိပါတယ်။ အရောင်းသမားတွေ အေဂျင်စီတွေ လက်ကားသမားတွေ လက်လီပြန်ရောင်းတဲ့သူတွေ၊ သူတို့ကျတော့ ကုန်ပစ္စည်းကိုမထုတ်ဘူး။ ဒါပေမဲ့ သူတို့က ဖြန့်ပေးတယ်ဆိုတဲ့ DC လိုင်းပေါ်ကနေပြီးတော့ ငွေတွေ ရှာနေကြပါတယ်။

အဆင့်တွေ ဘယ်လောက်များများ အဓိကအနေနဲ့ကျတော့ သူတို့ သတ်မှတ်ချက်နဲ့ အဆင့် (၄) ခုပဲ ရှိပါတယ်။ Level – 0 ကတော့ ထုတ်တဲ့သူကနေ တိုက်ရိုက် စားသုံးတဲ့ သူဆီကို ရောက်တာပါ။ သူ့ကို Direct Marketing - တိုက်ရိုက်ဈေးကွက် လို့ခေါ်ကြပါတယ်။ စိုက်ပျိုးရေးဖက်ကနေ ချိတ်ပြီးတော့ ကြည့်ကြမယ်ဆိုရင်တော့ ကိုယ်စိုက်တဲ စိုက်ခင်းက အသီးအရွက်တွေကို ဖေ့ဘုတ်အကောင့်လေးဖွင့်ပြီးရောင်းမယ်။ အိမ်မှာ ခြံထွက်တွေကို စင်လေးနဲ့တင်ရောင်းတဲ့သူတွေ၊ ခြံထဲကို လာဝယ်လို့ရတယ်ဆိုပြီး လမ်းညွှန်ထားတာမျိုးလုပ်နေတယ်။ တိုက်ရိုက်ရောင်းနေတာမျိုး ဖြစ်ပါတယ်။

Level - 1 မှာ ထုတ်လုပ်သူတွေဆီကနေ လက်လီသမားတွေ ပြန်ဝယ်ကြတယ်၊ အဲ့လက်လီသမားတွေကနေမှ စားသုံးသူတွေက ဝယ်ကြပါတယ်။

Level – 2 ထုတ်လုပ်သူကနေ၊ လက်ကားသမား၊ လက်ကားသမားကနေ လက်လီသမား ၊ လက်လီသမားတွေဆီကမှ နောက်ဆုံး စားသုံးတဲ့သူတွေဆီကိုရောက်ပါတယ်။

Level – 3 ကျတော့ ထုတ်လုပ်သူ၊ လက်ကားသမား၊ ပွဲစား၊ လက်လီသမား စတဲ့ သူတွေ ခံပြီးမှ နောက်ဆုံး စားသုံးသူတွေဆီကို ရောက်ကြတာဖြစ်ပါတယ်။

အဲ့လို အဆင့်တွေရှိလေလေ ဈေးကကွာဟမှု များလေလေဖြစ်ပါတယ်။ စားတဲ့သူတွေကလည်း ဈေးများများ ပေးဝယ်ရပေမဲ့လို့ တကယ်ရောင်းလိုက်တဲ့ ထုတ်လုပ်သူတွေကလည်း ဈေးကို ရသင့်တာလောက်မရပဲ ပိုနည်းပြီးရတတ်ပါတယ်။ စိတ်မကောင်းစရာတစ်ခုက ကိုယ်တွေလုပ်ကိုင်နေတဲ့ စိုက်ပျိုးမွေးမြူရေးလုပ်ငန်းတွေက အဆင့်တွေများတဲ့ DC ကြီးနဲ့ လည်ပတ်နေကြရတာပါပဲ။ စိုက်တယ် ထွက်လာသမျှကို ဟိုတယ်ကိုသွင်းတယ် အဲ့လိုလုပ်နေတဲ့ လုပ်ငန်းတွေက နည်းနည်းရှားနေပါသေးတယ်။

သဘောသဘာဝကို နားလည်ပြီးရင်တော့ နောက်တစ်ပိုင်းက DCတွေက ဘာလုပ်ပေးသလဲဆိုတာကို ကြည့်ရအောင်

DC – Distribution Channels တွေရဲ့ လုပ်ဆောင်ချက် အသုံးဝင်မှုတွေ

ကိုယ့်ကုန်ပစ္စည်းသွားနေတဲ့ လမ်းကြောင်းကြီးကို သိပြီးတော့ ဘာတွေသိပြီး ဘာတွေပြင်ဆင်ထားလို့ရမလဲဆိုတာကို အောက်မှာ စီပေးထားပါတယ်။

(၁) သတင်းအချက်လက်တွေ။ ။ လမ်းကြောင်းရှင်းအောင် ဘာတွေရှင်းထားရမလဲ၊ လမ်းကြောင်းပိုပြီး ဘယ်လိုချဲ့မလဲ၊ စားသုံးသူတွေက ဘာတွေလိုချင်သလဲ စတဲ့ အချက်အလက်တွေကို သိရမှာဖြစ်ပါတယ်။

(၂) အရောင်းမြှင့်တင်ရေး။ ။ ကုန်ပစ္စည်း အတွက် ဘယ်လမ်းကြောင်းကနေ ထုတ်လို့ကောင်းမလဲဆိုတာကို အရောင်းမြှင့်တင်ရေး လုပ်ဖို့ လိုအပ်တာတွေ ရပါတယ်။

(၃) အံဝင်ကျမှု။ ။ လမ်းကြောင်းမှာ နောက်ဆုံးဖြစ်တဲ့ စားသုံးသူတွေဆီကနေ ဘယ်လိုအချက်မျိုးကိုလိုချင်တယ်ဆိုတာနဲ့ ကိုယ်က လိုက်လုပ်နိုင်ပါတယ်၊ ထုတ်လုပ်မှု ကနေ ဘယ်အဆင့်လေး တိုးလိုက်ရင် ပိုကောင်းသွားမယ်ဆိုတာမျိုး ဆုံးဖြတ်ချက်တွေချနိုင်ပါတယ်။

(၄) ညှိနှိုင်းဆွေးနွေးခြင်း။ ။ နေရာဒေသတိုင်းက တူညီတဲ့ အခြေအနေ မဟုတ်တာကြောင့်မို့ ကိုယ့် DC လမ်းကြောင်းကနေ ဘယ်လို ဆွေးနွေးမှုတွေလုပ်ပေးရမလဲ၊ ဈေးတန်းလား၊ ဘယ်လို စနစ်နဲ့ဆို ပိုကောင်းမလဲ စတဲ့ လုပ်ငန်းတွေ ဆက်ပြီးလုပ်ဆောင်ပေးလို့ရပါတယ်။

(၅) အမှာစာ။ ။ တိုက်ရိုက်မှာရင် တိုက်ရိုက်ပရိုမိုးရှင်းတွေရတယ်လေ။ ကွန်ပလိန်းလည်း တိုက်ရိုက်တက်လို့ရတယ်၊ အဲ့တော့ ဘယ်ဒေသက ဘာတွေမှာတတ်တယ် ဆိုတဲ့ လမ်းကြောင်းကြီးက ရှင်းလင်း။

(၆) ငွေကြေးစီမံခန့်ခွဲမှု။ ။ အမှာစာတွေစုပြီး DC တစ်ခုတည်းက ပေါင်းပို့ရင် ကုန်ကျစရိတ် ပိုသက်သာတယ်လေ၊

(၇) စွန့်စားမှု။ ။ ဆိုတာကတော့ စီးပွားရေးအရ စွန့်စားရတဲ့ လုပ်ငန်းတွေအတွက် DC လမ်းကြောင်းဖောက်တာမျိုးလို လုပ်ငန်းတွေလုပ်နိုင်ဖို့ စွန့်စားကြရတာမှာ မှန်ကန်တဲ့ စွန့်စားမှုတွေကို ရွေးချယ်နိုင်မှာဖြစ်ပါတယ်၊

(၈) ကုန်ပစ္စည်းဖြန့်ဝေမှု။ ။ ဘယ်လိုသွားမလဲ၊ ဘယ်လို သယ်ပိုးမလဲ၊ ဘယ်လို လှောင်ထားရမလဲ ဆိုတာကို DCတွေ ကြည့်ပြီးတော့ ဆုံးဖြတ်ချက်တွေ ချနိုင်မှာဖြစ်ပါတယ်။

(၉) ငွေပေးချေခြင်း။ ။ ငွေရေးကြေးရေးကြောင့် စီးပွားရေးဆိုတာလုပ်တာလေနော်၊ အဲ့အတွက်ကြောင့်မို့ DCလိုင်း အလိုက်ကိုမှ ဘယ်လိုစနစ်က အဆင်ပြေနိုင်တယ်၊ ဘယ်လိုလာကောက်ပေးရင် ပြေနိုင်တယ်ဆိုတာကို ဆုံးဖြတ်ချက်ချနိုင်မှာဖြစ်ပါတယ်။

အားရင် ကျုပ်စိုက်တဲ့ ကြက်သွန်တွေက ဘယ်ကိုရောက်လဲ ဆိုတာကို တစ်ချက်စုံစမ်းကြည့်ပါ၊ ရန်ကုန်ကိုရောက်တယ်ဆို ကြားပွဲစားမခံပဲ ကိုယ်တိုင် တိုက်ရိုက် ပို့ကြည့်ပါ၊ ကွာတာ ကွာပါတယ်၊ လမ်းကြောင်း ပွင့်လာလေလေ လုပ်စရာတွေ အများကြီးဖြစ်လာလေလေ ဆိုတာကို သိလာမှာပါ၊ နောက်တစ်ပိုင်းမှာ တွေ့ကြစို့ရဲ့

ထွန်းဝင်းကျော်

Reference

http://www.smartfarmerproject.eu/SmartFarmerPlatform/unit.php?unit_id=7

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...