မရိတ်သိမ်းမီ/မခူးဆွတ်မီစောင့်ဆိုင်းရမည့်ကာလကို နားလည်စေခြင်း

မရိတ်သိမ်းမီ/မခူးဆွတ်မီစောင့်ဆိုင်းရမည့်ကာလ (PHI)

   မရိတ်သိမ်းမီ/မခူးဆွတ်မီ စောင့်ဆိုင်းရမည့်ကာလဆိုတာ ပိုးသတ်ဆေးတစ်ခုရဲ့ နောက်ဆုံး အသုံးပြုတဲ့အချိန်နဲ့ သီးနှံကို ရိတ်သိမ်း/ဆွတ်ခူးနိုင်တဲ့အချိန်ကြားက အချိန်ပမာဏအနည်းဆုံးကို ဆိုလိုတာပါ။ ရိတ်သိမ်း/ခူးဆွတ်တယ်ဆိုတာ သီးနှံကို ဖြတ်တောက်ခြင်း ဒါမှမဟုတ် အပင်ကနေ သီးနှံကို ဖယ်ရှားခြင်းဖြစ်ပါတယ်။  

   မရိတ်သိမ်းမီ/မခူးဆွတ်မီစောင့်ဆိုင်းရမည့်ကာလ (PHI) ဆိုတဲ့ စကားလုံးကို ပိုးသတ်ဆေး အညွှန်းစာမှာ တွေ့ရပါတယ်။  မရိတ်သိမ်းမီ/မခူးဆွတ်မီ စောင့်ဆိုင်းရမည့်ကာလ (PHI) ကို လိုက်လျောညီထွေ လိုက်နာခြင်းဟာ တရားဝင်သတ်မှတ်ချက်ဖြစ်ပါတယ်။ မရိတ်သိမ်းမီ/မခူးဆွတ်မီ စောင့်ဆိုင်းရမည့်ကာလ (PHI) မှာ စိုက်ပျိုးသူတွေအတွက် ဆေးစီရင်လိုက်တဲ့ သီးနှံမှာ အမြင့်ဆုံးခွင့်ပြုထားတဲ့ ပိုးသတ်ဆေးဓါတ်ကြွင်းပမာဏ (MRL) ထက် မကျော်လွန်စေသော အချက်အလက်များ ပါဝင်ပါတယ်။  

   အမြင့်ဆုံးခွင့် ပြုထားတဲ့ ပိုးသတ်ဆေးဓါတ်ကြွင်းပမာဏ (MRL) ဆိုတာ ပိုးသတ်ဆေး အညွှန်းစာအရ ပိုးသတ်ဆေးကို အသုံးပြုတဲ့အခါ အစားအသောက်ထွက်ကုန်ပေါ်မှာ ကျန်ရှိမယ်လို့ မျှော်လင့်ရတဲ့ အမြင့်ဆုံးပိုးသတ်ဆေးဓါတ်ကြွင်းပမာဏကို ဆိုလိုတာပါ။ 

မရိတ်သိမ်းမီ/မခူးဆွတ်မီ စောင့်ဆိုင်းရမည့်ကာလ (PHI) ၏အရေးပါပုံ

   သီးနှံတစ်ခုအတွက် အမြင့်ဆုံးခွင့် ပြုထားတဲ့ ပိုးသတ်ဆေးဓါတ်ကြွင်းပမာဏ (MRL) ကို မကျော်လွန်စေတာကြောင့် အမြင့်ဆုံးခွင့်ပြုထားတဲ့ ပိုးသတ်ဆေးဓါတ်ကြွင်းပမာဏ (MRL) ကို အလေးထားရန် အရေးကြီးပါသည်။ အစားအသောက်အပေါ်မှာ အမြင့်ဆုံးခွင့်ပြုထားတဲ့ ပိုးသတ်ဆေးဓါတ်ကြွင်းပမာဏ (MRL) ကျော်လွန်ခဲ့ရင် စားသုံးသူကို ကျန်းမာရေးအန္တရာယ်ဖြစ်စေနိုင်ပါတယ်။ ဒီလိုဖြစ်ခဲ့ရင် ရိတ်သိမ်း/ခူးဆွတ်ထားတဲ့ သီးနှံကို ဖျက်ဆီးပစ်ရမည်ဖြစ်ကာ ပြည်ပသို့တင်ပို့မည်ဆိုပါက တားမြစ်ရမည် ဖြစ်ပါသည်။  ပိုးသတ်ဆေး အညွှန်းစာမှာ ဖော်ပြထားတဲ့ သီးနှံတွေနဲ့ ဖျက်ပိုးတွေအတွက်သာ ပိုးသတ်ဆေးများကို အသုံးပြုပါ။ ဒါ့အပြင် ပိုးသတ်ဆေးအညွှန်းစာမှာ ဖော်ပြထားတဲ့ ဆေးနှုန်းထား၊ ဆေးဖျန်းရမည့်အကြိမ်နဲ့ မရိတ်သိမ်းမီ/မခူးဆွတ်မီ စောင့်ဆိုင်းရမည့်ကာလ (PHI) တို့ကို လိုက်နာရပါမယ်။

   မရိတ်သိမ်းမီ/မခူးဆွတ်မီ စောင့်ဆိုင်းရမည့်ကာလ (PHI) ကို ပိုးသတ်ဆေးအညွှန်းစာအပိုင်းရဲ့ “အသုံးပြုရန်အညွှန်း” တွင်ဖော်ပြထားပါတယ်။ မရိတ်သိမ်းမီ/မခူးဆွတ်မီ စောင့်ဆိုင်းရမည့်ကာလ (PHI) ကို အတည်ပြုရန် အညွှန်းစာကို အမြဲတမ်းဖတ်ပါ။   

ဒေါက်တာကိုကို (စိုက်ပျိုးရေး)

ဒေါက်တာကိုကို၏စိုက်ပျိုးရေးဆောင်းပါးများလေ့လာရန်

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်