ခရမ်းချဥ်သီးဈေး မကြုံဖူးတဲ့ဈေးဖြင့် ထူးကဲစွာမြင့်တက်

ခရမ်းချဥ်သီးဈေးနှုန်းများ ထူးကဲစွာမြင့်တက်နေသည့်အတွက် ရာသီချိန်အမီ စိုက်ပျိုးခဲ့သည့်ခြံများ အဆင်ပြေနေကြကြောင်း ဈေးကွက်ကျွမ်းကျင်သူများထံမှ သိရသည်။

"ခရမ်းချဥ်သီးဈေးက တစ်နိုင်ငံလုံးအတိုင်းအတာနဲ့ကို မြင့်တက်နေပါတယ်။ မိုးကုန်ခါနီးလောက်က စိုက်ပျိုးခဲ့တဲ့ ခြံတွေတော့ ဈေးကောင်းနဲ့ကြုံသွားတာပေါ့။ မိုးကုန်ခါနီးက စိုက်ထားတဲ့ခရမ်းချဥ်ခြံတွေက ဖေဖော်ဝါရီလလောက်အထိ ခူးနေရဦးမှာပါ။ ခါတိုင်းနှစ်တွေဆိုရင်လည်း ဒီရာသီက ခရမ်းချဥ်သီး ဈေးကောင်းရတဲ့ ရာသီချိန်ပဲ ဆိုပေမယ့် ဒီနှစ်ကတော့ ဘယ်တုန်းကမှမကြုံဖူးအောင်ကို ဈေးကောင်းနေတာပါ။"

ဟု မကွေးတိုင်းဒေသကြီး၊ ပွင့်ဖြူမြို့နယ်မှ ခရမ်းချဥ်သီးဈေးကွက်ကျွမ်းကျင်သူ ကိုအောင်ချမ်းသာက ပြောသည်။

လက်ရှိဈေးကွက်အတွင်း ခရမ်းချဥ်သီး တစ်ပိဿာလျှင် လက်လီဈေး ၂၅၀၀ ကျပ်၊ လက်ကားဈေး ၂၃၀၀ ကျပ်ဝန်းကျင် ပေါက်ဈေးများရှိနေကြောင်း သိရသည်။

"ဒါတောင် အခုဈေးက နည်းနည်းလေး ပြန်ကျသွားတဲ့ဈေးပါ။ အစောပိုင်းကဆိုရင် ခရမ်းချဥ်သီး တစ်ပိဿာကို သုံးထောင်ကျပ်အထိကို ဈေးထိုးတက်သွားခဲ့ပါသေးတယ်။ ပြီးခဲ့တဲ့တစ်ပတ်လောက်အထိကို သုံးထောင်ကျပ် ဈေးရရှိခဲ့ပါတယ်။ အောက်တိုဘာလလောက်ကတည်းက ဈေးကစပြီး မြင့်တက်လာတာပါ။"

ဟု ကိုအောင်ချမ်းသာက ဆက်လက်ပြောသည်။

ယခုနှစ်တွင် စိုက်ပျိုးရေး သွင်းအားစုစရိတ်များ မူလကထက် ၂ ဆမြင့်တက်နေခြင်းကြောင့် ခရမ်းချဥ်သီး စိုက်ပျိုးသူအများစုမှာ စိုက်ဧကများကို လျှော့ချစိုက်ပျိုးခဲ့ကြသည်။ သို့ဖြစ်၍ ဈေးကွက်လိုအပ်ချက်နှင့် အထွက်နှုန်း မညီမျှခြင်းကြောင့် ဈေးနှုန်းများ အဆမတန် မြင့်တက်သွားခြင်းဖြစ်သည်ဟု ဈေးကွက်ကျွမ်းကျင်သူများ၏ သုံးသပ်ချက်အရ သိရှိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ခရမ်းချဥ်သီးဈေး မကြုံဖူးတဲ့ဈေးဖြင့် ထူးကဲစွာမြင့်တက်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ခရမ်းချဥ်သီးဈေး မကြုံဖူးတဲ့ဈေးဖြင့် ထူးကဲစွာမြင့်တက်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

ခရမ်းချဉ် သီး တွေရော၊ အာလူး တွေပါ သီးတဲ့ TomTato အပင်

စားနပ်ရိက္ခာဖူလုံရေး သားစဉ်မြေးဆက်ပေး အစီအစဉ်မှ ပညာပေး သင်ထောက်ကူပစ္စည်းများ

{{ post.title }}