အပင်နာခြင်း သို့မဟုတ် နလန်ထူနှေးခြင်း

ဦးကြီးတို့အားလုံး မင်္ဂလာပါဗျ။

ဦးကြီးတို့သီးနှံများ စိုက်ပျိုးကြရာတွင် အစေ့ကို တိုက်ရိုက်စိုက်ပျိုးခြင်း၊ ပျိုးထောင်၍ စိုက်ပျိုးခြင်း၊ ကိုင်းကူး၍ စိုက်ပျိုးခြင်း စသည်ဖြင့် စိုက်ပျိုးကြပါသည်။ ထို့သို့စိုက်ပျိုးရာ၌ ပျိုးထောင်၍စိုက်ပျိုးသော အပင်များတွင် အပင်နာခြင်းများဖြစ်ပေါ်ပါသည်။

အပင်နာခြင်း ဆိုတာဘာလဲ?။ အပင်နာခြင်းဆိုသည်မှာ အပင်များကို တစ်နေရာမှ တစ်နေရာသို့ ပြောင်းရွှေ့စိုက်ပျိုးရာ၌ ပျိုးပင်တွင် ဒဏ်ရာတစ်ခုခုရရှိခြင်းကြောင့် သို့မဟုတ်် ပတ်ဝန်းကျင်အခြေအနေမပေးခြင်းကြောင့် ပြောင်းရွေ့စိုက်ပျိုးလိုက်သော နေရာသစ်တွင် နေသားမကျဘဲဖြစ်နေခြင်း ဖြစ်ပါသည်။ ကျွန်တော်တို့လူသားများတောင် နေရာအသစ်တစ်ခုသို့ပြောင်းသွားလျှင် ထိုပတ်ဝန်းကျင်နှင့် သဟဇာတဖြစ်အောင် နေနိုင်အောင် ကြိုးစားကြရပါသည်။ အပင်များသည်လည်း ထို့သို့ကြိုးစားကြရပါသည်။

ဆောင်းရာသီရောက်တော့မယ်ဆိုတော့ ဆောင်းသီးနှံများ စိုက်ပျိုးရန် ပြင်ဆင်နေကြပြီလို့ ထင်ပါသည်။ ဆောင်းရာသီတွင်စိုက်ပျိုးသော သီးနှံအများစုသည် ပျိုးထောင်၍ စိုက်ပျိုးသော သီးနှံများဖြစ်သောကြောင့် အပင်နာခြင်းများကို အတတ်နိုင်ဆုံး လျှော့ချနိုင်ရန် လိုအပ်ပါသည်။

အပင်နာခြင်းကို ဘယ်လိုလျော့ချမလဲ

ပျိုးပင်များ ပြောင်းရွှေ့စိုက်ပျိုးရာတွင် အမြစ်များကို ထိခိုက်မှုမရှိအောင် ပြောင်းရွှေ့ စိုက်ပျိုးရပါမည်။ အပင်တိုင်း၏ အမြစ်အဖျားကလေးသည် ရေနှင့် အာဟာရဓာတ်များကို စုပ်ယူပေးသော အဓိကနေရာဖြစ်ပါသည်။ ထို့ကြောင့် အမြစ်ဖျားတွင် ဒဏ်ရာရသွားပါက အပင်နာခြင်းဖြစ်နိုင်ပါသည်။

ပျိုးပင်များကို နှုတ်၍ စိုက်ပျိုးရာတွင် အမြစ်များများပါအောင်နှုတ်၍ စိုက်ပျိုးပေးသင့်ပါသည်။ အမြစ်များများပါလျှင် အပင်အတွက်လိုအပ်သော ရေနှင့် အာဟာရဓာတ်များကို ပို၍စုပ်ယူပေးသောကြောင့် အပင်မြန်မြန်နလန်ထူစေပါသည်။

ပြောင်းရွှေ့စိုက်ပျိုးသောအပင်များကို ရေအဆက်မပြတ်လောင်းပေးသင့်ပါသည်။ ရေ သည် အပင်တိုင်းအတွက် မရှိမဖြစ်လိုအပ်သောအရာဖြစ်ပြီး အပင်နာခြင်းကို ရှောင်ရှားရာတွင်လည်း ရေလောင်းပေးခြင်းသည် အကောင်းဆုံးနည်းလမ်းဖြစ်ပါသည်။

ပျိုးအိတ်များဖြင့် ပျိုးထောင်ထားသော အပင်များကို ပြောင်းရွှေ့စိုက်ပျိုးရာတွင် မြေလုံးမပျက်စေဘဲ စိုက်ပျိုးသင့်ပါသည်။ မြေလုံးပျက်သွားပါက အမြစ်များပျက်စီးသွားပြီး အပင်နာခြင်းဖြစ်ပေါ်စေပါသည်။

ပျိုးများနှုတ်ပြီး တစ်နေရာမှတစ်နေရာသို့ ပြောင်းရွှေ့စိုက်ပျိုးသော ကြားအချိန်တွင် လည်း အမြစ်များကို အစိုဓာတ်မပြတ်အောင် ပြုလုပ်ပေးထားရပါမည်။ အမြစ်များ ခြောက်သွားလျှင် အပင်ကိုထိခိုက်စေပြီး အပင်နာသွားနိုင်ပါသည်။

စိုက်ပျိုးသော မြေကြီးကိုလည်း စိုစွတ်အောင် ပြုလုပ်ထားပေးသင့်ပါသည်။

ပတ်ဝန်းကျင်တွင် အပူချိန်များနေလျှင် အပင်ငွေ့ပျံနှုန်းများကာ အပင်နာခြင်းဖြစ်ပေါ်စေပြီး ပတ်ဝန်းကျင်တွင် စိုထိုင်းဆများနေလျှင် အပင်ငွေ့ပျံနှုန်းနည်းကာ မြန်မြန်နလန်ထူ စေပါသည်။ ထို့ကြောင့် ပတ်ဝန်းကျင်အခြေအနေကိုကြည့်၍ ပျိုးထောင်၍ စိုက်ပျိုးသင့်သလား၊ ပျိုးမထောင်ဘဲ မျိုးစေ့ကို တိုက်ရိုက်စိုက်ပျိုးသင့်သလား ဆုံးဖြတ်သင့်ပါသည်။

ပျိုးထောင်ပြီး ပြောင်းရွှေ့စိုက်ပျိုးသောအချိန်တွင် ပတ်ဝန်းကျင်၏ အပူချိန်မြင့်နေပါက အပင်ငွေ့ပျံနှုန်းချော့ချစေရန် အရွက်များကို ခြွေချပေးနိုင်ပါသည်။ ကိုင်းများကိုလည်း လျှော့ချပေးနိုင်ပါသည်။ ချွင်းချက်အနေနှင့် ခရမ်းချဥ်စိုက်ပျိုးသောအခါ ပျိုးခင်းမှနှုတ်လာသည့်အတိုင်း စိုက်ပျိုးပေးရပါမည်။

ပျိုးပင်များကို အကြမ်းခံနိုင်စေရန် ပြောင်းရွှေ့မစိုက်မီ ပျိုးဘောင်တွင်ကတည်းက ပြုလုပ်ပေးရမည်။ ထို့ကြောင့် ပျိုးဘောင်ပေါ်ရှိ ပျိုးပင်များကို ပြောင်းရွှေ့စိုက်ရန် တစ်ပတ်အလိုကတည်းက ရေအနည်းငယ်သာပေးပြီး နေရောင်အောက်တွင် နာရီအနည်းငယ်ထားပေးပြီး အကြမ်းခံအောင် ပြုလုပ်ပေးနိုင်ပါသည်။

အမြစ်သစ်များ မြန်မြန်ထွက်စေရန် အမြစ်ထွက်ဟော်မုန်းများ သုံးပေးနိုင်ပါသည်။

မြေသြဇာကျွေးခြင်းကို ရပ်နားထားသင့်ပါသည်။

ပျိုးပင်ဝယ်ရမည်ဆိုလျှင်လည်း ကျန်းမာသန်စွမ်းသော ပျိုးပင်များကို ရွေးချယ် အသုံးပြုသင့်ပါသည်။

ပျိုးပင်များမှ သေနေသောအစိတ်အပိုင်းများကို ဖယ်ရှားပေးသင့်ပါသည်။

Source

https://www.gardeningknowhow.com/plant-problems/environmental/learn-how-to-avoid-and-repair-transplant-shock-in-plants.htm

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...