ကြက်ခြံအတွင်း သန်း၊ မွှားများရှိနေပါက အသုံးပြုနိုင်သော ဆေးနည်းများ

09/08/2021 13:00 PM တွင် ဦးဇော်(dof) ဦးဇော်(dof) မှ ရေးသား

    ဒေသကြက်နှင့် သက်တမ်းကြာရှည်မွေးမြူကြသော ဥစားကြက်ခြံများတွင် ကြက်သန်းနှင့်မွှားများရှိနေပါက အောက်ပါဆေးနည်းများကို အသုံးပြု၍ဖယ်ရှားနိုင်ပါသည်။

 ၁။ ထုံး

   ကြက်ထုတ်ပြီး ကာလများတွင် ထုံးမှုန့်များဖြူးပေးခြင်းဖြင့် ကြက်သန်းများ များပြားနေခြင်းကို သက်သာစေပါသည်။ ရေဖျော်ပြီးပက်ဖျန်း၍လည်း အသုံးပြုလို့ရပါသည်။

၂။ ဆေးရွက်ကြီး

    ဥတင်းနှင့် ကြက်သန်းခိုလှုံနိုင်သောနေရာများကို ဆေးရွက်ကြီးဖြူးပေးပါက ကြက်သန်းများ၊ မွှားများကို သက်သာလျော့နည်းစေပါသည်။

၃။ ကန့်မှုန့် (Sulpha)

    ကြက်ခြံနှင့် ဥကျင်းများအတွင်း ကန့်မှုန့်အတော်အသင့်ဖြူးပေးခြင်းဖြင့် ကြက်များတွင် တွယ်ကပ်နေလေ့ရှိသည့် သန်း၊ မွှားများကို ကင်းဝေးစေပါသည်။

၄။ အလူဂန် (Alugan)

    ကြက်များတွင် တွယ်ကပ်နေလေ့ရှိသော သန်း၊ မွှား၊ လှေး၊ မှတ်များကို နှိမ်နင်းရာတွင် အလူဂန်ကို သုံးစွဲနိုင်သည်။ အလူဂန်ကို ဆေးမှုန့်၊ ရေဖျော်ဆေးစသဖြင့် အမျိုးမျိုးထုတ်လုပ်ကြပြီး ကြက်ကိုယ်ပေါ်သို့ ဖျန်းပေးနိုင်သည်။

၅။ EM-5 (သို့မဟုတ်) ပိုးပြေး၊ ပိုးနှင်ဆေး

    ဓာတုဆေးမသုံးစွဲလိုသော ကြက်ခြံများတွင် စိုက်ပျိုးရေးသုံး အော်ဂဲနစ် (organic) ပိုးပြေး၊ ပိုးနှင်ဆေးကို ကြက်ဥတင်း၊ ကြက်ခြံနှင့် အိပ်တန်းများတွင် ပက်ဖျန်းပေးခြင့်ဖြင့် ကြက်သန်း၊ လှေး၊ မွှားများကို ကင်းစင်စေပါသည်။

Ref - ဆရာမ ဖြူဖြူ၏ "ကြက်ခြံအတွင်းသန်း၊ မွှားဖယ်ရှားနည်း"


Natural Cure Co.,Ltd ကြော်ငြာ

ကျေးဇူးရှင်တောင်သူဦးကြီးများအားလုံးမင်္ဂလာပါရှင့် ခုမိတ်ဆက်ပေးချင်တာကတော့ အန်စီကွန်ပေါင်းဓာတ်မြေဩဇာလေးတွေဖြစ်ပါတယ် တောင်သူကြီးများအနေဖြင့် သီးပင်စားပင်စိုက်ပြီဆိုတာနဲ့ မြေဩဇာကျွေးလေ့ရှိကြတယ်မဟုတ်လား မြေဩဇာဆိုတာနဲ့ (NPK)အချိုးအစုံရှိတဲ့ အန်စီဓာတ်မြေဩဇာလေးတွေကို သတိရလိုက်ပါရှင့် အောက်မှာ အချိုးတစ်ခုချင်းစီအလိုက် ပုံလေးတွေနဲ့ အတူတူ ဖော်ပြပေးလိုက်ပါတယ်ရှင့် အသေးစိတ်သိလိုပါက 09958457742 ကို ဆက်သွယ်မေးမြန်းနိုင်ပါတယ်
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်