မြစ်ဆွေး၊ မြစ်ပုပ်ရောဂါကာကွယ်ရန်အတွက် ထရိုင်ကိုဒါးမား (Trichoderma) မှို

ကုလားပဲသီးနှံစိုက်ပျိုးရာတွင် မြစ်ဆွေး၊ မြစ်ပုပ်ရောဂါကာကွယ်ရန်အတွက် ထရိုင်ကိုဒါးမား (Trichoderma) မှိုကို စမ်းသပ်အသုံးပြုနေသည်ဟု ကြားသိရပါသည်။ အောင်မြင်မှုရလဒ်အခြေအနေသိလိုပါသည်ဆိုပြီး စိုက်ပျိုးရေးဦးစီးဌာန call center ကိုမေးမြန်းလာတဲ့ မေးခွန်းနဲ့ ဖြေဆိုပေးထားတာကို အစိမ်းရောင်လမ်းတောင်သူများ ဗဟုသုတရစေဖို့ ဖော်ပြပေးလိုက်ပါတယ်။

ထရိုင်ကိုဒါးမားမှိုသည် အပင်ကြီးထွားမှုကိုအားပေးသည့် ဟိုမုန်းထုတ်ပေးခြင်း၊ အပင်အာဟာရများ စုပ်ယူအသုံးပြုမှုကို တိုးစေနိုင်ခြင်း၊ မြေထဲရှိ ဖော့စဖိတ်၊ သံဓါတ်၊ မဂ္ဂနီဆီယမ်၊ ကော့ပါးနှင့် ဇင့်ဓါတ်များကို ပျော်ဝင်လွယ်အောင် ကူညီဆောင်ရွက်ပေးခြင်း၊ အပင်အတွက် နိုက်ထရိုဂျင်အသုံးပြုမှုစွမ်းအင်ကို တိုးတက်စေနိုင်ခြင်း၊ အပင်များအာဟာရချို့တဲ့ခြင်းနှင့် ရေငတ်ခြင်း Abiotic stress များကို ပိုမိုခံနိုင်ရည်ရှိစေနိုင်ခြင်း စသည့် ဂုဏ်သတ္တိများရှိခြင်းကြောင့် ပျိုးပင်များကို ကျန်းမာသန်စွမ်းစေပါသည်။ ထို့ကြောင့် ရောဂါများ ကာကွယ်နှိမ်နင်းရန်အတွက် ထရိုင်ကိုဒါးမားမှိုပွားစာထုပ်ကို သီးနှံစိုက်ခင်းအတွက် ထည့်သွင်းပေးခြင်း၊ မျိုးစေ့လူးနယ်ထည့်ပေးခြင်း၊ စိုက်ခင်းအတွင်း ထရိုင်ကိုဒါးမားအရည်ဖျန်းပေးခြင်း စသည်တို့ကို အသုံးပြုနိုင်ပါသည်။ ထရိုင်ကိုဒါးမားအကျိုးပြုအဏုဇီဝမှို အသုံးဝင်ပုံကို သိရှိလိုပါက အပင်ရောဂါသုတေသနဌာနစုတာဝန်ခံ ဒေါ်စီစီမြင့် ၀၉-၄၃၁၃၂၇၁ သို့ ဆက်သွယ်မေးမြန်းနိုင်ပါသည်။ ထရိုင်ကိုဒါးမားမှီုကို ကုလားပဲသီးနှံတွင်အသုံးပြုသော တောင်သူထံမှ ယခင်နှစ်ထက် ပိုမိုကောင်းမွန်ပါသည်ဟု ကြားသိရပါသည်။ မကွေးစိုက်ပျိုးရေးဦးစီးဌာန ဒုတိယတိုင်းသေသကြီးဦးစီးမှူး ဒေါ်မော်မော်ဝင်းမှလည်း စမ်းသပ်ခဲ့ရာ တောင်သူများ၏ ထောက်ခံမှုကို ရရှိခဲ့ပါသည်။ မင်းဘူးခရိုင်ဦးစီးမှူး ဒေါ်နီလာမော်မှလည်း တောင်သူများ၏စိုက်ခင်းတွင် ထရိုင်ကိုဒါးမားမှိုကို အသုံးပြုသည့်စိုက်ခင်းနှင့် အသုံးမပြုသည့်စိုက်ခင်း နှိုင်းယှဉ်စမ်းသပ်ခဲ့ရာ အသုံးပြုသည့်စိုက်ခင်းမှာ ပိုမိုကောင်းမွန်ကြောင်းတွေ့ရှိရပါသည်။

စိုက်ပျိုးရေးဦးစီးဌာန call center

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...