အစိမ်းရောင်လမ်း
Greenovator
စားသုံးပင်အဖြစ်လည်းကောင်း၊ ပရဆေးပင်အဖြစ်လည်းကောင်း စိုက်ပျိုးကြသည်။ ဟင်းလျာ များတွင် မပါမဖြစ်ပစ္စည်းဖြစ်သည်။ စားသုံးဆီများတွင်ပါဝင်သော အဆိပ်ကို သတ်ရန်အတွက် လည်းကောင်း (ဆီသတ်သည်)၊ အရောင်လိုအပ်ချက်အရလည်းကောင်း အသုံးပြုကြသည်။ အိန္ဒိယ၊ အရှေ့တောင်အာရှနိုင်ငံများတွင် စိုက်ပျိုးပြီး ဥရောပသို့ ဟင်းခတ်အမွှေးအကြိုင်ဖြစ် ရောင်းဝယ်ဖောက်ကားကြသည်။ ရေမဝပ်သော နုန်းမြေ၊ မြေနုကျွန်းမြေများတွင် စိုက်ပျိုးဖြစ် ထွန်းသည်။
အသုံးပြုနိုင်သော အစိတ်အပိုင်း - နနွင်းတက်။
စွမ်းအင်သတ္တိ - ပိုးသတ်ဆေး၊ တွန်းကန်ဆေး။
နှိမ်နင်းနိုင်သော ပိုးမွှားများ - ငမြှောင်တောင်/ ပိုးနဂါး၊ ပဲပိုးထိုး၊ ဆန်ပိုးထိုး၊ ခေါင်းလုံးကျိုင်း၊ မွှား၊ မုန့်ညက်ထိုးပိုး၊ ခူကောင်များ။
အသုံးပြုနည်း
နည်း (၁)။ နနွင်းတက်များကို အခြောက်ခံအမှုန့်ထောင်း၍ နွားကျင်ငယ်ရေဖြင့် (၁ ; ၂) သို့ (၁ ; ၆) ရောစပ်၍ ပက်ဖျန်းခြင်းဖြင့် ခူကောင်များကို နှိမ်နင်းနိုင်သည်။
နည်း (၂)။ နနွင်းမှုန့်ဖျော်ရည်တွင် ဂုန်လျှော်ကြိုးများကို နှစ်စိမ်ကာ စိုက်ခင်းများပေါ်တွင် တန်း ၍ချည်ထားခြင်းဖြင့် ပိုးများကို တွန်းကန်သော အာနိသင်ရှိစေသည်။
နည်း (၃) ။ နနွင်းတက်များကို အခြောက်ခံအမှုန့်ထောင်း၍ Acetone တွင် ဖျော်စပ်ပြီး ဖျော်ရည်တစ်ဆ ရေငါးဆရော၍ ပက်ဖျန်းပေးခြင်းဖြင့် ငမြှောင်တောင်/ ပိုးနဂါးများကို ၂ ရက်အတွင်း ၉၀ - ၁၀၀ ရာခိုင်နှုန်း သုတ်သင်နိုင်စွမ်းရှိသည်။
နည်း (၄) ။ အစေ့အဆန်များကို နနွင်းမှုန့် (၂) ရာခိုင်နှုန်းနှင့် ရောစပ်မွှေသမပြီး သိုလှောင်ပါက ဆန်စေ့ထိုးပိုး၊ ခေါင်းလုံးကျိုင်းများ ကာကွယ်ပေးနိုင်သည်။
အပင်အခြေခံ ပိုးသတ်ဆေးများပြုလုပ်သုံးစွဲနည်းစာအုပ်မှကောက်နှုတ်ဖော်ပြပါသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}