ဒေါ်နန်းထက်ထက်ချစ်ရန်ကုန်သီရိမင်္ဂလာဈေးသို့ ကွမ်းရွက်တင်ပို့ရောင်းချမှု ရပ်တန့်သွားသည့်အတွက် ကွမ်းရွက်ဈေးကွက်နေရာ အတည်တကျမရှိသကဲ့သို့ဖြစ်နေကြောင်း ကွမ်းစိုက်တောင်သူများက ပြောသည်။
သီရိမင်္ဂလာဈေးကို တင်ပို့လို့မရတော့ပါဘူး။ တချို့ ကွမ်းရွက်ပို့နေကြသူတွေက သူတို့ပို့နေတဲ့ဒိုင်ကို ဆက်သွယ်ပြီးတော့ပဲ အဆင်ပြေသလို ပို့နေကြတယ်။ တချို့ကလည်း ကိုယ့်မြို့ကိုယ့်ရွာက ကွမ်းဒိုင်တွေကို ရသလောက်လေးပို့ကြတယ်။ နွေရာသီလို ကွမ်းအရမ်းထွက်တဲ့ရာသီမဟုတ်တော့ နည်းနည်းတော့ တော်သေးတယ်။
ဟု ဧရာဝတီတိုင်း၊ ညောင်တုန်းမြို့နယ်၊ စက္ကော့ကျေးရွာမှ ကွမ်းစိုက်တောင်သူ ကိုမင်းလွင်က ပြောသည်။
ဧရာဝတီတိုင်းဒေသကြီးမှ ထွက်ရှိသည့်ကွမ်းများကို ရန်ကုန်ဈေးကွက် (သီရိမင်္ဂလာဈေး) သို့ အဓိက တင်ပို့ရောင်းချခဲ့ပြီး ဈေးပိတ်သည့်အတွက် ဈေးကွက်အခက်အခဲကို ရင်ဆိုင်နေရခြင်းဖြစ်သည်။
ကွမ်းစျေးကတော့ စျေးကွက်အပျောက်နဲ့ ရောင်းနေကြရတယ်။ ရန်ကုန်၊ ရွှေပြည်သာဘက်ကို သက်သက်ချိတ်ဆက်ရောင်းနေကြရတယ်။ ကွမ်းရွက်တင်ပို့ရောင်းချရမယ့် နေရာရယ်လို့ အတိအကျမရှိတော့ဘူး။ ဒိုင်နဲ့ ဒီကခြံသမားနဲ့ သက်သက်ချိတ်ဆက်ရောင်းနေကြရတာ။ စျေးကို ပိတ်ထားတာလေ။ သီရိမင်္ဂလာစျေးမှာ ကိုဗစ်ရောဂါပိုးတွေ့လူနာ ၁၂ ယောက်လောက် ရှိတယ်ကြားတယ်။ ကွမ်းတန်းကနေ ရောဂါပိုးသံသယရှိသူ စတွေ့တယ်လည်း ကြားတာပဲ။ ပန်းတန်းမှာလည်း တွေ့တယ်ပြောကြတယ်။ အခု ဈေးက ခုနှစ်ရက်ပိတ်ထားပါတယ်။ အနည်းဆုံး လဝက်လောက်အထိတော့ ဆက်ပိတ်ဖြစ်မယ်လို့ ခန့်မှန်းရတယ်။
ဟု ဧရာဝတီတိုင်း၊ ပုသိမ်ခရိုင်၊ ကျောင်းကုန်းမြို့နယ်၊ သစ်ဆိမ့်ကုန်းအုပ်စု၊ မှော်သေးကျေးရွာမှ ကွမ်းစိုက်တောင်သူ ကိုထွန်းထွန်းက ပြောသည်။
လက်ရှိတွင် အရည်အသွေးပေါ်မူတည်၍ ကွမ်းတစ်ပိဿာလျှင် ၄,၀၀၀ ကျပ်မှ ၅,၀၀၀ ကျပ်အတွင်း ပေါက်ဈေးဖြင့် အရောင်းအဝယ်ပြုလုပ်နေကြသည်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။
Farm Link Co.,Ltd ကြော်ငြာ
.jpg)
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}